د ښځینه فوټبال نړیوال جام د نننیو سیالیو پایلې دلته ولولئ
د نن ورځې لومړۍ لوبه د امریکا او ویتنام هېواونو ترمنځ ترسره شوه، چې درې د صفر پر وړاندې د امریکا په بري تمامه شوه.
دغه راز په دویمې سیالۍ کې جاپان د لوبې له پیله تر پایه په لوبغالي کې بشپړ واک درلود او ۵ د صفر پر وړاندې یې زمبیا ته ماتې ورکړه.
همدارنګه د نن ورځې په درېیمې سیالۍ کې انګلستان د لوبې په لومړۍ نیمايي کې ۱ د صفر پر وړاندې له هايتي مخکې و او سیالي یې وګټله.
ټاکل شوې، چې د نن ورځې په وروستۍ سیالۍ کې د ډنمارک او چین ښځینه لوبډلې سره سیالي ترسره کړي.
د ویلو ده چې د ښځينه فوټبال نړیوال جام د ۳۲ هېواودونو ترمنځ په اسټرالیا او نیوزیلینډ هېوادونو کې پیل شوی دی.