Германија се откажа од проектите во Република Српска, вредни 105 милиони евра

Германската влада одлучи да суспендира четири инфраструктурни проекти во Република Српска, поради продолжување на „сецесионистичката политика на тој ентитет и неговиот претседател Милорад Додик“, соопштија во средата, на 9 август, германската амбасада во Босна и Херцеговина.


„Германската федерална влада одлучи да дозволи четири инфраструктурни проекти, вредни 105 милиони евра, да истечат и на тој начин сукцесивно да се завршат“, се вели во соопштението.




Меѓу проектите напуштени од германската влада е изградбата на ветерниот парк „Хргуд“ во Берковиќи, општина во ентитетот на РС.


Вредноста на проектот е околу 64,28 милиони евра, од кои Германската банка за развој (KfW) обезбеди 60 милиони евра, а остатокот би го финансирала Електропривреда РС.