Новости за 20.11.2019

د ایران د توغندیو زیرمې په منځني ختیځ کې بې سارې ان د اسراییل له زیرمو هم زیاتې دي. دا خبره د امریکا د دفاعي استخباراتو ادارې په نوي راپور کې چې پرون سې شنبې یې خپور کړی، کړې ده. پنټاګون په دغه څیړنیز راپور کې ویلي چې په تېرو څلویښتو کلونو کې ایران د توغندیو پراخ پروګرام، د توغندیو اندازه او د پرمختللو توغندیو د ځواک پراختیا ته له دې سره سره دوام ورکړی چې د توغندیو د پراختیا د مخنیوي لپاره له لسیزو راهیسې هڅه کیږي. پر ایران له لسیزې راهیسې د لګول شویو بندیزونو سره سره تهران د لرې واټن ویشتونکو... Читать дальше...

افغان ځواکونو کندهار او ارزګان کي د لسګونه وسله والو د مرګ ژوبلي ادعا کوي. د ګډو افغان ځواکونو پوځي عمليات په سوېل کې د ۲۰۵ اتل قول اردو د پوځي چارواکو تر قومندې لاندې د کندهار په میوند او د روزګان په ګيزاب ولسوالۍ کې ترسره شوي دي. د ۲۰۵ اتل قول اردو ویاند خواجه يحي علوي ازادي رادیو ته وویل چې په دغه عملیاتو کې د کمانډو ځواکونو ترڅنګ افغان هوایي ځواک هم برخه اخستې وه. نوموړی وایي، د افغان ځواکونو په دغو عملياتو کې د کندهار په میوند کې ۱۹ وسله وال وژل شوي او ۱۴ نور ژوبل شوي او همدراز د ارزګان... Читать дальше...

د امریکا دوه پوځیان په افغانستان کې د هیلکوپټر د را غورځیدو په پيښه کې وژل شوي دي. په افغانستان کې دیره امریکایي ځواکونو نن په یوه خپره کړې خبرپاڼه کې ویلي، په دې اړه چې د دغه هیلکوپټر د راغورځېدو علت څه و، څېړنه کوي. د خبرپاڼې له مخې لومړنۍ څیړنې ښیي چې دغه هیلکوپټر د دښمن په ډزو نده را نسکوره شوې. په دې اړه نورجزئیات نه دي ورکړل شوي خو د طالبانو ویاند ذبیح الله مجاهد په خپله ټویټرپاڼه کې ادعا کړې چې د امریکا شینوک ډوله هیلکوپټر دوی د لوګر په څرخ ولسوالۍ کې رانسکوره کړې او په کې ټول پوځیان یې وژلي دي. Читать дальше...

نږدې دوه دریمه برخه افغان ماشومان په افغانستان کې روانې جګړې اغیزمن کړي دي. دا خبره په بریټانیا کې میشتې سیف د چیلډرین مرستندویه مؤسسې کړې ده. سیف د چیلډرن پرون په خپاره کړي راپور کې پر ماشومانو د جګړې د اغېزو د مختلفو بڼو یادونه کړې او ویلي یي دي چې د کورنۍ د غړي د له لاسه ورکولو، د جګړې یا د بریدونو د پېښو د لیدلو یا په جګړه کې د ټپي کېدو له لارې ماشومان اغیزمن شوي دي. په دغه راپور کې چې په څلورو ولایتونو کې له اوو سوو لویانو او ماشومانو سره د مرکو پر بنسټ چمتو شوی ویل شوي چې د ماشومانو ډېره... Читать дальше...

کابل چاپ ورځپاڼو په خپلو نننیو ګڼو کې د ولسمشریزو ټاکنو او حقانې شبکې د زندانیانو د تبادلې په تړاو لیکنې او تبصرې چاپ کړې دي.

په افغانستان کې د امريکايي پوهنتون د دوو استادانو په بدل کې د طالب زندانیانو د راخوشي کېدو موضوع د یو شمېر رسنیو پام ور اړولی دی.

د کونړ ولايت چارواکي وايي په دغه ولايت کې د داعش په نوم وسله وال کوم جدي ګواښ نه شي پېښولى. د افغانستان ولسمشر محمد اشرف غني پرون د کونړ څنګلور ولايت ننګرهار په مرکز جلال اباد کې وويل، چې په دې ولايت کې داعش ډله په بشپړ ډول له منځه تللې ده. خو په ولسي جرګه کې د کونړ د خلکو استازي نعمت اله کرياب پرون وويل، چې د داعش ډلې وسله والو د کونړ په ځينو ولسواليو کې امنيتي خطر رامنځته کړى دى. د کونړ د والي مرستيال ګل محمد بيدار تېر ماښام ازادۍ راډيو ته وويل، د داعش وسلوال دومره جدي ګواښ نه دى. بیدار زیاته کړه... Читать дальше...

د بخښنې نړيوال سازمان وايي، په ايران کې د وروستيو اعتراضونو له پيله ١٠٦ کسان وژل شوي دي.

په پاکستان کې د جمعيت علما اسلام ف ګوند په مشرۍ اپوزيشن ګوندونو د لارو بندولو او احتجاجي ناستو ختمولو اعلان کړی دی. پرون [د نومبر پر ۱۹مه] ناوخته په اسلام اباد کې د اپوزیشن ګوندونو رهبر کمیټۍ وویل چې د حکومت پر ضد به په ضلعي کچ ګډ احتجاجونه او ولسي غونډې جاري ساتي.

د قطر د فوټبال ملي لوبډلې پرون د افغانستان لوبډلې ته يو د صفر پر وړاندې ماته ورکړه. دغه سيالي نړيوال او د اسيايي هېوادونو جام ته د لار موندنې لپاره د سیالیو په لړ کې وشوه. دغه سیالي تېره شپه د تاجکستان د پلازمېنې دوشنبې په مرکزي لوبغالي کې وشوه. د فوټبال نړيوال فډراسيون (فيفا) د امنيتي دلايلو له مخې د افغانستان په کوربه توب د سیالیو لپاره د تاجکستان ډګرونه غوره کړي دي. د افغانستان د فوټبال ملي لوبډلې تر اوسه په E ګروپ کې پنځه سیالۍ کړې دي. له بنګله دېش څخه يې لوبه ګټلې، له هندوستان سره... Читать дальше...

د ناټو سرمنشي وايي، افغانستان لا هم د ناټو پوځي تړون لپاره تر ټولو ستر ماموريت ګڼل کېږي. ينس سټولټنبرګ پرون سې شنبه په بروکسل کې په يوه خبري کنفرانس کې وويل، چې ناټو په افغانستان او عراق کې د اسلامي دولت ډلې د بيا ټوکېدلو په مخنيوي کې مهم رول لوبولى دى. هغه وايي: "د افغانستان ماموريت چې لا هم زمونږ تر ټولو پراخ پوځي عمليات ګڼل کېږي لا دوام لري، چې د ټروريزم پر وړاندې پر مبارزه متمرکز دى، څو ډاډ ترلاسه شي چې افغانستان بيا د تروريستانو په خوندي ځاله بدل نه شي، د ناټو په نړيوال تړون کې ټول متحدان... Читать дальше...

د امريکا په متحدو ايالتونو کې د افغانستان سفيره وايي، د بنديانو تبادله کولى شي د سولې په خبرو کې اعتماد رامنځته کړي.

د بلخ په ولسوالیو کې خلک له روغتیایي مرکزونو او ښځینه ډاکترانو محروم دي.

د افغانستان او ويسټ انډيز د کرکټ ملي لوبډلې نن په خپلو کې څلور ورځنۍ تمريناتي سیالي کوي. د هندوستان په لکنو کې دغه سیالي د افغانستان په وخت نن د سهار اته بجې پيلېږي. د کرکټ بورډ وياند فريد هوتک نن چهارشنبه په دې اړه ازادي راډيو ته وويل: "نن د افغانستان او ويسټ انډيز د کرکټ ملي لوبډلو ترمنځ څلور ورځنۍ تمريناتي لوبه کېږي، دا تمريناتي لوبه ده، تر دې وروسته د افغانستان په کوربه توب د افغانستان او ويسټ انډيز ترمنځ د نومبر په ٢٧مه ټيسټ لوبه پيلېږي، چې د ډسمبر تر لومړۍ نېټې به دوام وکړي." د هندوستان... Читать дальше...

د اوکراين په چارو کې د امريکا د متحدو ايالتونو د ملي امنيت شورا يو متخصص وايي، چې درې ځله د اوکراين د دفاع وزارت د څوکۍ پېشنهاد ورته شوى دى. ډګر جنرال الکساندر ويندمن د استازو جرګې ته چې ډيموکراتان په کې اکثريت دي دا خبره وکړه. دا استماعيه غونډه د ولسمشر ټرمپ د استيضاح په تړاو رابلل شوې وه. د ويندمن دغو څرګندونو ته، چې د شاهدۍ ورکولو پر مهال يې کړي، ښايي جمهوريت غوښتونکي د شک په سترګه وګوري. الکساندر ويندمن چې په اوکراين کې زېږېدلى، استماعيه غونډې ته وويل، کله چې د ولسمشر ولادمير زيلينسکي... Читать дальше...

د اوکراين د بهرنيو چارو وزير وايي کييف تيار دى د راتلونکې مياشتې په غونډه کې يو "معقول جوړجاړى" ومني. په پام کې ده، د اوکراين په ختيځ کې د پنځه کلنې خونړۍ شخړې په اړه د نورماندې د پروسې د مذاکرو پر مهال خبرې وشي. د اوکراين د بهرنيو چارو وزير وادېم پريستايکو پرون په کييف کې په يوه کنفرانس کې چې د جرمني د بهرنيو چارو وزير هايکو ماس هم په کې حاضر و، خبريالانو ته وويل: "موږ د نورماندې غونډې ته په پرانيستو نظرياتو او پرانيستي ذهن سره ورځو، تيار يو چې يو معقول جوړجاړى ومنو او خپل هېواد ته داسې پرمختګ... Читать дальше...