امریکا له ترکیې د فولاد اوالمونیم پر وارداتومالیاتي تعرفه دوه چنده کړه
د امریکا ولسمشر دونالد ټرامپ له ترکیې د فولاد اوالمونیم پر وارداتومالیاتي تعرفه دوه چنده کړه
د امریکا ولسمشر پرون جمعه پر ټوېټر ولیکل: ما له دې امله چې د ترکۍ لیرې بیې ته چې په دوامدار ډول زموږ د پیاوړي ډالر په مقابل کې لوېږي، پر فولاد او المونیم د تعرفې د دوه چنده کېدو امر وکړ.
ولسمشر ټرامپ په یوه بل ټویټ کې ولیکل چې "په دې وخت کې زموږ او ترکیې روابط ښه نه دي. تر دې وروسته به له ترکیې د فولاد پر وارداتو تعرفه پنځوس او پر المونیم به دیرش فیصده وي. "
د ترکیې او امریکا ترمنځ اړیکي تر هغه وروسته لا خراب شول چې یو امریکایی پادري یا کشیش اندریو برونسون په ترکیه کې ونیول شو.
پینځوس کلن برونسن په ترکیه کې "پرته له دې چې غړیتوب ولري، دیوه تروریستي سازمان په استازیتوب دجنایت" په تور محاکمه کېږي.
که چېرې مجرم وپېژندل شي، په پنځه دیرش کاله بند محکومېدلائ شي.