خيبرپښتونخوا کې د پاکستان ملېشه ځواک لس غړي وژل شوي
پاکستاني رسنیو نن د امنیتي سرچینو په قول وویل، برید تېر ماښام پیل شو او د شپې تر ناوخته پورې یې دوام وکړ.
امنیتي چارواکي وايي، د لومړنیو معلوماتو لهمخې، لس ملېشه ځواکونه وژل شوي او دې ته په کتو چې د ټپیانو حال نازک دی، احتمال شته چې د تلفاتو شمېر ډېر شي.
تحریک طالبان پاکستان ډلې د دې برید مسوولیت منلی دی.
پرون د پاکستان پوځ ادعا کړې وه چې، د خیبرپښتونخوا په باجوړ ولسوالۍ کې یې د ټيټيپي د یوه قوماندان او دوو ځانمرګو په شمول ۹ غړي وژلي دي.