Новости за 23.10.2025

د پاکستان په سرښار اسلام اباد کې يو لوړپوړي پوليس افسر، عدنان اکبر، "ځان وژنه" کړې ده.د اسلام اباد پوليسو يو چارواکي، چې نه ېې غوښتل نوم يې خپور شي، مشال راډيو ته وويل چې اېس پي عديل اکبر نن (د اکتوبر پر ۲۳مه) د سرينا هوټل مخې ته په دنده بوخت وو چې ناڅاپه يې له خپل ساتونکي څخه ټوپک واخيست او ځان يې وويشت. ياد چارواکي زياته کړه چې پوليس ساتونکو او نورو همکارانو هغه د اسلام اباد پمز روغتون ته ورساوه، خو هلته ته تر رسېدو وړاندې لا عديل اکبر ساه ورکړې وه. چارواکي وويل چې په سمدستي توګه د دې پېښې د لامل په اړه څه ويل ګران دي. Читать дальше...

د مراکش د پلازمېنې رباط ښاریانو د خپل هیواد د ۲۱ کلنو د فوتبال د ملي لوبډلې هرکلی وکړ. مراکش د یکشنبې په ورځ په پایلوبه کې ارجنټاین ته ماتې ورکړه او د نړۍ اتل شو. دا لومړی ځل دی چې یو عربي هېواد د ۲۱ کلنو د فوټبال د نړیوال جام اتل کېږي.

دوه اوکرایني خبریالان په کراماتورسک ښار کې د روسیې د بې پېلوټه الوتکې په برید کې ووژل شول اولنا هوبانوا او یوهن کارمازین د اوکراین د یوه تلویزیوني چاینل لپاره کار کاوه. دا چاینل د اوکراین د حکومت له خوا تمویلېږي. د دونیڅک د سیمې والي وویل دا خبریالان د حملې په مهال د تېلو په یوه ټانک کې په موټر کې سپاره وو

د طالبانو د حکومت د بلخ والي، محمدیوسف وفا د تاجکستان د سرحدونو له وزارت سره په یوه ګډه غونډه کې د ګډون لپاره دوشنبې ته تللی دی. د بلخ ولایت د والي د دفتر له خبرپاڼې سره سم، وفا په غونډه کې د ملي ګټو پر اساس له ټولو هیوادونو سره په بېلابېلو برخو کې د اړیکو په پیاوړتیا خبرې وکړې او ویې ویل چې په افغانستان کې ناامني د هیچا په ګټه نه ده په تېره بیا د ګاونډیو هیوادونو. ده د تاجکستان له چارواکو وغوښتل چې افغانانو ته د وېزې ورکړه اسانه کړي. تاجکستان د منځنۍ اسیا په هیوادونو کې یوازینی هیواد دی چې د طالبانو له رژیم سره ډېرې نژدې نه دی.

پولیسو ادعا کړې چې په کراچۍ کې یې د زینبیون ملېشې، چې په ايران پلوۍ تورنه ده، دوه مشکوک وسلوال نیولي دي.په سيند صوبه کې د پوليسو د ترهګرۍ ضد څانګې (سې ټي ډي) مشر غلام اصغر مهيسر د اکتوبر پر ۲۳مه په کراچۍ کې خبري غونډې ته د وینا په مهال دعوه وکړه چې د اسرار حسین ګلګتي او معصوم رضا عرف عمران موټا په نامه کسان يې د هغه ښار په کورنګي سيمه کې د استخباراتي معلوماتو پر اساس نيولي دي. نوموړي زياته کړه چې نيول شويو دواړو کسانو له ګاونډي هېواد سره مستقيمې اړيکې لرلې، له هغه ځايه يې مالي مرستې ترلاسه کولې او د هدف ګرځولو لارښوونې ورته کېدلې. Читать дальше...

د بشري حقونو د څار نړیوال سازمان وایي طالبانو په تیرو څلورو کلونو کې په افغانستان کې د رسنیو او بیان ازادي په بشپړه توګه له منځه وړې ده.

د اکتوبر په ۲۲مه، د روسیې د جنګي الوتکو او راکټي بریدونو په پایله کې په اوکراین کې لږترلږه اووه کسان وژل شوي چې په کې دوه ماشومان هم شامل دي د اوکراین ولسمشر، ولودیمیر زیلنسکي، له نړیوالې ټولنې وغوښتل چې پر کرملین فشارونه لا پسې زیات کړي په خارکیف ښار کې یو وړکتون وویشتل شو، چې اورپکې ولګېد او ۴۸ ماشومان له دې ځایه خوندي و ایستل شول د اوکراین د بیړنیو خدمتونو د ادارې په وینا، په دې برید کې یو کس وژل شوی او شپږ نور ټپیان شوي دي

د فيليپين په پلازمېنه منيلا کې اورلګېدنې په سلګونه کورونه سوځولي او په زرګونه کسان یې بې کوره کړي دي. اغېزمن خلک وايي، اور دومره تېز وو چې دوی د کور هیڅ هم خوندي نکړای شوای. د رويټرز اژانس له ويډيو جوړ رپورټ

د پښتو ژبې نوموتی موسيقار او سندرغاړی ماسټر علي حیدر وايي، په هغو موسیقارانو کې یو دی چې په ډېر کم عمر کې يې دا کار پیل کړی دی. نوموړی زیاتوي چې د پينځو ژبو د سندرو لپاره یې موسیقي غږولې ده. ماسټر وايي چې دې مقام ته د رارسېدو لپاره یې ډېر کړاوونه لیدلي دي. هغه دا هم ویلي چې د کورنۍ ځینو غړو یې د سندرو او موسیقۍ له وجې ورسره خپلولي ختمه کړې ده.

د افغانستان د سوداګرۍ او پانګونې خونه وايي، هند سره د هوايي دهلیز درلودل نن، سبا د دوی جدي ضرورت دی.

د سعودي عرب په مرکز ریاض کې پينځه میاشتنۍ کلتوري مېله پیل شوې ده. په دغه مېله کې، چې د راتلونکې ۲۰۲۶ز کال تر مارچ مياشتې پورې به روانه وي، د نندارچیانو لپاره بېلا بېل تفریحي پروګرامونه جوړ دي. د مېلې کتلو ته ګڼ سيلانيان هم ورمات دي. د رویټرز اژانس له ويډيو جوړ راپور.

د طالبانو د حکومت د کډوالو او راستنیدونکو چارو وزیر مولوي عبدالکبیر په کابل کې د افغانستان لپاره د بریتانیا له ځانګړې استازي ریچارډ لینډسي سره په کتنه کې غوښتنه وکړه چې بریتانیا دې افغانستان ته د را ستنیدونکو لپاره د دایمي استوګنې د ښارګوټو په جوړولو کې لا زیاتې مرستې وکړي. دې وزارت نن پنجشنبې په خپله ایکسپاڼه کې په یوه بیان کې ویلي چې د بریتانیا ځانګړي استازي له مولوي عبدالکبیر سره په کتنه کې د افغانستان او پاکستان ترمنځ د اوربند ستاینه وکړه او هیله یې څرګنده کړه چې کابل او اسلام آباد د دایمي اوربند لپاره کاروکړي. Читать дальше...

ټاکل شوې چې د افغان کډوالو نجونو د فوټبال لوبډله د فوټبال د نړیوال فدراسیون، فیفا په چوکاټ کې خپله لومړۍ لوبه د اوکتوبرپه ۲۶ ترسره کړي. تردې مخکې تمه کیده چې د ښځینه فوټبالرانو دغه لوبې چې د “فیفا یوموټی کوي” په نوم ترسره کیږي، په متحده عربي اماراتو کې ترسره شوې وای خو فیفا اعلان وکړچې مراکش به د دغو لوبو کوربه وي. دغه پریکړه وروسته له هغې وشوه چې متحده عربي اماراتو افغان فوټبالرو ښځو ته ویزې ورنکړي. د افغان کډوالو ښځو ۲۲ نفري لوبډله تیره میاشت وروسته له هغې جوړه شوه چې فیفا د روان کال په مې میاشت... Читать дальше...

اروپایي ټولنې د چهارشنبې په ورځ اعلان وکړچې د دې ټولنې غړي په اوکراین کې د روسیې د جګړې له امله پرمسکو د بندیزونو نولسمه بسته تصویبوي. ټاکل شوې چې دوی نن پنجشنبه دغه نوي بندیزونه اعلان کړي. په دغو نویو بندیزونو کې د روسیې د اوبلن ګازو پروارداتو بندیز لګول هم شامل دي. د رویترز خبري آژانس د راپورله مخې له روسیې څخه د اوبلن ګازو پرپیر بندیز به په دوو مرحلو کې ترسره شي، له شپږو میاشتو وروسته پر لنډ مهاله قرارادادونو او د ۲۰۲۷ کال د جنوري له لومړۍ نیټې څخه پر اوږد مهاله قراردادونو. د روسیې په وړاندې د... Читать дальше...

د روسیې د اورال غرنۍ سیمې په کوپیاسک ښارکې په یوه فابریکه کې د چاودنې له امله لږترلږه نهه کسان مړه او پنځه نور ټپیان دي. د راپورونو له مخې د دې فابریکې پرسر یوه بې پیلوټه الوتکه یا ډرون لیدل شوې خو دغه لومړني راپورونه تراوسه ندي تایید شوي. د چیلیبینسک د سیمې والي الکسې تکسلر پرټلګرام چینل په یوه بیان کې نده په ډاګه کړې چې دا څه ډول فابریکه وه چې پکې چاودنه شوې خو د راپورونو له مخې په دې فابریکه کې د روسیې د پوځ لپاره مهمات تولیدیږي. کوپیاسک له اوکراین څخه شاوخوا دوه زره کیلومتره لرې ده او دا سیمه قزاقستان پولې ته څیرمه پرته ده. Читать дальше...

د افغانستان د بشري حقونو لپاره د ملګرو ملتونو ځانګړی راپور ورکوونکی ریچارډ بینیټ وايي، طالبان په عامه محضرکې له اعدامونو د خلکو د د ویرولو او کنټرولولو لپاره د یوې وسیلې په توګه کار اخلي. ښاغلي بینټ د چهارشنبې په ورځ په یوه بیان کې، په بادغیس ولایت کې د طالبانو له لوري د یو تن وروستي اعدام ته په اشاره په عام محضرکې بدني سزاګانې یوځل بیا په کلکه وغندلې. په بیان کې ویل شوي چې اعدام په هر حالت کې د اندیښنې وړ دی، خو کله چې دا د طالبانو د قضايي سیسټم په چوکاټ کې چې د ده په خبره هغه " خپلواک ندی او قانوني... Читать дальше...

د عدالت نړیوالې محکمې ICJ د چهارشنبې په ورځ مشورتي نظر ورکړ چې پکې ویل شوي اسراییل مسولیت لري چې په غزه کې د ملکي وګړو د اړتیاوو د پوره کیدو ډاډ حاصل کړي. د یولسو قاضیانو پلاوي همدارنګه وویل چې اسراییل باید د ملګروملتونو او په نږدې ختیځ کې د فلسطیني کډوالو لپاره د ملګروملتونو د ادارې UNRWA په ګډون د ملګروملتونود ادارو له خوا غزې ته د مرستو رسولو د هڅو ملاتړوکړي. د عدالت د نړیوالې محکمې د قاضیانو د پلاوي مشر یوجي ایواساوا وویل، د اشغالګرځواک په توګه اسراییل مکلف دی چې د ځایي خلکو د ژوندي پاتې کیدو... Читать дальше...