د نوبل د کیمیا جایزه؛ ځینو سویډني رسنیو یې د احتمالي ګټونکو نومونه خپاره کړي
سویډنۍ ورځپاڼې داګینس نیهتر راپور ورکړ، چې د سویډن د ساینس د شاهي اکاډمۍ خبرپاڼه یې ترلاسه کړې ده، چې پکې د مونګي باوندي، لویس بروس او الکسي اکیموف نومونه یاد شوې دي.
دا ساینسپوهان په امریکا کې ژوند کوي.
د سویډن د نوبل د کیمیا کمېټې یوه متخصص بیا همدې سویډنۍ ورځپاڼې ته ویلي دي چې تر اوسه څوک نه دې انتخاب شوي.
د اکاډمۍ یوه ویاند بیا په دې اړه له تبصرې ډډه وکړه.