Новости за 02.11.2019

د افغانستان برېښنا شرکت د کابل په ارغندي کې د برېښنا یو لوی سب ستيشن ګټې اخېستنې ته وسپاره. د دغه شرکت ویاند وحیدالله توحیدي نن ازادي راډيو ته وویل،چې پر دغه سب اسټیشن ۱۲۶ میلیونه ډالر لګښت راغلی چې داسیا پراختیايي بانک له لوري ورکول کېږي. د ښاغلي توحیدي په وینا، د دغه سب اسټيشن په فعالېدو سره به د کابل د برېښنا د کمښت ستونزه هواره شي. هغه وايي: "د دغه سب سټیشن په فعالېدو سره به د کابل، لوګر، پکتیا، خوست، غزني او میدان وردګو ولایتونو د برېښنا کمیت او کیفیت لوړ شي." د برېښنا شرکت مسؤلین همدارنګه... Читать дальше...

د حقیقت څه دی د دې اونۍ په خپرونه کې د کانونو او پټرولیم وزارت له سرپرست عنایت الله مهمند سره د کانونو د کیندنو پر څرنګوالي غږیدلي یوو.

د پاکستان وزیراعظم عمران خان په اسلام اباد کې د جمعیت علما اسلام (ف) ګوند په مشرۍ د ازادۍ په نوم مارچ کې د اپوزیشن ګوندونو مشران سیاسي یتیمان بللي او وېلي یې دي چې په دې احتجاج د پاکستان دوښمنان خوشاليږي.

د اسلامي دولت ډلې یا داعش مشر ابوبکر البغدادي د اکټوبر په ۲۶مه نېټه په سوریه کې د امریکا د ځانګړو ځواکونو په عملیاتو کې ووژل شو.

واشنګتن پُسټ امریکايي ورځپاڼې کابل ته د زلمي خلیلزاد په سفر تمرکز کړی دی.

کابل چاپ ورځپاڼو په خپلو نننیو ګڼو کې تر ډېره د سولې را روانې ناستې، د ولسمشریزو ټاکنو د لومړنیو پایلو د اعلان د ځنډېدو او د سي ای اې له ملاتړه برخمنو افغان ځانګړو ځواکونو له لوري د بشري جنایت په اړه لیکنې او تبصرې چاپ کړي دي.

ځايي خلک وايي، چې د ارزګان - کندهار لویه لاره دې ورته امن کړي.

د افغانستان د ملي یووالي حکومت اجرائیه رئيس عبدالله عبدالله پرون د نومبر په لومړۍ نېټه د قرغزستان او قزاقستان له صدراعظمانو سره د ترورېزم پر ضد په مبارزه او سیمه ییز امنیت خبرې کړي دي. عبدالله عبدالله د شانګهای د همکاریو سازمان د مشرانو په غونډه کې د ګډون لپاره ازبکستان ته تللی دی. هغه په تاشکند کې د دې غونډې په څنډه کې د منځنۍ اسیا د دې جمهوریتونو له مشرانو سره کتلي دي. عبدالله عبدالله پر ټوېټر لیکلي چې د قرغزستان صدراعظم په افغانستان کې د سولې لپاره له روانو هڅو ملاتړ کړی او له دې بهیر سره یې د مرستې ژمنه کړې ده. Читать дальше...

د افغانستان د کرکټ ملي لوبډله به د را روانې چهارشنبې په ورځ له ویسټ انډیز سره د مسابقو لړۍ پیل کړي. دا سیالۍ د هند په لکهنوو ښار کې د نومبر په ۶مه پیلېږي. د افغانستان د کرکټ بورډ ویاند فرید هوتک بېګا ازادي راډیو ته وویل: "د افغانستان او وېسټ انډیز د کرکټ لوبډلې به درې ۵۰ اوره او درې ۲۰ اوره سیالۍ او یوه ټېسټ سیالي لري، افغان لوري تیاری ورته نیولی دی." فرید هوتک وویل چې د افغانستان د لوبډلې غړي د تمرین لپاره هند ته رسېدلي دي. د افغانستان د کرکټ لوبډله سږکال د کرکټ د نړیوال جام لپاره په سیالیو... Читать дальше...

د پاکستان د جمعیت علمای اسلام ف ګوند مشر مولانا فضل الرحمن عمران خان ته دوه ورځې وخت ورکړی څو له واکه لرې شي.

د افغانستان د ملي دفاع وزارت ویلي چې ځواکونه یې د کونړ پر پوله د پاکستان له لوري د بریدونو دفاع ته تیار دي. د کونړ والي عبدالستار میرزکوال پرون د نومبر په لومړۍ ازادي راډیو ته وویل چې د پاکستان پوځيانو د کونړ ناړۍ ولسوالۍ ته نږدې تجهیزات زیات کړي او د افغانستان له ځواکونو سره جنګ ته تیاری نیسي. خو د دفاع وزارت ویاند روح الله احمدزي بېګا ازادي راډیو ته وویل: "د افغانستان ځواکونه به هېڅ هېواد ته اجازه ورنه کړي چې د افغانستان خاورې ته نفوذ وکړي." د کونړ په ناړۍ ولسوالۍ کې په وروستیو څو ورځو کې... Читать дальше...

په روسیه کې پرون د نومبر په لومړۍ د انټرنټ د کارولو یو جنجالي قانون نافذ شو. پر نوي نافذ شوي قانون د منتقدانو له لوري نیوکه کېده چې سانسور زیاتوي. د ازاد انټرنټ په نوم قانون د روسیې په پارلمان کې تصویب شوی او ولسمشر ولاديمیر پوتین د دې کال په پیل کې توشېح کړی و. د نوي قانون پر اساس، په روسیه کې انټرنټي شبکې باید داسې ځانګړي وسایل انسټال کړي چې له ځانګړو ارتباطي ټکو سره وصلېدلی شي او د روسې د حکومت له لوري کنټرولېږي. په نوی قانون کې د روسیې د د کورنیو انټرنټي شبکو د دومېن نومونو تغییر هم شامل دی. Читать дальше...

د ایران د بهرنیو چارو وزیر محمد جواد ظریف ویلي چې پر تهران د امریکا نویو بندیزونو د واشنګټن د کړنلارو ناکامي څرګنده کړه. ظریف پر امریکا غږ وکړ چې د ۲۰۱۵ میلادي کال له اټمي موافقې سره یو ځای شي. د امریکا حکومت د ایران پر ساختماني صنعت د دې لپاره چې له سپاه پاسداران انقلاب ګارد سره یې اړیکې درلودې، نوي بندیزونه لګولي دي. د امریکا د بهرنیو چارو وزارت ویاندې مورګن اورتیګس پرون پر ټوېټر ولیکل چې سپاه پاسداران انقلاب یو ترورېستي سازمان دی او له دې ډلې سره د تړاو له امله د ایران پر ساختماني صنعت بندیزونه لګول شوي دي. Читать дальше...

د اوکراین د بهرنیو چارو وزیر وادیم پریستایکو ویلي چې د هغه هېواد په ختیځ کې د وضعیت په اړه د څلور اړخیزې غونډې د وخت ټاکل په روسیې پورې تړاو لري. په همدې حال کې د اوکراین د دفاع وزیر اندرې زاهرودنیوک ویلي چې د پیترفسک له سیمې د ځواکونو د ایستلو بهیر ځنډوي. دا بهیر باید د نومبر په څلورمه پیل شوی وای، خو د اوکراین د دفاع وزیر ویلي چې د روسیې پلویانو بېلتون غوښتونکو د چهارشنبې په ورځ د اوربند پر موافقه تېری کړی دی. د اوکراین ولسمشر ولادیمیر زيلينسکي د پنجشنبې په ورځ ویلي وو چې که په پیترفسک کې... Читать дальше...

د حامد کرزي او کندهار په هوايي ډګرونو کې د نشه يي موادو اووه قاچاق کوونکي ونیول شول. د کورنیو چارو وزارت په خبرپاڼه کې راغلي چې د عقرب د میاشتې پر اوومه نېټه درې کسان هغه مهال ونیول شول چې د حامد کرزي له هوايي ډګر څخه یې په (۱۹۰) کپسولونو کې دوه کیلو او (۱۲۵) ګرامه هیروئین ځای پر ځای کړي او غوښتل يې چې په خپلو خېټو کې یې هند ته قاچاق کړي. په دوهمه پېښه کې څلور کسان هغه مهال ونیول شول چې یو کیلو او (۱۵) ګرامه هیروئین یې په (۱۳۵) کپسولونو کې ځای پر ځای کړي او د کندهار هوايي ډګر له لارې یې په خپلو خېتو کې هند ته قاچاق کول.

په ننګرهار ولایت کې څه د پاسه درې زره کیلو ګرامه نشه يي مواد ونیول شول. د ننګرهار ولایت د امنیې قوماندانۍ ویاند مبارز اتل ازادي راډیو ته وویل، په لومړۍ پېښه کې د پولیسو ځانګړو ځواکونو په اچین ولسوالۍ کې د نشه يي موادو پر یوه زېرمه باندې د برید په نتیجه کې (۳۰۰۰) کیلو ګرامه چرس او (۵۰۰) کیلو ګرامه بنګ ونیول. په دوهمه پېښه کې يې په کوټ ولسوالۍ کې (۱۹) کیلو ګرامه تاریاک ونیول او په درېیمه پېښه کې یې د نشه يي موادو په یوه دوکان کې نهه نیم کیلو ګرامه چرس ونیول.

د افغانستان حکومت ادعا کوي چې طالبان د اسلامي عقيدې له مخې نه، بلکې د واک تر لاسه کولو او نشه يي موادو له لارې د پيسو ګټلو لپاره جګړه کوي.

له نشه يي موادو سره د مبارزې عدلي او قضايي مرکز محکمو اته قاچاق کوونکي په بند باندې محکوم کړل. د عدلي او قضايي مرکز ویاند خالد موحد ازادي راډیو ته وویل، دا اته کسان چې د (۶۲۷۱) کیلو ګرامو نشه يي موادو د قاچاقو په تور نیول شوي وو، د دې مرکز محکمو د علني غونډو په ترڅ کې له یوه کال او شپږو میاشتو څخه نیولې بیا تر شلو کالو پورې په بند باندې محکوم کړي دي. امنیتي ادارو په دې وروستیو کې (۲۹) نور تورن کسان هم نیولي او عدلي او قضايي مرکز ته یې معرفي کړي دي.

د ننګرهار ولايت د اوسېدونکو په وينا په دې ولایت کې معتادین ډېر شوي او د ښار په هره کوڅه کې نشه يي مواد خرڅېږي.

په سمنګان ولایت کې نږدې (۱۵۰) کیلو ګرامه نشه يي مواد ونیول شول. د کورنیو چارو وزارت له نشه یي موادو سره د مبارزې معینیت ویاند اسدالله یادګاري ازادي راډیو ته وویل: له نشه يي موادو سره د مبارزې پولیسو د عقرب د میاشتې په اوومه نېټه په یوه لارۍ موټر کې (۱۴۸) کیلو ګرامه نشه يي مواد ونیول چې (۷۸) کیلو ګرامه یې چرس، (۶۶) کیلو ګرامه تاریاک او څلور کیلو او (۷۰۰) ګرامه یې مورفین وو. ښاغلي یادګاري زیاته کړه چې د دې اوونۍ په بهير کې له نشه يي موادو سره د مبارزې پولیسو د هېواد په بېلابېلو سیمو کې یو لړ عملیات... Читать дальше...