د غور په پسابند کې تېره شپه طالبانو پر یوه امنيتي پوسته حمله وکړه
د پسابند سرپرست ولسوال عبدالاحد نن ازادي راډيو ته وويل، جګړه د شپې په نهو بجو پيل او تر يوې بجې يې دوام وکړ.
د ده په وينا، په دې جګړه کې ٥ افغان پوځيان وژل شوي او ٥ تنه نور ټپيان شوي دي.
د دوو ټپيانو وضعيت نازک ښوول شوى دى.
د وسله والو طالبانو د مرګ ژوبلې په اړه څه نه دي ويل شوي.
بل خوا د غور د والي وياند عبدالحى خطيبي وايي، په پسابند ولسوالۍ کې د شوې جګړې په اړه راپور نه دى ور رسېدلى.
د ازادي راډيو خبريال د سرچينو په حواله وايي، طالبانو له يوه کاله د پسابند او د ولايت د مرکز لويه مواصلاتي لار بنده کړې ده.