يو شمېر هغه افغانان چې مالي توان يې ډېری دی په کابل کې اړمنو ته روژه ماتې تياروي، خو دوی وايي چې د اړمنو شمېر خورا ډېر دی. په افغانستان کې ميليونونه کسان فقر سره مخ دي او د ملګرو ملتونو د راپور پر اساس له شل ميليونو ډېر افغانان بشري مرستو ته اړتيا لري.
د اختر په رانږدې کېدو سره په کابل ښار کې د خياطانو کاروبار ښه شوی دی. اخوا طالبانو نارينه خياطانو ته سپارښتنه کړې چې يوازې د نارينهوو کالي وګنډي.
د پاکستان تحريک انصاف ګوند د قامي اسمبلۍ غړی جنید اکبر وایي، د خیبر پښتونخوا د کابېنې غړي د پېښور د قول اردو قومندان (کور کمانډر) کور ته د غونډې لپاره نه ول ورغلي، بلکې هلته روژه ماتي ته دعوت شوي ول. د جنید اکبر په وینا، د پاکستان پوځ د قوت مرکز دی او د ګوندونو ګټه په دې کې ده چې ښې اړېکې ورسره ولري. دا په داسې حال کې ده چې د یاد ګوند رهبر عمران خان پر پوځ سختې نیوکې کوي. له جنید اکبر سره د مشال راډیو خبریال طاهر خان مرکه کړې چې تفصیل یې په دې ویډیو کې کتلی شئ.
د یوشمیر راپورونو له مخې افغانستان ته له بهره د افغانانو له لورې د پیسو د لیږلو اندازه زیاته شوې ده، خو د دې لپاره چې د افغانستان پر بانکي سیستم بندیزونه دي شمیره یې دقیقه نه ده روښانه شوې. پاکستانیانو بیا تیرکال شاوخوا ۲۷ میلیارډه ډالر خپل هیواد ته استولې دي او اسلام اباد تمه لري چې دا شمیره به سږکال لوړه شي.
د متحده عربي اماراتو نورا المطروشي لومړۍ عرب مېرمنه شوه چې د امريکا د خلايي ادارې ناسا له خوا د ستورمزلې جوړېدو له روزنيز پروګرامه فارغه شوه. نوموړې وايي چې د خپل ژوند ډېره برخه يې ستورو ته په کتلو او سپوږمۍ ته د الوت په خوبونو تېره کړې وه خو اوس به په عملي توګه سپوږمۍ ته خېژي. د فرانس پرېس اژانس له ويډيو جوړ رپورټ
په روغتیا او درملنه خپرونه کې مو دا ځل د صحت نړیوالې ورځې په مناسبت د مریض پر حقونو او په روژه کې د صحت ښه ساتلو په اړه بحث کړی دی. د روغتیا نړیوال سازمان هر کال د اپرېل اوومه د صحت نړیوالې ورځې په توګه لمانځي چې موخه یې روغتیايي خدماتو ته د خلکو لاسرسی باوري کول دي. له دې پرته مو د روغتیا په اړه عمومي پوښتنې هم ځواب کړې دي. بشپړه خپرونه واورئ.
په نیپال کې یو شمېر بېوزله نارینه خپل بډوډې پلوري، هغه څه چې په افغانستان کې هم پېښېږي. یو شمېر هغو کسانو چې خپل بډوډې پلورلي اوسمهال له جدي ناروغیو سره مخ دي او د ډاکتران وايي، دې وضعیت روغتیايي سکټور تر فشار لاندې راوستی. په دې راپور کې تاسو هغه کلي ته بیایو چې د بډوډو د پلورونکو په نوم مشهور دی.
