Започна најголемата воена вежба меѓу САД и Израел
Соединетите држави и Израел денеска ја започнаа најголемата заедничка воена вежба за да испратат јасен сигнал до Иран и да ја истакнат силата на нивниот сојуз. Во вежбата учествуваат 100 американски авиони, бомбардери и авиони за полнење гориво, заедно со 42 израелски летала. Учествува и носачот на авиони „Х.В. Буш“, а вежбата ќе ги опфати сите домени на војување, пренесуваат агенциите. Неименуван претставник на американската одбрана изјави дека на вежбата како онаа учествуваат 6.500 американски и 1.100 израелски воен војници.
Вежбата се одржува и покрај загриженоста за составот на новата израелска влада предводена од премиерот Бенјамин Нетанјаху. Тој за министри назначи луѓе кои се сметаат за екстремни националисти, вклучувајќи го и лидерот на партијата Еврејска моќ и партијата Ноам, која се противи на правата на ЛГБТК. Вежбата е организирана во време кога тензиите меѓу САД и Иран се уште се високи. Администрацијата на американскиот претседател Џозеф Бајден воведе санкции кон Техеран по бруталното задушување на протестите во таа земја. Преговорите за обновување на нуклеарниот договор на големите сили со Иран сега се во застој.