Новости за 19.05.2019

امنيتي چارواکي وايي، د کندهار په میوند ولسوالۍ کې په پوځي عملياتو کې ١٥ وسله وال وژل شوي دي. چارواکي وايي، دغه پوځي عمليات د ميوند په ناکراره سيمه بند تيمور کې شوي دي. په کندهار کې د ۲۰۵ اتل قول اردو ویاند خواجه يحيى علوي نن ازادي راډيو ته وويل، د وسله والو يوه اندازه وسلې نيول شوي. ده وویل: "١٥ ترورېستان وژل شوي او پنځه نور جنايتکاران يې ټپيان شوي، يو ٨٢ ملي متري توپ، يو ميل بله وسله او دوه دوربينونه د امنيتي ځواکونو لاس ته ورغلي، د دښمن څلور پټنځايونه تخريب شوي دي." د علوي په خبره، د... Читать дальше...

د امريکا د استخباراتي ادارې (CIA) له پخواني رئيس جان برینان څخه وغوښتل شول چې د ایران په اړه ډموکراتانو ته د استازو په جرګه کې معلومات وړاندې کړي. د اسوشېټېډ پرېس خبري اژانس د راپور له مخې، دا غوښتنه په داسې حال کې شوې چې په سیمه کې د ولسمشر ډونالد ټرمپ پر وروستیو اقداماتو ډموکرات ګوند اندېښنه ښکاره کړې ده. اژانس د ډموکرات ګوند د یوه غړي او د یوه بل کس په قول چې د دې غونډې په اړه یې معلومات لرل، پرون شنبه وویل چې برینان به راتلونکې سې شنبه د استازو جرګې په اوونیزه خصوصي غونډه کې خبرې وکړي. نوموړی د ولسمشر ټرمپ یو منتقد دی. Читать дальше...

چینایان د خرو له څرمنې څخه یو ډول دارو جوړوي چې په بدن کې د وینې ګردش ښه کوي. د دې دوا جوړلو لپاره په افریقايي هېواد کینیا کې خره وژل کېږي او څرمن یې چین ته برامدېږي. خو د ځناورو د حقونو یوې ادارې پر کینیايي حکومت غږ کړی چې سمدستي دې د خرو پر وژنه بندیز ولګوي. دا چې ولې؟ ځواب یې د اژانس فرانس پرېس په ویډیو کې.

د مې پر ۱۸مه، د اسلام اباد په اسلامي نړیوال پوهنتون کې د افغان زده کوونکو د فراغت غونډه وشوه. په اسلام اباد کې افغان سفیر شکر الله عاطف مشعل په وینا کې وویل، محصلین دې اسناد ورکړي چې په افغانستان کې ورته د کار زمینه جوړه کړي. په دې غونډه کې ۷۰ افغانان تر څلور کلنو زده کړو وروسته فارغ شول. ویډیويي رپورټ.

کمال ناصر اصولي او د ولسي جرګې یو شمېر نور غړي چې وايي میررحمان رحماني د ولسي جرګې د مشرتابه لپاره پنځوس جمع یو رأیې یې نه دي ترلاسه کړي، نن یکشنبه رحماني پرې نښود چې د ولسي جرګې د ریاست پر څوکۍ کېني. پرون شنبه د ولسي جرګې د مشرتابه لپاره په انتخاباتو کې میررحمان رحماني ۱۲۳ او کمال ناصر اصولي ۵۵ رأیې وګټلې او د جرګې موقت رئیس اعلان وکړ چې ښاغلی رحماني ګټونکی دی، خو ښاغلي اصولي او یو شمېر نورو وکیلانو اعتراض وکړ او ویې ویل چې ۱۲۳ رأیې د ټولو ۲۴۷ حاضرو وکیلانو پنځوس جمع یو نه پوره کوي، نو باید د نورو کاندیدانو ترمنځ بل پړاو انتخابات وشي. Читать дальше...

په پاکستان کې د اپوزیشن ګوندونو پرېکړه کړې ده چې له اختر نه وروسته به د حکومت پر ضد په احتجاجونو لاس پورې کوي.

د ننګرهار په مرکز جلال اباد ښار کې د وطندار په نوم درې ورځنی پروګرام جوړ شوی و چې د ۱۶ ولایتونو ځوانانو ...

د افغانستان د کرکټ بورډ وايي د افغانستان د خپلواکۍ د بياګټلو سلمه کليزه يې نن ولمانځله.   دغه بورډ وايي په دې مناسبت د هغو لوبغاړو ترمنځ د کرکټ سيالۍ وشوې، چې له ملي ټيم سره په سفر کې نه دي تللي.    د کرکټ بورډ وياند فريد هوتک نن ازادۍ راډيو ته وويل، کرکټ بورډ اداره د خپلواکۍ د بياګټلو د سلمې کليزې په لمانځلو کې تر نورو مخکې شوه.   د ښاغلي هوتک په خبره دغه پروګرام د ولسمشر محمد اشرف غني په حکم جوړ شوى و، چې د چارو ادارې مقاماتو هم په کې برخه اخيستې وه.   هر کال داګست پر ١٩مه، د افغانستان... Читать дальше...

کابل چاپ نننیو ورځپاڼو د افغانستان د سولې پروسې، د ولسي جرګې د رئیس د ټاکلو په ګډون، په بېلابېلو...

د ليکنې په يوه برخه کې راغلي، چين د امريکا د متحدو ايالتونو او روسيې تر څنګ په يوه رسمي ګډه اعلاميه کې اعلان...

د افغانستان او اېرلنډ د کرکټ د ملي ټیمونو ترمنځ د یو ورځنیو سیالیو لړۍ نن یکشنبه پیلېږي. دا سیالۍ به د اېرلنډ په وخت د ورځې په لس بجې او ۴۵ دقیقې په بلفاست کې وشي. خو اټکل شوی چې ممکن د باران د ورېدو له کبله د لوبې د پیل په وخت کې بدلون راشي. تر دې وړاندې د افغانستان او سکاټلنډ ترمنځ په دوو یو ورځنیو سیالیو کې یوه د باران د اورېدو له کبله ونه شوه.

سعودي عربستان له ایران سره د کړکېچ د زیاتېدو په ترڅ کې پر بېړیو او د تېلو د تولید پر تاسیساتو د حملو په اړه د خبرو لپاره په روانه میاشت کې د خپلو عربي متحدانو د دوو فوري غونډو غوښتنه وکړه. د سعودي عربستان پاچا ملک سلمان پرون شنبه د خلیج د همکارۍ شورا او عرب لیګ مشرانو ته بلنه ورکړه چې د مې په شلمه د مکې په بېړنۍ سرمشریزه کې ګډون وکړي. سعودي او نورو چارواکو وویل چې په دې سرمشریزه کې به د متحده عربي اماراتو ساحل ته نږدې پر څلورو سوداګریزو بېړیو او ریاض ته نږدې د تېلو د تولید پر تاسیساتو د بې پېلوټه الوتکې پر حملو تمرکز وشي. Читать дальше...

د پکتیکا په برمل ولسوالۍ کې بې پيلوټه الوتکې د وسله والو طالبانو یو موټر ویشتی دی.  د والي ویاند شاه محمود ارین پرون د مې په اتلسمه ازادي راډیو ته وویل چې په حمله کې درې وسله وال طالبان وژل شوي دي.  ارین وایي: "حمله د باقرخېلو په سیمه کې شوې، درې وسله وال طالبان وژل شوي او درې نور زخمیان شوي، په حمله کې د هغوی یو کرولا موټر له وسلو سره ویجاړ شوی دی." د پکتیکا د والي د ویاند په وینا، په دې پېښه کې ملکي خلکو ته تاوان نه دی رسېدلی.  وسله والو طالبانو په دې اړه خبرې نه دي کړي.

د زابل په ارغنداب ولسوالۍ کې څلور ښوونځي چې په وروستیو دیارلسو کلونو کې وسله والو طالبانو بند کړي وو، بیا پرانیستل شول. د زابل د پوهنې رئيس نصرالله زاهد پرون د مې په اتلسمه ازادي راډیو ته وویل چې دا کار د قومي مشرانو په مرسته شوی دی. زاهد وویل چې په دې ښوونځیو کې یې تر اوسه ۷۲۰ زده کونکي ثبت کړي دي. د زابل د ارغنداب ولسوالۍ یو اوسېدونکی او ښوونکی وايي، خوشحاله دي خو ستونزې یې ډېرې دي. دوی وویل: "موږ د درېیم ټولګي کتاب په اول کې هم وایوو او په درېیم کې هم، یوه ریاضي په پښتو ده نور پښتو کتابونه... Читать дальше...

د جلال اباد ښار په لومړۍ حوزه کې دوه تنه په چاودنه کې زخمیان شوي دي. د ننګرهار د والي ویاند عطالله خوګیاڼي ازادي راډیو ته وویل چې پرون د مې په اتلسمه تر روژه ماتي وروسته په جلال اباد ښار کې څلور پرله پسې چاودنې وشوې. عطالله خوګیاڼي وویل: "چاودېدونکي مواد د ښار د ګلدانونو په منځ کې ایښودل شوي وو، په درېیو چاودنو کې زیان نه دی رسېدلی، خو په یوه کې دوه ملکي وګړي زخمیان شوي دي." خوګیاڼي وویل چې په چاودنو کې یوه "تخریبکاره " ډله لاس لري، خو د نورو جزیاتو له ورکولو یې ډډه وکړه. د چاودنو مسؤلیت چا نه دی اخیستی.

د اتریش صدراعظم زباستیان کورتس په هغه هېواد کې د نویو انتخاباتو د ترسره کېدو غږ کړی دی. د اتریش د صدراعظم مرستیال پرون د مې په اتلسمه، استعفی وکړه. د هغه یوه ويډیو خپره شوې وه چې یوه روسي قراردادي ته د قرارداد ورکولو ژمنه کوي او په بدل کې یې له هغوی سیاسي ملاتړ غواړي. په ویډیو کې یوه ښځه چې په روسي ژبه خبرې کوي، لیدل کېږي او ځان د روسیې د یوه پېژندل شوي سوداګر خورزه معرفي کوي. په ویډیو کې لیدل کېږي چې د اتریش د ازادۍ ګوند یو بل چارواکی د هغې خبرې ترجمه کوي. د دې وېډیو تر خپرېدو وروسته په ویانا کې زرګونه کسانو مظاهره وکړه. Читать дальше...

په کريمیا کې مېشتو تاتارانو د پخواني شوروي دیکتاتور جوزف ستالین د واکمنۍ په دوره کې د تاتارانو د تبعید کلیزه ونمانځله. د روسیې پولیسو خبرداری ورکړی و چې په داسې غونډو کې ګډون غیر قانوني دی خو نوره مداخله یې نه ده کړې. یو شمېر تاتارانو د دې ټاپو وزمې په پلازمېنه کې پرون د مې په اتلسمه هغو زرګونه کسانو ته دعا وکړه چې په ۱۹۴۴ میلادي کال کې په ډله ییز ډول تبعید شوي او د سختو شرایطو له امله مړه شوي وو. جوزف ستالین پر هغوی تور پورې کړی و چې له نازینانو سره تړاو لري او لسګونه زره کسان یې له کریمیا... Читать дальше...

هالنډۍ سندرې د ایرو وېژن د سږ کال د سندرو په سیالۍ کې لومړی مقام وګاټه. د ایرو وېژن سندرو د سیالۍ له مقرراتو سره سم به راتلونکی کال هالنډ د موسیقۍ د دې فیسټوال کوربه وي. تېره شپه د یورو وېژن د سندرو سیالۍ د اسرائیل په تل ابیب کې وشوه. دا مسابقه په ټوله نړۍ کې لسګونو ميلیونو تنو په ژوندۍ بڼه ولیده. دوهم مقام د ایټالیايي او درېيم د روسي سندرغاړو سندرو وګاټه.

د نړۍ د رومن کاتولیکې کلیسا مشر پاپ فرانسېس پر ژورنالېستانو غږ وکړ چې د حقایقو د موندلو لپاره د رسنیو...

په هرات کې چارواکي وايي، دا به معلومه کړي چې پر محمد ابراهیم صفي زاده حمله جنايي عمل و که ترورېستي...