Уапсен директорот на најголемата болница во Газа

Израелските одбранбени сили го уапсија директорот на најголемата болница во Газа, соопшти Министерството за здравство на Хамас.


Тој бил приведен заедно со членовите на медицинскиот персонал во Ал-Шифа, изјави портпаролот на Министерството.


Оваа најголема болница во Газа од минатата недела е во фокусот на копнената операција на Израел во северниот дел на Газа.




Израелската војска тврди дека Хамас користи комплекс тунели под болницата за да организира напади и да крие заложници, наводи што екстремистичката група Хамас ги негираше.


Аднан ал-Бурш, кој е шеф на ортопедскиот оддел во Ал-Шифа, но моментално е во индонезиска болница во друг дел на Газа, за Би-Би-Си изјави дека директорот на Ал-Шифа, Абу Салами, бил приведен додека ги придружувал пациентите кои беа евакуирани од болницата.


Израелската армија сѐ уште не го потврдила ова.