د امریکا د بهرنیو چارو وزیر چين ته ځي
د امریکا د متحدهایالتونو د بهرنیو چارو وزیر انټوني بلېنکن به راتلونکې اوونۍ چین ته ولاړ شي.
دا سفر چې پخوا د فبروري په میاشت کې پلان شوی و، د دې لپاره وځنډېده چې د امریکا پر فضا د چین یو مشکوک څارونکی بالون ولیدل شو او بیا امریکا وویشت او اعتراض یې وکړ.
وروسته تر دې چې په ۲۰۱۸م کال کې بلېنکن د مایک پامپیو پر ځای د امریکا د متحدهایالتونو د بهرنیو چارو وزیر وټاکل شو، دا چین ته د ده لومړی سفر دی.
یو شمېر چارواکو د نوم نه ښودلو په شرط ویلي، بلېنکن به د جون په ۱۸مه پېکېنګ ته ورسېږي.
د امریکا ولسشمر جو بایډن په نومبر کې د چین له ولسمشر شي جین پینګ سره کتلي وو او موافقه یې کړې وه چې د کړکېچ د کمېدو لپاره به هڅې کوي چې په دې کې پېکېنګ ته د بلېنکن سفر هم شامل و.