د فرانسې ابیرتور فیشر کمپنۍ ۳۹۰ ملیونه افغاني بانکنوټونه چاپوي
د افغانستان د ملي تدارکاتو ادارې له فرانسوي شرکت سره د افغاني بانکنوټونو د چاپ قرارداد منظور کړ.
د ملي تدارکاتو ادارې ویاند احمد رامین ایاز په دې اړه ازادي راډیو ته وویل: "دا افغانۍ به چې څه باندې ۱۵ ملیونه امریکايي ډالر پرې لګښت راځي، په ۹ میاشتو کې د افغانستان بانک ته وسپارل شي."
فرانسوي شرکت به د ۱۰، ۲۰، ۵۰، ۱۰۰، ۵۰۰ او ۱۰۰۰ افغانیو بانکنوټونه چاپ کړي.