Новости за 13.05.2022

د افغانستان په دوو ګاونډیو هېوادونو ايران او پاکستان کې د ډالر ارزښت پر له پسې لوړېږي.  پرون په ایران کې د یو امریکايي ډالر ارزښت تر ۳۰۰ زره ریالو یا ۳۰ زره تومانو واوښت.   د چهارشنبې په ورځ هر ډالر په ۲۹ زره او ۱۵۰ تومانه تبادله کېده خو پرون پنجشنبې د ډالر په وړاندې د ایران د تومان ارزښت نور هم ولوېد او هر ډالر په ۳۰ زره ۷۵۰ تومانه تبادله شو.   په همدې حال کې په پاکستان کې د هر ډالر ارزښت تر ۱۹۰ روپیو اوښتی دی.  په وروستیو ورځو کې د پاکستاني روپیو ارزښت پر له پسې کمېږي.

د بریتانیا ابیردین پوهنتون د هغو افغان محصلانو لپاره چې د افغانستان وروستیو پېښو اغېزمن کړي، د بورس یا سکالرشیپ یو نوی پروګرام پیل کړی دی.  ابیردین پوهنتون پر خپله ویبپاڼه لیکلي، دا پروګرام، چې د «سکالرشیپ تود هرکلی» نومېږي، د بریټش کونسل په همکارۍ اجرا کېږي.  پوهنتون وايي، په دې برخه کې یې د بریټش کونسل په همکارۍ د ۶ سکالرشیپونو پروګرام وروسته له دې پیل کړ چې د افغانستان د شخړو له کبله زرګونه افغانان د خپل هېواد پرېښودو ته اړ شول.

د ملګرو ملتونو سرمنشي انتونیو ګوتیریش خبرداری ورکوي چې په افریقا کې د داعش او القاعده پر له پسې پراختیا او په افغانستان کې د تروریستي فعالیتونو زیاتېدا د نړۍ سولې او امنیت ته ګواښ ډېروي.  ده چې روانه اوونۍ د هسپانیا په مالاګا کې د ملګروملتو په ملاتړ د تروریزم ضد په اړه غونډې ته وینا کوله، وویل: د تروریزم په وړاندې ځواب باید د قانون له حاکمیت، بشري حقونو او د جنسیت له مساوات سره په همغږۍ کې وي څو اغېزمنتوب یې یقیني شي.  په دې دوه ورځینۍ غونډه کې، چې پرون پای ته ورسېده، حکومتي چارواکو، د نړیوالو... Читать дальше...

ريليف ويب: ریلیف ویب خپرونې لیکلي، چې افغانستان له بې ساري بشري ناورین سره مخامخ شوی دی.  د خپرونې په لیکنه د دې ناورین لاملونه خراب اقتصادي وضعیت، طبیعي پېښې او کورونا وبا دي چې ورسره نیستۍ هم زیاته شوې ده.  د لیکنې په دوام کې راغلي، ۲۰۲۱ کال کې څه باندې ۷ لکه افغانان له خپلو مېنو بې ځایه شوي چې د خپرونې په باور ۸۰ فیصده یې ښځې او ماشومان دي.  ریلیف ویب لیکلي، دا مهال په ټول افغانستان کې د بې ځایه شویو کسانو شمېر درې میلیونه او څلور لکه اټکل شوی دی.  وړاندې راغلي، سږ کال په افغانستان کې... Читать дальше...

د اروپايي اتحادیې یو جګپوړی چارواکی وايي، د طالبانو له لوري د نجونو د ښوونځیو بندېدا ښيي چې هغوی د افغانانو پروا نه لري او په دې توګه د نړیوالو له لوري د خپل نوي رژیم د رسمیت پېژندلو په لاره کې لوی خنډ پېښوي.   د افغانستان لپاره د اروپايي اتحادیې ځانګړي استازي توماس نیکلسن  پرون / پنجشنبې فرانس پریس خبري اژانس ته وویل، د طالبانو له لوري د نجونو د ښوونځیو بندېدا د دوی د ژمنو په اړه یې په ذهنونو کې یو لړ شکونه پیدا کړي چې د شریکانو په توګه په دوی څومره باور کېدای شي.   نوموړي ويلي:"داسې ښکاري چې دا حکومت په حقیقت کې د خپلو خلکو خبرې نه اوري.

د اوو سترو صنعتي هېوادونو یا جي ۷ د بهرنیو چارو وزیرانو په افغانستان کې د ښځو او نجونو د وضعیت په اړه اعلامیه خپره کړه او د ښځو او نجونو پر وړاندې د طالبانو وروستیو محدودیتونو سره یې مخالفت اعلان کړی. په دې اعلامیه کې راغلي چې: "موږ د اوو سترو صنعتي هېوادونو  کاناډا، فرانسې، جرمني، ایټالیا، جاپان او امریکا د باندنیو چارو وزیران او د اروپايي اتحادیې لوی استازی په افغانستان کې د طالبانو له لوري د ښځو او نجونو پر ازادیو او حقونو د زیاتېدونکو محدودیتونو له لګېدو سره د کلک مخالفت ترڅنګ خواشیني څرګندوو."... Читать дальше...

په هرات کې طالب چارواکو اعلان کړی چې ښځې او نارینه؛ ان که ښځه او خاوند هم وي، په هوټلو کې یو ځای ډوډۍ نه شي خوړلی.  د ښځو په اړه د طالبانو د پر له پسې اقداماتو په دوام کې په هرات کې د طالبانو د امربالمعروف او نهي عن المنکر یوه چارواکي ریاض الله سیرت ویلي چې رستورانونو ته امر شوی چې ښځو او نارینه وو ته د ډوډۍ جلا ځایونه جوړ کړي.  ده فرانس پریس خبري اژانس ته ویلي چې د رستورانونو خاوندانو ته په شفاهي ډول خبرداری ورکړل شوی چې دا امر باید پر هغو مشتریانو تطبیق شي چې ښځه او خاوند دي.  په هرات کې... Читать дальше...