Работна група ќе расправа за минималната пензија

Владата на денешната седница ја разгледа и усвои Информацијата од Министерството за труд и социјална политика за формирање Работна група за разгледување предлози за прашањето за најниската пензија во Република Северна Македонија, како и пакет мерки за помош и поддршка на пензионерите и го донесе Решението за формирање на Работната група, соопшти владината прес-служба.



Работна група за разгледување на предлози за прашањето за најниската пензија во Република Северна Македонија, како и пакет мерки за помош и поддршка на пензионерите е задолжена да достави до Владата соодветен и финансиски издржлив предлог за најниската пензија и предлог мерки за помош и поддршка на пензионерите.




Изминатите дваесетина дена голем број пензионери излегуваа на протести низ градовите во Северна Македонија со барање за линеарно зголемување на пензиите и за изедначување на пензискиот минималец со минималната плата во државата.


Од надлежните министерства во неколку наврати добија одговор дека нивните барање не можат да се реализираат, но дека Владата секогаш е подготвена да разговара и да се најдат соодветни решенија за решавање на проблемите на пензионерите.