Новости за 02.08.2022

طالبانو ویلي، چې د شنبې په ورځ په کابل ښار د امریکا ډرون الوتکو برید کړی دی. دا خبره د طالبانو د حکومت ویاند ذبیح الله مجاهد بېګا ناوخته په یوه ټوېټري بیان کې کړې ده. هغه ویلي، په لومړیو کې د پېښې علت څرګند نه وو خو وروسته تر پلټنو وروسته معلومه شوه چې دا برید د امریکا ډرون الوتکو کړی. د شنبې په ورځ د طالبانو د کورنیو چارو وزارت تایید کړې وه، چې په شېرپور سیمه کې یو راکټ په یوه خالي کور لګېدلی او مرګژوبله نه لري. مجاهد دا برید غندلی او ویلي یې دي، چې د دوحې له تړون سرغړونه ده، خو د افغانستان... Читать дальше...

د خوړو نړیوال پروګرام ډبیلو اف پي ویلي، له روان کال راهیسې یې تر دې دمه له پنځلسو میلیونو افغانانو سره مرسته کړې ده. دا خبره د ډبلیو اف پي په یوه اعلامیه کې پرون ذکر شوې ده. ځينې دا مرستې د کار په بدل کې شوي دي. د خوړو په بدل کې د کار په شپږ میاشتني پروګرام کې سل کیلوګرامه اوړه، دولس کیلو لوبیا، نخود، مۍ او نهه کیلو غوړي ورکړل شوي دي.

په کابل کې د چین سفارت افغان سوداګرو ته د ویزو د صادرولو لړۍ پیل کړه. دا خبره د طالبانو یوه ویاند احمدالله وثیق په خپل ټوېټر لیکلې ده. اخوا د افغانستان د سوداګرۍ او صنایعو خونې ویلي، چې د افغان سوداګرو یو لېست یې د چین سفارت ته سپارلی او هغوی له دوشنبې افغان سوداګرو ته د ویزو د ورکولو پروسه پيل کړې ده. چین د کوېډ ۱۹ په خاطر افغان سوداګرو ته د ویزو ورکړه ځنډولې وه او تر هغه را وروسته سیاسي تحولاتو لا دا پروسه ځنډنۍ کړې وه.

د افغانستان کرکټ بورډ وايي، د ایرلنډ پر وړاندې یې د شل اوریزو سیالیو لپاره ښه لوبډله انتخاب کړې ده. د بورډ ویاند فرید هوتک ازادي راډیو ته وویل، چې تمه ده د ایرلنډ په بلفاست ښار کې له کوربه سره پنځه شل اوریزې لوبې وشي. هوتک وايي: "افغان کرکټ بورډ یو ډېر ښه ټیم اعلان کړی دی او انشاالله چې ډېر ژر به ملي ټیم له کابله ایرلنډ ته سفر وکړي." بورډ داسې وخت د کرکټ د دې لوبډلې له وړتیا یادونه کوي، چې په فېسبوک او نورو خواله رسنیو باندې ګڼو خلکو د ټیم پر غوراوي انتقادونه کړي دي. په ټيم کې چې محمد نبي... Читать дальше...

ګارډين: د بریتانیا چاپ ګارډین ورځپاڼې په افغانستان کې د نجونو پر تعلیم د طالبانو له خوا د لګېدلو محدودیتونو موضوع ته کتنه کړې. ورځپاڼې د طالبانو د یو چارواکي هغه څرګندونې رااخیستي دي چې وايي٬ که له شپږم د پورته ټولګیو پر زده کوونکو نجونو د تعلیم محدودیت دوام وکړي نو دا به په پوهنتونونو کې د نجونو پر تحصیلاتو هم ناوړه اغېز وکړي. ګارډین د طالبانو د حکومت د لوړو زده کړو وزارت د ویاند مولوي احمد تقي له قوله لیکي٬ چې نوموړی وايي که د هېواد له لېسو څخه نجونې فارغې نه شي نو په پوهنتونونو کې به هم محصلانې نه وي. Читать дальше...

امریکا کې ځینو تازه کډوالو افغان خبریالانو د آمو په نوم د یوه نوي تلوېزیون د پیل خبر ورکړی دی. تېر۲۰۲۱کال اګست نیمایي کې واک ته د طالبانو په رسېدو ګڼې افغان خصوصي رسنۍ وتړل شوې او خبریالان یې د لسګونه زره نورو افغانانو په څېر امریکا او یو شمېر اروپايي هېوادونو ته کډوال شول. تازه امریکا ته د کډه شویو افغان خبریالانو له ډلې لطف الله نجفي زاده او سمیع مهدي د آمو په نوم د یوه تلوېزیون د پيل خبر ورکړی دی. نجفي زاده ازادي راډیو سره خبرو کې د آمو تلوېزیون د پيل په اړه وویل: "دا درک کولای شو چې په... Читать дальше...

په کابل کې د پاکستاني پلاوي او پاکستاني طالبانو ترمنځ د خبرو وروستی پړاو له کوم مهم پرمختګ پرته پای ته ورسېد او پاکستانی پلاوی تېره شپه بېرته پاکستان ته ستون شو. د خیبر پښتونخوا د اعلی وزیر سلاکار محمد علي سیف د نورو جزییاتو له ورکولو پرته پرون د ازادي راډيو مشال څانګې ته وویل، چې خبرې اترې په ډېره ښه فضا کې وشوې او دواړو خواوو خپل نظریات او وړاندیزونه شریک کړل. نوموړي زیاته کړه، چې دا خبرې دوه ورځو ته پلان شوې وې خو درې ورځې یې دوام وکړ او د پاکستاني طالبانو اصلي غوښتنه له خیبر پښتونخوا ایالت نه د قبایلي سیمو د الحاق لغوه کول وو. Читать дальше...

د اوکراین له اودیسې بندره په غَلو بار لومړۍ کښتۍ استانبول ته په لار ده او نن تمه کېږي چې استانبول کې لنګر واچوي. د ملګرو ملتونو سرمنشي انټونیو ګوټیریش د اوکراین له اودیسې بندره په غنمو بار د یوې کښتۍ د وتلو له خبرې هرکلی کړی دی. د اوکراین بندرونه د روسیې د یرغل له پیله تړلي وو او ورسره له اوکراینه بهر غله جات نه صادرېدل. انټونیو ګوټیریش بېګا په دې اړه په یوه پيغام کې چې د هغه په ټوېټر خپور شو ویلي: "دا اوسنی (د کښتۍ) وتل د ګډې همغږۍ د مرکز لخوا چې تېره اونۍ د ملګرو ملتونو تر نظارت لاندې جوړ شو یوه لویه ډله ییزه لاسته راوړنه ده. Читать дальше...

د بشري حقونو د څار سازمان په ننګرهار کې د طالبانو له خوا د درېیو کسانو د درې وهلو په پېښه خواشیني وښوده. د بشري حقونو د څار سازمان اندېښمن دی، چې د طالبانو صحرايي محکمې لا هم روانې دي او افغانانو ته خپلسرې سزاوې ورکول کېږي. دا وروسته له هغه چې یکشنبې په ننګرهار کې دری کسان د نامشروع اړیکو په تور په درو ووهل شول. د بشري حقونو د څار سازمان د افغانستان څانګې څېړونکې فرشته عباسي دوشنبه ماښام له ازادي راډیو سره په خبرو کې وویل: "کومه پېښه چې په ننګرهار کې شوې د افغانستان په ولایتونو کې د طالبانو د ځواکونو د غیر قانوني نیونو یو مورد دی. Читать дальше...

د امریکا ولسمشر جوبایډن وایي، چې د القاعده شبکې مشر ایمن الظواهري په کابل کې وژل شوی دی. د کابل په شېرپور سیمه کې له برید دوه ورځې وروسته امریکا اعلان وکړ، چې دغلته یې د القاعده شبکې مشر ایمن الظواهري په نښه کړی دی. د امریکا ولسمشر جوبایډن څو ساعته مخکې په سپینه ماڼۍ کې وویل، چې د ترهګرو دا مشر نور په نړۍ کې نه شته. بایډن وویل: "د امریکا متحده ایالتونو په بریالیتوب سره د افغانستان په کابل کې هوایي برید ترسره کړ چې پایله کې یې د القاعده امیر ایمن الظواهري ووژل شو. تاسو پوهېږئ چې الظواهري د... Читать дальше...