Градоначалниците и советниците од северот на Косово поднесоа оставки
Свои оставки поднесоа и градоначалниците на општините Звечан Драгиша Миловиќ, на Лепосавиќ Зоран Тодиќ и на општината Зубин Поток Срѓан Вуловиќ, како и советниците во локалните собранија од редовите на Српската листа, водечката партија на косовските Срби која ја има поддршката од Белград.
Овие оставки доаѓаат еден ден откако претставниците на Србите од северот на Косово одлучија да ги напуштат сите институции на Косово, односно да поднесат оставки од локалните, централните институции, судството и полицијата.
Горан Ракиќ, претседател на Српската листа рече дека овие одлуки за напуштање на институциите ќе бидат во сила до моментот „Приштина ќе почне да го почитува меѓународното јавно право и договорите договорени во Брисел“.
Борел: Настаните во Косово ја доведуваат во опасност напорната работа
Претставниците на Србите од северот на Косово одлучија да излезат од косовските институции
Исто така, беше побарано Владата на Косово да ја повлече одлуката за пререгистрација на табличките КМ - издадена од Србија - во РКС (Република Косово).
На напуштањето на косовските институции од страна на Србите му претходеше суспензијата на директорот на полицијата за северниот регион, Ненад Ѓуриќ, кој ја одби наредбата за предупредување.
На 1 ноември, Владата на Косово започна со спроведување на планот за пререгистрација на табличките со српски ознаки на градовите во Косово, издаден од Србија, како што е КМ (Косовска Митровица).
Во првата фаза се предупредуваат возачите, во втората може да платат казни од 150 евра, додека во третата ќе се издаваат пробни таблички.