په قزاقستان کې پر یخي سرک د بس د ښوېدو په پېښه کې اته مسافر وژل شوي دي. د دې هیواد د کورنیو چارو وزارت په وینا پېښه نن کیزي لوردا سیمه کې وشوه. په بس کې پنځه دېرش کسان سپاره وو. په پېښه کې پنځه ویشت کسان ټپیان شوي دي. د ترافیکو له قوانینو د سرغړونې په تور په دې پېښه کې جنايي قضیه ثبت شوې ده. د اروپايي ټولنې د معلوماتي ادارې یورو سټاټ د معلوماتو له مخې قزاقستان په ټوله نړۍ کې له هغو پنځو هیوادونو دی چې پکې تر ټولو زیاتې ترافیکي پیښې کیږي.
د ارزګان ولایت ځینې چارواکي وايي، په دغه ولایت کې د ښځو پر وړاندې د تاوتریخوالي ډیری قضېې نه څېړل کیږي.
د اوکراين پوځ وايي دغه دوه سرتېري د يوې نامعلومې چاودېدونکې وسيلې په چاودنه کې سخت ټپيان شوي وو، چې د سختو ټپونو له کبله مړه شوي. د پوځ په حواله دغه سرتېري د يوې ورانکارې او اکتشافي ډلې د نفوذ د مخنيوي لپاره د لومړۍ کرښې په دفاع بوخت وو. د اوکراين پوځ تېره مياشت هم د خپلو شپږو سرتېرو د وژل کېدو خبر ورکړى و. د اوکراين په ختيځ کې د جګړې له پيل راهيسې د ملګرو ملتونو په حواله تر ١٣٠٠٠ زيات خلک وژل شوي دي. په ٢٠١٤میلادي کال کې د اوکراييني ځواکونو او روس-پلوه بېلتون غوښتونکو ترمنځ جګړه وروسته له... Читать дальше...
ډاکتر ناکامورا چې په یو وسله وال برید کې سخت ټپي شوی و ساه ورکړه.
د افغانستان د سولې او پخلاینې لپاره د امریکا خاص استازي زلمي خلیلزاد ویلي لکه څنګه چې ولسمشر ډونالډ ټرمپ یادونه وکړه په افغانستان کې د داعش – خراسان په ضد عمده پرمختګ شوی دی. هغه دا خبره بیګاه په یوه ټوېټ کې کړې ده. ښاغلي خلیلزاد زیاته کړې چې په ننګرهار کې وروستی کمپاین یوه بېلګه ده. د افغانستان د سولې او پخلاینې لپاره د امریکا دغه خاص استازي ویلي چې د امریکا/اییتلافي ځواکونو، افغان پوځ او دغه راز د ده په خبره د طالبانو له خوا د اغېزمنو عملیاتو په نتیجه کې د داعش خراسان ډلې سیمې او جنګیالي له لاسه ورکړل. Читать дальше...
د ملګرو ملتونو سرمنشي وايي، د اقليم د نړيوال بدلون پر وړاندې د مبارزې لپاره نورې سياسي ارادې ته اړتيا ده. انتونيو ګوتيريش خبردارى ورکړ، چې بشريت د طبيعت پر وړاندې جګړه ترسره کوي، چې بايد ودرول شي. ګوتيريش دا خبرې پرون په داسې حال کې وکړې، چې په پام کې ده نن په مادريد کې د اقليمي بدلون نړيواله سرمشريزه پيل شي، چې دوې اوونۍ به دوام کوي. د ملګرو ملتونو سرمنشي وويل، انسانان له څو لسيزو راهيسې له ځمکې سره په جنګ اخته دي. د انتونيو ګوتيريش په خبره ځمکه هم له دوامدارو او وژونکو طبيعي افتونو، وچکالۍ... Читать дальше...
د فراه ولايت چارواکي وايي په پشت رود ولسوالۍ کې د وسله والو طالبانو دوه مهم قوماندان وژل شوي دي. د فراه د امنيې قوماندانۍ وياند محب اله محب وويل، دغه وسلوال په هغو هوايي عملياتو کې وژل شوي چې امنيتي ځواکونو پرون مازيګر وکړل. هغه زیاتوي: ”امنيتي ځواکونو هوايي عمليات وکړل، چې په نتيجه کې يې د طالبانو دوه کليدي غړي ووژل شول، امنيتي او دفاعي ځواکونه خپل پراخ عمليات ترسره کوي.“ ښاغلى محب وايي په وژل شويو طالب قوماندانانو کې يو تن عبدالستار نومېږي چې په ملا جُبير مشهور و. د امنيې قوماندان د وياند... Читать дальше...
په غزني کې د ملي اردو چارواکي وايي په تېره يوه مياشت کې ٥ ولسوالۍ د دولت له وسلوالو مخالفانو تصفيه شوي دي. په دې ولايت کې د ملي اردو د درېيمې پلې لېوا سرپرست قوماندان، ډګروال توریالي هادي پرون په جغتو ولسوالۍ کې د پوځي عملياتو پر مهال ازادۍ راډيو ته وويل:”مونږ د يوې مياشتې په موده کې د شپنيو او کومانډويي عملياتو په نتيجه کې پنځه ولسوالۍ له دښمنه تصفيه کړي دي، يوازې مو د غزني په قره باغ ولسوالۍ کې ٤٥ کلي تصفيه کړي دي.“ خو د ولايتي شورا مرستيال امان اله کامراني د دغو تصفيه شويو ولسواليو شمېر ٣... Читать дальше...
د فوټبال نړيوال فډراسيون (فيفا) د افغانستان د فوټبال فډراسيون پخوانى مرستيال محمد حنيف صديقي رستم د پنځو کلونو لپاره د سپورټ له اړوندو فعاليتونو منع کړ. فيفا په عين حال کې ښاغلى رستم د لس زره ډالرو په ارزښت نقدي جريمه هم کړ. فيفا پرون سې شنبه ويلي، د افغانستان د فوټبال فډراسيون د پخواني رئيس کرام الدين کريم مرستيال محمد حنيف صديقي رستم د فوټبال د ښځينه لوبغاړو د جنسي ځورونې په تړاو د فيفا له اخلاقي معيارونو په سرغړونې مجرم ګڼل شوى دى. کرام الدين کريم په تېره جون مياشت کې د څو ښځينه فوټبالرانو... Читать дальше...
د افغانستان لويه څارنوالي وايي سترې محکمې پرون د خبريال زمان احمدي پر قضيې د بيا کتنې لومړۍ جلسه وکړه. دغه خبريال په ٢٠١٢میلادي کال کې د بودا د مجسمو په اړه د يوې ليکنې له کبله چې اسلامي مقدساتو ته سپکاوى بلل شوى و، په بند محکوم شو. د لويې څارنوالۍ وياند جمشيد رسولي تېره شپه ازادۍ راډيو ته وويل، څارنوالۍ د يوې کمېټې په ټاکلو کې سره پر دې قضيې له سره غور وکړ او دوسيه يې سترې محکمې ته ولېږله. د ښاغلي رسولي په خبره د افغانستان سترې محکمې پر دې قضيې د بيا کتنې جلسه پرون وکړه. هغه وايي، پر دې... Читать дальше...
د ننګرهار چارواکي وايي په دغه ولايت کې د ملکي هوايي ډګر د جوړېدو د ارزونې چارې يې پيل کړې دي. چارواکي وايي د دې ډګر د جوړېدو لپاره په لومړنۍ ارزونه کې په چپرهار، روداتو ولسواليو او ګمبيري کې ځينې سيمې په نښه شوي دي. د والي وياند عطا اله خوږياڼي پرون ازادۍ راډيو ته وويل، اصلي تخنيکي ارزونه د ايټاليا د يوې کمپنۍ له خوا کېږي. هغه وايي: ”اوس وروستۍ تخنيکي ارزونه کېږي، دا ارزونه د ايټاليا د يوې کمپنۍ له خوا د ٦٨ مليونه افغانيو په بودجه ترسره کېږي، تر دې ارزونې وروسته به ځاى په نښه شي او په ننګرهار... Читать дальше...
په افغانستان کې د ناټو ځانګړي ملکي استازي، نیکولاس کې پرون، دډېسېمبر په ۳مه، وویل چې دا مهمه ده چې دافغانستان د ولسمشرۍ د ټاکنو پایلې په نږدې وخت کې اعلان شي. نیکولاس کې په لندن کې دناټو تړن د غړو هېوادونو د مشرانو د غونډې په څنډه کې د امنیتي کارپوهانو د یوه بحث کې ګډون درلود چې پر افغانستان هم خبرې په کې وشوې. نیکولاس کې ازادي راډیوته وویل چې په افغانستان کې د رایو د بیا شمېر او ابطال بهیر له اصولو او قوانینو سره سم ترسره کېږي او د ټاکنو خپلواک کمېسیون ته ښایي چې کاندیدانو او د افغانستان خلکو په ډېر وضاحت توضیح او د ټاکنو پایلې اعلان کړي. Читать дальше...
روسيې پرون د امريکا د سمندري ځواکونو پخوانى غړى تورن کړ چې په توقيف کې يې د خپلې ناروغۍ جعلي اوازه اچولې وه. روسيه وايي دغه امريکايي چې له يوه کاله د جاسوسۍ په تور په توقيف کې دى، د دې لپاره چې خپلې قضيې ته د خلکو پام واړوي، په توقيف کې ورسره د شوي بد چلند په اړه يې هم درواغ ويلي دي. پاول ويلان (Paul Whelan) چې امريکايي، بريتانوى، کاناډايي او ايرلنډي پاسپورټونه لري، د تېر کال په ډسمبر مياشت کې د جاسوسۍ په تور د روسيې د امنيتي خدماتو ادارې د اجنټانو له خوا په مسکو کې د خپل هوټل په کوټه کې ونيول شو. Читать дальше...
د فرانسې او د امريکا متحدو ايالتونو ولسمشرانو له روسيې سره د هراړخيزو مذاکرو غوښتنه وکړه. ايمانويل مکرون پرون په لندن کې د ناټو د سرمشريزې پر لومړۍ ورځ له روسيې سره د ستراتيژيکو مذاکرو پر اهميت ټينګار وکړ، خو زياته يې کړه، چې د ناټو متحدان بايد له دغه هېواد سره نور هم په پرانيستو سترګو مذاکرو ته کښېني. دغه ګډ خبري کنفرانس ته د امريکا ولسمشر ډونالډ ټرمپ وويل، چې له روسيې سره د مذاکرو ملاتړ کوي او تر دې مخکې يې په دې اړه کمپاين هم کړى دى. ولسمشر ټرمپ زياته کړه، چې امريکا او فرانسه د تجارت پر... Читать дальше...
د امريکا د متحدو ايالتونو او فرانسې ولسمشران پر دې د نظر اختلاف لري، چې په منځني ختيځ کې دې له اروپا ځينې کسان له داعش ډلې سره يوځاى شوي وي.
په غزني ولايت کې يو امنيتي چارواکى وايي په تېرو درېيو مياشتو کې د دولت څه باندې ٥٠٠ مخالف وسله وال وژل شوي دي.
