د کرکټ نړیواله شورا د افغانستان غړیتوب په اړه بحث کوي
ټاکل شوې ده چې د کرکټ نړیواله شورا راتلونکې اوونۍ په دې شورا کې د افغانستان د غړیتوب په اړه په دې خاطر بحث وکړي چې د افغان نجونو لوبډله له افغانستانه وتلې ده.
د افغانستان د کرکټ د نجونو لوبډله ۲۰ میاشتې پخوا د طالبانو له واک ته رسېدو وروسته پاکستان او له هغه ځایه استرالیا ته لاړه.
د کرکټ د نړیوالې شورا له مقرراتو سره سم، د بشپړ غړیتوب لپاره افغانستان باید د ښځو لوبډله هم ولري.
په پام کې ده چې د کرکټ نړیواله شورا د راتلونکې دوشنبې په ورځ په دې اړه په دوبۍ کې غونډه ولري.