Новости за 17.03.2023

هند وايي، په کابل کې د طالبانو د رژیم د نه رسمیت پېژندلو په اړه یې دریځ نه دی بدل شوی. د هند د بهرنیو چارو وزارت ویندوی ارندام باګچي دا خبره پرون پنجشنبې د هغو راپورونو له خپرېدو وروسته وکړه چې پر اساس یې ویل شوي وو چې هندیانو د طالبانو د بهرنیو چارو وزارت کارکوونکو ته د دیپلوماسۍ انلاین کورس دایر کړی دی. خو د هند د بهرنیو چارو وزارت ویندوی وايي چې دوی د دې هدف لپاره کابل ته څوک نه دي لېږلي. د طالبانو حکومت تراوسه پورې هېڅ هېواد په رسمیت نه دی پېژندلی.

ټاکل شوې ده چې د کرکټ نړیواله شورا راتلونکې اوونۍ په دې شورا کې د افغانستان د غړیتوب په اړه په دې خاطر بحث وکړي چې د افغان نجونو لوبډله له افغانستانه وتلې ده. د افغانستان د کرکټ د نجونو لوبډله ۲۰ میاشتې پخوا د طالبانو له واک ته رسېدو وروسته پاکستان او له هغه ځایه استرالیا ته لاړه. د کرکټ د نړیوالې شورا له مقرراتو سره سم، د بشپړ غړیتوب لپاره افغانستان باید د ښځو لوبډله هم ولري. په پام کې ده چې د کرکټ نړیواله شورا د راتلونکې دوشنبې په ورځ په دې اړه په دوبۍ کې غونډه ولري.

ډپیلومات خپرونه: ‌ډپیلومات خپرونې د هغو افغانو نجونو او ښځو برخلیک ته پام اړولی چې له زده‌کړو او کار کولو محرومې شوي دي. ډپیلوماټ لیکي، د طالبانو له‌خوا د ښځو د فعالیتونو او زده‌کړو د محدودولو سره د افغان نجونو لپاره لیدلوری تیاره دی. د خپرونې په ټکو، دغه بندیزونه به په بېلابېلو برخو کې ستونزې وزېږوي. لومړی هغه نجونې چې نه‌شي کولی ثانوي زده‌کړې وکړي، طبعاً په راتلونکي کې به له زده‌کړو محرومې وي او هغه ښځې چې له کار کولو راګرځول شوي دي، کورنۍ به يې له اقتصادي ستونزو سره مخامخ وي هغه هم په... Читать дальше...

د نشه يي موادو د کنټرول نړیوال بورډ وايي چې په افغانستان کې د کوکنارو د کښت د دوام تر څنګ، په دې هېواد کې د کېمياوي نشه يي موادو جوړول هم ډېر شوي دي. د حوت د مياشتې پر ۲۲ نېټه په ويانا کې د نشه يي موادو د کنټرول نړیوال بورډ ۶۶مه غونډه جوړه شوه چې پنځه ورځې يې دوام وکړ. د یادونې وړ ده چې دې غونډه ته په ۲۰۲۲ ميلادي کال کې د نشه يي موادو د وضعيت په اړه کلنی راپور هم وړاندې شو. دا راپور ښيي چې په افغانستان کې په ۲۰۲۲ میلادي کال کې هم کوکنار کرل شوي او د نړۍ په سلو کې تر اتیا ډېر تاریاک په افغانستان کې تولید شوي دي. Читать дальше...

د افغانستان د فوټبال فدراسیون یوه سرچینه تاییدوي چې یو شمېر داسې کسان بریتانیا ته د ښځینه فوټبال د لوبغاړو په نوم لېږل شوي چې په ټول عمر کې یې فوټبال نه و کړی. دې سرچینې دا خبره وروسته له دې ازادي راډیو ته وکړه چې په بریتانیا کې په یوه څېړنه کې څرګنده شوه چې د طالبانو له واک ته رسېدو وروسته له افغانستان څخه د ښځو د فوټبال د لوبغاړو په نوم بریتانیا ته یو شمېر بیول شویو ښځو په خپل عمر کې فوټبال نه و کړی. د ۲۰۲۱ کال په نومبر کې د افغانستان د ښځو د فوټبال ملي ټیم ۳۵ لوبغاړې د خپلو کورنیو له ۱۳۰ غړیو... Читать дальше...

بریتانیا پرون پنجشنبې اعلان وکړ چې د حکومت د اړوندو ادارو په وسایلو کې د ټیک ټاک اپلېکېشن منع کوي. د بریتانیا د کابینې اداري ريیس ویلفر ډاوډن وویل، دا پرېکړه وروسته له دې شوې چې د بریتانیا د سایبري امنیت متخصصانو د ټیک ټاک په اړه څېړنې وکړې او ویې ویل چې د ټیک ټاک له لارې حساسو دولتي معلوماتو ته رسېدل ممکن دي. ډاوډن زیاته کړه: "د ټیک ټاک اپلېکېشن، د کاروونکو د تماسونو او موقعیت په شمول ډېر معلومات ټولوي. نو که په دولتي موبایلونو او نورو الیکترونیکي وسایلو کې ټیک ټاک وکارول شي ممکن حساس دولتي... Читать дальше...

د ایران د بشري حقونو سازمان په خپل وروستي راپور کې ویلي چې په تېرو دوه نیمو میاشتو کې ۱۳۸ تنه په ایران کې اعدام شوي دي. د دغه سازمان پر اساس، په دې کسانو کې ۸۸ تنه د مخدرو موادو په تور په دار ځړول شوي دي. د ایران د بشري حقونو سازمان همداراز وايي چې یوازې په تېرو دوو اوونیو کې ۲۹ تنه بندیان په دار راځړول شوي چې په دې حساب په متوسط ډول د ورځې دوه تنه اعدام شوي دي. دا سازمان وايي چې په ایران کې د تېر کال په پرتله اعدامونه خورا ډېر شوي دي.

د طالبانو له واک ته رسېدو وروسته په افغانستان کې د مدرسو شمېر زیات شوی او په وروستیو کې د ښوونځیو یو شمېر نجونو، چې طالبانو ښوونځیو ته له تګه منع کړي، مدرسو ته مخه کړې ده. ۱۶ کلنې فرح، چې مخ یې په پوړني کې پټ کړی و، فرانس پرېس خبري اژانس ته ویلي، په دې سخته پرېشانه ده چې ښوونځي ته نه پرېښودل کېږي، له همدې کبله د دې کورنۍ پرېکړه وکړه چې لږترلږه مدرسې ته لاړه شي ځکه چې مدرسه یوازېنی ځای دی چې دروازې یې د نجونو پرمخ پرانیستې دي. فرح او نورو نجونو، چې له فرانس پرېس سره یې په مستعارو نومونو خبرې کړي،... Читать дальше...

د ملګرو ملتونو امنیت شورا د پنجشنبې په ورځ په یوه خوله د ۲۶۷۸ نمبر پرېکړه لیک په تصویبولو په افغانستان کې د یوناما یا د ملګرو ملتونو ځانګړی مرستندوی ماموریت د ۲۰۲۴ کال د مارچ تر ۱۷ پورې تمدید کړ. د امنیت شورا غړیو په عین حال کې په افغانستان کې د یوناما او د ملګرو ملتونو د نورو ادارو د حضور د دوام پر اهمیت ټینګار وکړ. د ملګرو ملتونو امنیت شورا د افغانستان په اړه یو بل پرېکړه لیک هم تصویب کړ. ۲۶۷۹ نمبر پرېکړه لیک د افغانستان له ستونزو سره د مقابلې لپاره د یوې همغږې او منسجمې تګلارې د جوړولو په... Читать дальше...