په نیمروز کې د طالبانو امنیه قومانداني د یوې ځوانې نجلۍ د ځان وژنې خبر ورکړ. د دې قوماندانۍ د امنیت امر ملا شاه ولي ضرار ازادي راډیو ته وویل چې ښایي دې نجلۍ د کورنیو شخړو له امله ځان وژلی وي. د ملا ضرار په وینا، دا پېښه د نیمروز په مرکز زرنج کې شوې ده. ده په دې برخه کې نور جزییات نه دې ورکړي، خو ځینو رسنیو ویلي دي چې دا نجلۍ شپاړس کلنه وه او د کورنۍ شخړې له امله یې انتحار کړی دی.
ملګرو ملتونو د طالبانو تر بیرغ لاندې د خپل پلاوي د عکس اخیستلو له امله بخښنه وغوښته. د ملګرو ملتو د سرمنشي ویاند سټیفین دوجاریک د جمعې په ورځ فاکس خبرې چاینل ته وویل چې دوی له دې عکسه خبر شوي او باید دا عکس یې نه وای اخیستی. د دوجاریک په وینا دا یوه تېروتنه ده چې له امله یې ملګري ملتونه بخښنه غواړي. دا عکس د پنجشنبې په شپه په خواله رسنیو کې خپور شو چې په کې د ملګرو ملتو پلاوی په کابل کې د طالبانو تر بیرغ لاندې عکس ته ولاړ دی.
د افغانستان لپاره د ملګرو ملتونو ځانګړي راپور ورکوونکي د افغانستان د ښځینه وکیلانو ژوند ته اندېښنه څرګنده کړه. ریچارډ بېنیټ د جمعې په ورځ په ټویټر کې ولیکل چې د دې وکیلانو هم ژوند په خطر کې دی او هم یې د ژوند معیشت ګډوډ شوی دی. د ده په وینا د دې مېرمنو ارزښتمنې هڅې له منځه یووړل شوې. د ملګرو ملتو د بشري حقونو شورا په افغانستان کې د بشري حقونو په چارو کې د ریچارډ بېنیټ ماموریت پروسږکال د اکتوبر په لومړیو کې د یوه کال په مخه تمدید کړ.
د پاکستان د بهرنیو چارو وزیر بلاول بوټو زرداري وایي چې هېواد به یې د تحریک طالبان پاکستان د غړیو پر ضد د افغانستان دننه عملیات ونه کړي، خو زرداري ټینګار وکړ چې افغان طالبان باید خپلې ژمنې ترسره کړي او له اسلام اباد سره د پاکستاني طالبانو د ځپلو په برخه کې مرسته وکړي. د پاکستان د بهرنیو چارو وزیر ټینګار وکړ چې له افغانستان سره د ترهګرو د ځپلو په برخه کې همکارۍ ته اړتیا شته. بلاول بوټو زرداري په داووس کې د نړیوالې اقتصادي غونډې ترڅنګ له واشنګټن پوسټ ورځپاڼې سره په مرکه کې د جمعې په ورځ دا خبره... Читать дальше...
د ملګرو ملتو د سرمنشي مرستیاله په کندهار کې د طالبانو له یو شمېر چارواکو سره تر کتو وروسته د یو لړ پرمختګونو خبر ورکوي. امینه محمد له څلورو ورځو راپه دې خوا په کابل او کندهار کې له طالبانو غواړي چې افغان نجونې پرېږدي چې زده کړې وکړي او افغان مېرمنو ته اجازه ورکړي چې کار وکړي. د ملګرو ملتونو د سرمنشي مرستیاله د جمعې په ورځ کندهار ته ولاړه او هلته یې د کندهار د والي په ګډون د طالبانو له یو شمېر مشرانو سره وکتل. امینه محمد د طالبانو له بیا واکمنۍ راوروسته یوه تر ټولو له مهمو بهرنیو څخه ده چې د طالبانو د مشر د اقامت ځای کندهار ته تللې ده. Читать дальше...
افغانستان ته د ملګرو ملتونو سازمان تللی لوړپوړی پلاوی دې هېواد ته د خپل سفر په پای کې له طالبانو غواړي چې په افغان نجونو او ښځو لګول شوي بندیزونه او محدودیتونو هر څه ژر لغوه کړي. افغانستان ته د ملګرو ملتونو سازمان په پلاوي کې د دې سازمان د سرمنشي مرستیاله امینه محمد، د ښځو په چارو کې د دې سازمان اجراییوي مشره سیما باهوس او په سیاسي او د سولې په چارو کې د ملګرو ملتونو د سرمنشي د دفتر رییس خالد خیاري شامل وو. په افغانستان کې د ملګرو ملتونو سازمان سیاسي دفتر یا یوناما تېره شپه ناوخته یوه خبرپاڼه... Читать дальше...
ګلوب انډ مېل (Globe and Mail): د کاناډا ګلوب انډ مېل ورځپاڼې په افغانستان کې د ولسي جرګې د یوې پخوانۍ وکیلې تر وژل کېدو وروسته وضعیت ته کتنه کړې ده. مقاله په دې عبارت پیلېږي: تېره یکشنبه د ولسي جرګې پخوانۍ استازې مرسل نبيزاده په کابل کې په خپل کور کې ووژل شوه، خو تر اوسه پورې یې قاتلین معلوم نهدي، حال دا چې دا یوه داسې قضیه ده چې د لیکوال په خبره حلول یې سخت کار نهدی. د ګلوب انډ مېل په لیکنه، مېرمن نبيزاده په تېر حکومت کې د ولسي جرګې استازې وه او د طالبانو تر واکمنۍ لاندې یې په خطرناکو شرایطو کې ژوند کاوه. Читать дальше...
