د فبرورۍ دویمه د محمد ابراهیم ارمان لوڼی لومړی تلین دی. دی په ۲۰۱۹ز کال کې پر همدې ورځ په لورالايي (بوري) کې د احتجاجي ناستې پر مهال وژل شوی وو. لوڼی څوک وو؟ تر وژنې یو کال وروسته یې کورنۍ په څځ حال ده او څه ورباندې تېرېږي؟ دا پوښتنې په ځانګړي ویډیويي رپورټ کې درځوابوو.
په پېښور کې د فبرورۍ پر لومړۍ د نومیالي لیکوال، شاعر او سیاسي مبارز کاکاجي صنوبر حسېن د ژوند او کار په اړه یوه غونډه وشوه. نور د غلام غوث په دې ویډیويي راپور کې وګورئ.
کابل کې پر سړک د جنګ د ختمولو لپاه د کتاب نندارتون جوړ شوی دی. د دې نندارتون جوړوونکي باور لري چې د کتاب له لارې سوله راځي او جګړه ختمیږي. دا راپور فرید الله سعادت جوړ کړی دی:
د افغانستان د ټاکنیزو د شکایتونو کمېسیون خپل فعالیتونه، د استېناف غوښتنې د پنځو مواردو پر ارزونې متمرکز کړي چې ۳۰۰ زره جنجالي رايې په کې شاملې دي.
په کابل کې د امریکا سفارت سرپرست "راس ویلسون" پر خپل ټویټر پاڼه لیکلي، امریکا د افغانستان ټاکنو سره ۲۹ میلیونه ډالره مرسته کړې ده. هغه زیاته کړه، دغه مرسته په افغانستان کې د ولسواکۍ او ډیموکراسۍ له بهیره د خلکو د ملاتړ په هدف وه. د ټویټ په دوام زیاته شوې، د ټاکنو پایله که هر څه وي خو امریکا د دواړو هېوادونو ترمنځ د تل پاتې همکایو د پیاوړتیا لپاره د افغانستان راتلونکي حکومت سره همکارۍ ته ژمنه ده. د امریکا سفارت په داسې حال کې دغه نظر څرګندوي چې د ټاکنو پایلې تر اوسه نه دي اعلان شوي.
پراګ - د بخښنې نړيوال سازمان وايي په اسيايې هېوادونو کې ځينې حکومتونه د بنيادي ازاديو له بېخه اېستو هڅه کوي چې له کبله يې د ځینو پرضد د ځوانانو په مشرۍ مظاهرې رامنځته شوي. دې سازمان د جنورۍ په ۳۰ مه خپل کلني راپور کې دغه خبره کړې. دا په داسې کې ده چې د پښتون ژغورنې غورځنګ مشر منظور پښتين او ځينې نور غړي يې چې د خپلو غوښتنو لپاره سوله ييزه مظاهره کوي دا وخت په جېل کې دي. د دې اونۍ په ځوانانو غږ خپرونه کې مو هم د ياد سازمان له يو مخکښ عالمزېب مسيد،د حکومتي ګوند پاکستان تحريک انصاف د اجرايوي کمېتې... Читать дальше...
په چين کې له کورونا وايرس څخه د مړ شویو کسانو شمېره شاوخوا ۲۶۰ ته رسېدلی. د افغانستان او هند په ګډون ځينو هېوادونو ويلي چې په چين کې د خپلو ګېر وګړو اېستلو هڅې کوي. خو پاکستان بيا وايي، دوی دا وخت خپل وګړي نه باسي. د اسرار عالم مومند ویډیويي رپورټ وګورئ. ویډیو: رويټرز
په واورو پوښل شوي د بامیانو غرنيز ولایت کې د "سکي" لوبه بې شمېره مینه وال لري. دلته د وسایلو اخیستل لویه ستونزه بلل کیږي خو ځوانانو او ماشومانو یې د حل ساده لاره پیدا کړې. ّدوی ځانونو ته په خپله له لرګیو د سکي کولو وسایل جوړوي. په دې اړه ګل امیز شریفي راپور لري چې هیلۍ اسد یې وړاندې کوي:
د افغانستان د سولې لپاره د امریکا د بهرنیو چارو وزارت ځانګړی استازی زلمي خلیلزاد له پاکستاني چارواکو سره تر خبرو وروسته نن سهار کابل ته راغی.
د افغانستان د عامې روغتیا وزارت وایي، په ټولو روغتونونو کې یې د کرونا ویروس د مخنیوي لپاره د درملنې تدابیر نیولي دي.
د اسپانیا هیواد لالیګا لیګ د ۲۲مې اونۍ لوبو په لړ کې نن ماښام د ریال ماډریډ لوبډله د اتلاتیک ماډریډ فوټبال لوبډلي سره لوبیږي. دا لوبه د ریال ماډریډ په کورني لوبغالي سانیتاګو برنباوو کي د افغانستان په وخت نن ماښام ۷:۳۰ بجې پيلېږي. هاخوا د اسپانیا هېواد بله قوي لوبډله بارسولونا سبا یکشنبه د لوانتې سره لوبیږي. دا لوبه د بارسلونا په کورني لوبغالي نیوکمپ کي سبا شپه ترسره کېږي. تر اوسه ریال مادرید د لیګ د نمرو د جدول په سر کې اوبارسلونا بیا د ۴۳ نمرو په درلودلو سره دوهم ځای لري.
د افغانستان د وزن پورته کولو ملي ټیم د اسلامي هېوادونو په شپږم پړاو سیالیو کې د ګډون او د ۲۰۲۰ میلادي کال د المپیک په لوبو کې د ونډې اخیستنې په هدف نن ازبکستان ته روان شو. د افغانستان د بدني روزنې ریاست د مطبوعاتو مسوول مجیب قاري زاده ازادي راډیو ته وویل، دغه سیالۍ د روانې میلادي میاشتې، له ۸ تر ۱۲ د ټولو اسلامي هېوادونو د لوبغاړو په ګډون د ازبیکستان په پلازمینې تاشکند کې جوړیږي. د ښاغلي قاري زاده په وینا په یادو لوبو کې به د بېلا بېلو ګټه ګوریو افغان وزن پورته کوونکي سیالي وکړي.
د کابل فوټبال فدارسیون کې د ګول ساتنې ( ګول کیپرۍ) په برخه کې د استعدادونو د موندنې یو ورځنی پروګرام پيل شو. د افغانستان د فوټبال فدارسیون مرستیال شمس امیني نن ازادي راډيو ته وویل، چې له دې پروګرام یې هدف د ځوانو استعدادونو موندنه او د هېواد د فوټبال راتلونکي لپاره د نوي نسل روزنه ده. د ښاغلي امیني په وینا په دغه پروګرام کې د ټول هېواد شاه خوا ۲۰۰ ته ګول ساتونکو چې عمرونه یې له ۱۳ تیولې تر ۱۹ کلونو پورې دي، د ګول ساتونکو د کمېټې او د هېواد د فوټبال د ملي ټیم د څلور روزونکو له خوا وارزول شول.... Читать дальше...
د پاکستان پخواني وزیراعظم په ۲۰۱۱م کال کې د بلوچستان د زده کوونکو لپاره داسې یو وظیفه جاري کړې وه چې د وزیراعظم له فنډه به ورکول کېده.
د وزیراعظم عمران خان په مشرۍ د تحریک انصاف حکومت ادعا کوي چې په خپله واکمنۍ کې یې په نړۍ کې د پاکستان نوم ښه کړی دی.
د جنورۍ پر ۳۱مه د خوست یو شمېر نجونو او میرمنو د یوې غونډې له لارې د منظور پښتین او د پښتون ژغورنې غورځنګ نورو نیول شویو غړو د خلاصولو غوښتنه وکړه.
د پاکستان په سېنېټ کې اپوزيشن ګوندونو د حکومت هغه پرېکړه غندلې ده چې د کورونا وايرس د مخنیوي لپاره په چين کې ميشت پاکستاني وګړي ملک ته نه ستنوي.
د افغانستان د کرنې او مالدراۍ وزارت وايي، چې روان کال په ټول افغانستان کې شاه خوا ۲۰ زرو ښځو ته د چرګانو د ساتنې واړه او متوسط فارمونه جوړ کړي دي. د دغه وزارت ویاند اکبر رستمي نن ازادي راډیو ته وویل، دوی پلان لري، چې په راتلونکي کال کې په یوشمېر ولایتونو کې ۱۲۰ د چرګانو د ساتنې لوی فارمونه هم جوړ کړي. هغه زیاته کړه: "روان کال مو ۲۰ زره ښځو ته د چرګانو د ساتنې واړه او سوداګریز فارمونو جوړ کړي، په راتلونکي کال کې په پلان کې لرو، چې په یوشمېر ولایتونو کې ۱۲۰ فارمونو چې هر فارم به له پنځه زره نیولې... Читать дальше...
افغان ولسمشر وايي، د کرنې او مالدارۍ د ودې لپاره د اوبو مدیریت مهم دی او افغانستان به په راتلونکو پنځو کلونو کې خپلې ۸۰ سلنه اوبه مهار کړي. محمد اشرف غني دا څرګندونې، تېره ورځ د افغانستان د مالدارۍ او کرنیزو محصولاتو د خونې په پرانست غونډه کې وکړې. ښاغلي غني وویل، په تېرو پنځو کلونو کې د افغانستان صادرات درې برابره شول او له یو میلیارد ډالرو څخه واوښتل. محمد اشرف غني ټینګار وکړ، زموږ پلان دا دی چې هر کال باید په دې کچه ۵۰۰ میلیون ډالر زیات شي او د حکومت ژمنه دا ده چې افغان سوداګیز تولیداتو ته نړیوال بازارونه پیدا کړي. Читать дальше...
د امریکا متحد ایالتونو د روغتیا بیړنۍ حالت اعلان کړ او ویې ویل، هغه بهرنیان چې په وروستیو کې چین ته تللي دي هغوی به پرې نه ږدي چې متحد ایالتونو داخل شي. امریکایي ادارې پرون همداراز وویل، هغه امریکایان به چې په تېرو دوو اونیو کې د چین هوبې ولایت ته تللي دي خامخا د څوارلس ورځو په مخه قرنطین شي. کوم امریکایان چې د چین له نورو برخو متحد ایالتونو ته ستنیږي د هغوی روغتیایي معاینات به په هوایي ډګرونو کې کېږي او دا کسان به په خپلو کورونو کې د څوارلس ورځو په مخه ایساریږي. دا پریکړې به سر له سبا پلې کېږي. Читать дальше...
د افغانستان د سولې لپاره د امریکا د بهرنیو چارو وزارت ځانګړی استازی زلمي خلیلزاد نن کابل ته رسېدلی. د حکومت یوې باورې سرچینې د موضوع د حساسیت له امله نه غواړي نوم یې واخیستلشي نن شنبې ازادي راډيو ته وویل، چې ښاغلی خلیلزاد به نن له غرمې وروسته له ولسمشر غني سره دسولې په تړاو مفصل بحث ولري. خلیلزاد تردې وړاندې پاکستان ته تللی و او د دغه هېواد له بهرنیو چارو وزیر شاه محمود قریشي او نورو چارواکو سره کتلي دي. ښاغلي خلیلزاد په دې کتنه کې د سولې د ټینګښت لپاره د امریکايي چارواکو او طالبانو د استازو ترمنځ د روانو خبرو په اړه معلومات شریک کړي دي.
د ۲۰۲۰ زېږدیز کال لومړی میاشت د افغانستان د سینما، تیاتر او د تمثیل لپاره ښه میاشت نه وه.
په چین کې د کرونا په نوم خطرناک ویروس خپور شوی او زرګونه کسان په دې ویروس اخته شوي دي.
کابل چاپ یوشمېر ورځپاڼو په خپلو نننیو ګڼو کې د افغان سولې او په افغانستان کې د کرونا ویروس د مخنیوي په اړه د تدابیرو د نیولو په تړاو لیکنې او تبصرې چاپ کړې دي.
