د امریکا او طالبانو موافقه شنبه په دوحه کې لاسلیکیږي. په افغانستان کې د کرونا ۱۰پېښې منفي راووتلې خو په نورو هېوادونو کې دا ویروس چټک خپریږي. په هند کې د مسلمانانو او هندوانو په نښتو کې۳۸کسان وژل شوي. وایلن غږوونکې د جراحي په وخت وایلن غږاوه. ازادي ستوډیو د شپې په۸بجو له پیشګام ټلویزیون وګورئ
د بونېر نقاب خان وایي ده په خپل سر یو ځنګل جوړ کړی دې،او دغلته یې پر نږدې دوه نیم سوه کناله ځمکه ونې بوټې کرلي دي، او پکې یې مختلفو ځناورو ته هم ځایونه جوړ کړي دي.
د خیبر پښتونخوا په ټانک کې د يو مسيد په نوم پرلت نن پر ۳۳مه ورځ هم روان دی. دوی لس کاله وړاندې په پوځي عملياتو کې د خپلو ورانو بازارونو او کورونو لپاره له حکومته معاوضه غواړي.په دې د اړه قاسم خان مندوخېل ویډیويي راپور وګورئ. ویډیو: اېډېټ هدایت سلطاني
د ایران د پارلمان څلور غړي په کرونا وایروس اخته شوي دي. په ایران کې د کرونا وایروس په چټکۍ د خپرېدو په حال کې دی. د ایران د پارلمان یوه غړي محمد علي وکیلي نن د فبرورۍ په ۲۸مه ،پر ټویټر ولیکل چې د استازو له مجلسه څلور غړي مثبت پېژندل شوي دي. په ایران کې ډېر خلک کرونا وایروس وهلي دي، حتی د ښځو او کورنیو چارو لپاره د ولسمشر مرستیاله معصومه ابتکار هم کرونا وایروس اخیستی دی. په ایران کې په وروستیو ۲۴ ساعتونو کې په کرونا وایروس د مړو شمېر ۳۴ ته لوړ شوی دی. په ایران کې د کرونا وایروس ۳۸۸ مثبتې پېښې ثبت شوې دي.
ټاکل شوې چې د مارچ پر اتمه د پاکستان په يو شمېر لويو ښارونو کې د ښځو د نړيوالې ورځې په مناسبت د "عورت مارچ)" په نوم لاريونونه وشي.
په رزګان کې د ازادي راډیو خبریال د طالبانو او دولتي ځواکونو د جګړې یوه ډګر ته ورغلی. د شریف الله شرافت په دې راپور کې به ووینئ چې په دې جبهه کې څرنګه د اورکم په اونۍ کې، چې له شنبې پیل شوه او نن شپه پای ته رسیږي د ګرمې جګړې د اور لمبې ټیټې شوې.
ارګ نن د فبرورۍ په ۲۸مه وویل چې د حکومت له زندانونو د طالبانو پر خوشې کولو د مذاکرې ځانګړې اجنډا جوړېږي. د افغانستان د ولسمشر ویاند صدیق صدیقي ازادي راډیو ته ویلي چې قطر ته یو پلاوی تللی، خو د بندیانو پر خوشې کولو خبرې نهکوي، بلکې له طالبانو سره د ارتباط پر ټینګولو تمرکز کوي. په دوحه کې د طالبانو د سیاسي دفتر ویاند سهیل شاهین دوه ورځې وړاندې ازادي راډیو ته وویل چې له امریکا سره د سولې د موافقې تر لاسلیک وروسته به د بینالافغاني خبرو د پیل لپاره د اعتماد پر جوړولو کار کېږي.شاهین وویل چې د بینالافغاني... Читать дальше...
په بلاروس کې د کرونا وایروس لومړۍ مثبته پېښه ثبت شوه. د بلاروس حکومت پرون د فبرورۍ په ۲۷مه وویل چې په کرونا وایروس اخته سړی یو ایرانی محصل دی او تېره اوونۍ له ایرانه ورغلی و. د بلاروس روغتیايي چارواکو ویلي چې ناروغ محصل قرنطین شوی او د رغېدو په حال کې دی. په لیتوانیا کې هم یوه ښځه په کرونا وایروس اخته پېژندل شوې ده. د لیتوانیا چارواکو ویلي چې هغه په وروستیو کې ایټالیا ته په سفر تللې وه. په ايټالیا کې د کرونا وایروس د نورو اروپايي هېوادونو په پرتله ډېر خپور شوی دی. ایټالوي چارواکو ویلي... Читать дальше...
د پاکستان د بهرنیو چارو وزیر شاه محمود قریشي د طالبانو او امریکا ترمنځ د سولې د توافق لاسلیک په افغانستان کې د سولې لپاره مثبت ګام بللی دی. امریکا او طالبان به سبا د فبرورۍ په ۲۹مه، د سولې موافقه لاسلیک کړي. شاه محمود قریشي هم په دې اړه په مراسمو کې د ګډون لپاره په دوحه کې دی. هغه پر فېسبوک په وېډیويي پیغام کې ویلي: "سبا د افغانستان او افغانانو لپاره یوه لویه ورځ ده. له دې سره به افغانستان د سولې او روغې پر لور حرکت پیل کړي او بینالافغاني خبروته به لار خلاصه کړي." د افغانستان د سولې لپاره... Читать дальше...
د امریکا دفاع وزیر مارک اسپر او د ناټو تړون عمومي منشي ینس سټولټنبرګ سبا د فبرورۍ په ۲۹مه، کابل ته رسېږي. هغوی به په کابل کې د افغانستان له حکومته د نړیوالې ټولنې د ملاتړ څرګندولو لپاره یو ګډ بیان خپور کړي. د افغانستان د ولسمشر ویاند صدیق صدیقي نن ازادي راډیو ته وویل چې هغوی به سبا غرمه په ارګ کې په ځانګړي پروګرام کې ګډون وکړي. صدیقي د نورو جزئیاتو له ورکولو ډډه وکړه. ناټو یا د امریکا دفاع وزارت لا په دې اړه خبرې نهدي کړې.
د افغانستان د عامې روغتیا وزارت نن د فبرورۍ په ۲۸مه، وویل چې په افغانستان کې د کرونا وایروس ۱۰ مشکوکې پېښې چې په لابراتوار کې کتل شوي، منفي راوتلې دي. د عامې روغتیا وزارت ویاند وحیدالله مایار نن ازادي راډیو ته وویل چې د کرونا وایروس درې مشکوکې پېښې له هراته، یوه له بغلان، یوه له غور او پنځه له کابله ورته رسېدلې وې. مایار وویل چې ۱۰ نورې مشکوکې پېښې چې له هراته ور رسېدلي، لا هم په لابراتوار کې تر کتنې لاندې دي. په افغانستان کې تر اوسه یوازې یوه مثبته پېښه ثبت شوې ده.
یو شمېر هغه سرتېري چې په جګړه کې معلول شوي د حکومت له نهپاملرنې شکایت کوي.
ولسمشرۍ ماڼۍ داسې مهال دا څرګندونې کوي چې له دې وړاندې یې په ځلونو ویلي، له طالبانو سره مذاکره کوونکی پلاوی به د ټول افغانستان استازولي وکړای شي.
د ترکیې د ولسمشر رجب طیب اردغان ویاند فخرالدین التون وویل چې د بریدونو په غبرګون کې شامي حکومتي هدفونه د دوی تر بریدونو لاندې راغلي
په دې مراسمو کې د شاوخوا ۳۰ هېوادونو د بهرنیو چارو وزیران یا استازي ګډون وکړي. د موافقې د لاسلیک نېټه د امریکا د بهرنیو چارو وزارت تېره جمعه اعلان کړې.
سبا د ناټو سرمنشي ینس سټولټنبرګ او د امریکا دفاع وزیر مارک اسپر کابل ته راځي او له افغان ولسمشر سره یوه ګډه اعلامیه لاسلیکوي.
د ترکیې حکومت ویلي چې ۳۳ عسکر یې د سوریې د حکومتي ځواکونو په بمباري کې وژل شوي دي. د ترکیې عسکر د سوریې په شمالي ښار، ادلب کې وژل شوي دي. له دې امله د انقرې او دمشق ترمنځ کړکېچ زیات شوی دی. د سوریې پر پوله د ترکیې دهتاي ولایت والي رحمي دوګان نن د فبرورۍ په ۲۸مه، وویل چې ۳۲ زخمي عسکر د درملنې لپاره روغتون ته وروړل شوي دي. د ترکیې ولسمشر رجب طیب اردوغان ویلي چې د حملې ځواب به ورګړي. اردوغان ویلي چې د سوریې د حکومت پر پوځي اهدافو به ځمکنۍ او هوايي حملې جاري وي. په سوریه کې د جګړې د څارنې... Читать дальше...
ترکیه وايي، د روسیې ملاتړ لرونکي د سوریې پر حکومتي ځواکونو یې وروسته له هغې انتقامي بریدونه کړي چې په ادلب کې په هوايي بریدونو کې لږترلږه ۳۳ ترکي سرتېري ووژل شول. ناټو د دې کار له کبله دمشق او مسکو غندلي او او دا یې په سیمه کې له توپیر پرته ړنده بمباري بللې ده. د ترکیې د ولسمشر رجب طیب اردوغان د ارتباطاتو مسؤل فحریتین التون (Fahrettin Altun) د پنجشنبې په ورځ په یو بیان کې ویلي "د سوریې د رژیم پېژندل شوي اهداف له ځمکې او هوا تر بریدونو لاندې راغلي او دا به دوام وکړي." التون ویلي "موږ پر نړیوالې... Читать дальше...
د امریکا متحده ایالات وايي، په سویس کې رامنځته شوی د بشري سوداګرۍ نوی کانال په بشپړه توګه فعال شوی. دا چینل کمپنیو ته اجازه ورکوي چې ایران ته خواړه، درمل او نور حیاتي مواد پرته له دې چې د امریکا له بندیزونو سرغړاوی وکړي، واستوي. د امریکا د خزانې وزیر سټیفن منوچین د پنجشنبې په ورځ په یو بیان کې وویل "د سویس د بشري سوداګرۍ هوکړهلیک به مرسته وکړي چې د ایران خلکو ته بشري مواد پرته له دې چې رژیم ترې ناسمه استفاده وکړي ورسېږي." د سویس د بشري راکړې ورکړې هوکړه د جنورۍ په وروستیو کې په ازمایښتي توګه وکارول شوه. Читать дальше...
د ورځپاڼې په لیکنه، په مارجه ولسوالۍ کې د افغان پوځ یوه چارواکي رشید کاروان طالبان د غرمې ډوډۍ ته مېلمانه کړي. ورځپاڼه لیکي، طالبانو پنځه کاله مخکې کاروان برمته نیولی وو او غاړهیې ورپرې کړه، خو دی ژوندی پاتې شو.
د روغتیا نړیوال سازمان مشر تدروس ادهانوم ګبریاسوس «Tedros Adhanom Ghebreyesus» وايي چې که د کرونا وایروس د کنټرول لپاره جدي اقدامات وشي، نو نړۍ اوس هم د دې ناروغۍ د خپراوي مخه نیولای شي. ښاغلي ګبریاسوس پرون په ژنیو کې خبریالانو ته وویل چې موږ په یوه ټاکونکي حالت کې یو ځکه دا وایروس د سرایت وړتیا لري. تر دې مهاله د نړۍ په شااوخوا ۴۰ هېوادونو کې له ۸۲ زره زیات کسان په کرونا وایروس اخته شوي دي چې اکثر په چین کې دي او تر دې دمهیې په ټوله نړۍ کې له ۲۷۰۰ زیات کسان وژلي دي. د منځني ختیځ په هېوادونو... Читать дальше...
ایراني چارواکو اعلان کړی چې نن به د کرونا وایروس د سرایت له وېرې په تهران کې د جمعې لمونځ نهکېږي. ایراني چارواکو تأیید کړې چې په دې هېواد کې په کرونا وایروس د نویو اخته کسانو شمېر له سلو اوښتی چې د ښځو او کورنۍ په چارو کې د ایران د ولسمشر مرستیاله معصومه ابتکار هم پهکې شامله ده. د ایرنا خبري اژانس د راپور له مخې اوس به د مېرمن ابتکار ټول همکاران معاینه کېږي چې دا ویروس لري کنه. مېرمن ابتکار د روغتیا له مرستیال وزیر ایرج هریرشي وروسته دوهمه جګپوړې چارواکې ده چې په کرونا وایروس اخته شوې. ... Читать дальше...
د کونړ چارواکي وايي چې په دې ولایت کې د داعش ډلې لسګونه وسلهوال حکومت ته تسلیم شوي دي. د کونړ د والي ویاند عبدالغني مصمم تېر ماښام ازادي راډیو ته وویل، دا ډله چې په څوکۍ ولسوالۍ کې یې فعالیت کاوه د دولتي ځواکونو د فشار په نتیجه کې تسلیم شوه. ښاغلی مصمم زیاتوي: "۳۹ تنه داعش وسلهوال چې یو مهم قوماندان او درې ډلمشران پهکې شامل دي د کونړ ولایت په څوکۍ ولسوالۍ کې یې ترورېستي فعالیت کاوه چې د امنیتي ځواکونو د فشار په نتیجه کې دولت ته تسلیم شول." ښاغلي مصمم زیاته کړه چې د داعش ډلې له نورو وسلهوالو... Читать дальше...
په پام کې ده چې سبا د ۱۳۹۸ کال د کب په ۱۰مه نېټه د قطر په پلازمېنه دوحه کې د امریکا او طالبانو ترمنځ د سولې موافقه لاسلیک شي. چارواکو ویلي تمه ده چې په دې مراسمو کې به شااوخوا د ۳۰ هېوادونو د بهرنیو چارو وزیران یا استازي حاضر وي. د دې سند د لاسلیک نېټه د امریکا د بهرنیو چارو وزارت د تېرې جمعې په ورځ اعلان کړه. په قطر کې د طالبانو د سیاسي دفتر ویاند سهیل شاهین ویلي چې دا موافقه به د طالبانو په استازیتوب د طالبانو مرستیال مشر او د قطر د دفتر مشر ملا عبدالغني برادر لاسلیک کړي، خو معلومه نهده... Читать дальше...
په کابل کې پرون پنجشنبه په یوه چاودنه کې یو ملکي کس ووژل شو او ۱۰ نور ټپیان شول. د کورنیو چارو وزارت ویاندې مروې امیني تېر ماښام ازادي راډیو ته وویل چې چاودنه د پلازمېنې کابل د شپږمې ناحیې په سرکارېز سیمه کې شوې ده. اغلې امیني وايي: "پر بایسکل د ځای پر ځای شوي مقناطیسي بم په چاودنه کې یو ملکي وګړی شهید او ۱۰ نور ټپیان شول. دا پېښه د کابل ښار د شپږمې امنیتي حوزې پر اړونده سرکارېز سیمه کې شوې." له دې مخکې د چهارشنبې ورځې په ماښام هم د کابل په شپږمه ناحیه کې د فیض محمد کاتب پر واټ پر بایسکل د... Читать дальше...
