راتلونکې اوونۍ په غور کې د فوټبال غور لیګ سیالۍ پيلېږي
ټاکل شوې چې راتلونکې اوونۍ په غور ولایت کې په دوو ګرپونو کې ۱۶ ټیمونو ترمنځ د فوټبال غور لیګ سیالۍ پيل شي.
د دغه ولایت د ورزشي څانګې مسوول امیر محمد غوري نن سې شنبه ازادي راډيو ته وویل چې په الف ګروپ کې به د مرکز اته ټیمونه او په بې ګروپ کې به د ولسوالیو ۸ ټیمونه خپلو کې سیالۍ وکړي.
د غوري په خبره دغه سیالۍ د سولې د اوونۍ لمانځلو په هدف ترسره کېږي.