Македонските политичари со пораки до граѓаните за Водици
Македонскиот претседател Стево Пендаровски во честитката до граѓаните кои го прославуваат христијански празник Богојавление – Водици, со желби за здравје, радост и бериќет. Тој во пораката наведе дека чинот на фрлање на светиот крст и годинава ќе не собере покрај македонските води за заедно да го посведочиме јавувањето на Бог и да ги наполниме срцата со надеж и верба.
„Симболиката на прочистените води нека ни биде мотив за духовно прочистување и инспирација за добри дела. Да негуваме разбирање слога и човекољубие, постојано дарувајќи љубов, грижа и внимание“, се вели во честитката од Пендаровски.
Премиерот Димитар Ковачевски во својата честитка упати порака за обединување во стремежот за мир и просперитет.
„ Денеска заедничко добро е да се осигура мирот и да се обезбедат егзистенцијата и просперитетот со разбирањето, грижата едни за други и со заедничка поддршка на развојот. Како предизвик и обврска на секој совесен човек, повикани сме сите кон оваа цел да ги вложиме и обединиме нашите стремежи,“ вели Ковачевски во писмото.
Претседателот на Собранието Талат Џафери во честитката до граѓаните за Богојавление им посака да ги надминат сите препреки и потепкотии.
„Единствената и најважна цел за сите нас секогаш ќе биде просперитетна и безбедна иднина, за мир во земјава, за еднакво, правично, напредно и пред сѐ, хумано општество во кое секој ќе се чувствува рамноправен и ќе се грижи подеднакво за личниот и колективен напредок на земјата. Нека водата која е симбол на Богојавление ги однесе сите препреки и тешкотии и нека помогне со бистар ум и јасна цел да донесеме државнички одлуки кои значат живот за Република Северна Македонија“, напиша Џафери во честитката по повод денешниот празник Богојавление – Водици.
Опозицискиот лидер на ВМРО-ДПМНЕ Христијан Мицкоски им посака обедунување на граѓните и помоголем мотив за борба за подобра иднина. Тој во својата честитка до граѓаните испрати и политичка порака.
„Денес сме соочени со пад на вредносните принципи, особено на полето на политиката и кај оние кои ја практикуваат власта. Сведоци сме дека оние кои што се во највисоките структури на власта се личности на кои ништо не им е свето и кои се водат само од бизнис и материјални интереси. Таквите личности се изворот на криминалот и корупцијата кои ја осиромашуваат Македонија и кои ги прават граѓаните се повеќе апатични и безнадежни. Целта на овие луѓе во власта е да ја осиромашат Македонија и духовно, да ја убијат надежта на народот и така да владеат со понижен и скршен народ“, се вели во неговата честитка за празникот.