ОН бараат финансиска и хуманитарна помош за поплавените региони во Пакистан

Шефот на ОН Антонио Гутереш отпатува во југоисточната пакистанска провинција Синд, регионот најтешко погоден од разорните и смртоносни поплави во земјата, каде што ги повтори своите повици до Меѓународната заедница да обезбеди „масовна“ финансиска и хуманитарна помош.

„Тешко е да не се чувствуваме длабоко трогнати кога гледаме толку детални описи на трагедијата“, рече Гутереш, во видеото објавено од канцеларијата на пакистанскиот премиер Шахбаз Шариф, кој го придружуваше Гутереш.

 „На Пакистан му треба огромна финансиска поддршка. Ова не е прашање на великодушност, тоа е прашање на правда“, рече Гутереш кој подоцна прелета над југозападната провинција Балучистан, уште една тешко погодена провинција.

СЗО предупредува на влошување на хуманитарната ситуација во Пакистан

На 9 септември, првиот ден од дводневната посета на генералниот секретар на ОН, Гутереш рече дека Пакистан е жртва на „војната против природата“ на човештвото и дека го чувствува товарот на огромната одговорност на другите земји за климатските промени.

Во поплавите, предизвикани од двомесечните рекордни монсунски дождови, загинаа најмалку 1 391 лице, а погодија уште 33 милиони. Гутереш рече дека според некои проценки, на Пакистан му требаат околу 30 милијарди долари за да се опорави.

ООН минатата недела упати итен глобален апел за собирање 161 милиони долари како итен одговор на катастрофата.