Новости за 25.10.2024

د پاکستان د تعلیم او مسلکي روزنې وفاقي وزیر وايي چې په پاکستان کې د دیني زده کړو له ریاست سره ۱۷،۷۳۸ دیني مدرسې رجسټر شوې دي. خالد مقبول صدیقي د اکتوبر پر ۲۵مه سېنېټ ته په یو لیکلي ځواب کې ویلي چې د دیني زده کړو تعلیم عمومي ریاست په وفاقي کچه د دیني مدرسو د رجسټرولو یوازینۍ اداره ده. نوموړي ویلي چې هغه ریاست د ۵۹۸ مدرسو لپاره ۱،۱۹۶ استادان ګومارلي دي او د راجسټر مدرسو ۱۵۰،۰۰۰ زده کوونکو ته یې د جدیدو علومو نصابي کتابونه ورکړي دي. حکومت د ۲۰۱۹ز کال په پای کې د دیني زده کړو عمومي ریاست جوړ کړی... Читать дальше...

د سازمان د مشر مرستیالې امينې محمد د اکتوبر پر۲۴مه د ښځو په اړه د ملګرو ملتونو د امنیت شورا یوې غونډې ته وویل، له حقونو د ښځو او نجونو محرومول دا ښيي چې په افغانستان کې د بشري حقونو وضعیت شاتګ کړی او خراب شوی دی.

د طالبانو له لوري د ژوندي موجوداتو د تصویرونو د نه خپرېدو په لړ کې په هلمند ولایت کې تلوېزیوني خپرونې بندې شوې. د افغانستان د خبریالانو مرکز نن دا خبر ورکړ او په یوه بیان کې یې په دې اړه ژوره اندېښنه څرګنده کړه چې داسې کارونه به بدې پایلې ولري. هلمند څلورم ولایت دی چې د ژوندي سارو یا موجوداتو د تصویرونو خپرېدل په‌کې ممنوع شول. د طالبانو د امر بالمعروف او نهی عن‌المنکر وزارت ویاند سیف‌الاسلام خیبر په وروستیو کې فرانس پرېس اژانس ته ویلي وو چې د ژوندي سارو د تصویرونو او فلمونو اخیستل به په تدریجي توګه په ټول افغانستان کې بند شي. Читать дальше...

له کورنۍ په پټه د کابل پر سړکونو اعتراض او د طالبانو پر ضد غږ پورته کول خپل ژوند په خطر کې اچول دي. راضیه بارکزۍ چې د کابل پر سړکونو له لومړنیو اعتراض کوونکو وه، وايي: "لاریون ته د راتګ پر مهال مې فکر کوه چې بېرته ژوندۍ نه راځم." راضیه د هغو ورځو کیسې کوي چې د طالبانو پر ضد يې اعتراضونه پیل کړل.

په افغانستان کې د بشري حقونو او په ځانګړې توګه د ښځو او نجونو د ناسم وضعیت په اړه د اندېښنو په دوام ملګري ملتونه وايي، د افغان ښځو محرومیت په افغانستان کې د بشري حقونو په برخه کې شاتګ ښیي.   د ملګروملتونو د سرمنشي مرستیالې امينې محمد پرون پنج‌شنبه (د اکتوبر ۲۴مه) د ښځو په اړه د ملګروملتونو د امنیت شورا یوې غونډې ته په‌دې اړه وویل: "په افغانستان کې له ټولنې او حکومتوالۍ د ښځو شدید محرومیت دلته د ښځو د حقونو په برخه کې ښکاره شاتګ ښیي. دا مهمه ده چې موږ په افغانستان او له هغې وړاندې د مېرمنو د... Читать дальше...

قاضي عیسا د ۲۰۲۳ز کال د سېپټېمبر پر ۱۷مه د هېواد د مشر قاضي په توګه د دندې لوړه کړې وه او د اکتوبر پر ۲۶مه ۶۵ کلن کېږي، نو ځکه د قانون له مخې باید رېټایر یا تقاعد شي.

کابل ته د نړۍ د نامتو سوک وهونکي محمدعلي کلي د مېرمنې خليله کماچو کلي سفر او ورنه د يوشمېر ښځينه ورزشکارانو غوښتنې. يوشمېر هغه ښځینه ورزشکارانې چې د طالبانو د حکومت په څه زياته درې کلنه واکمنۍ کې له ورزش لرې پاتي دي، له خلیله کماچو علي څخه غواړي چې د طالبانو د حکومت له چارواکو سره په لیدنه کې له هغوی وغواړي چې افغان ښځو او نجونو ته په ورزشي لوبغالو د ورزش او سیالیو کې د ګډون اجازه ورکړي. دوى زياتوي، د طالبانو په درې کلنه واکمنۍ کې له خپلې خوښې ورزش لرې پاتې دي، چې دې وضيعت پر دوى ناوړه اغېز کړى او له رواني پلوه ځپل شوې دي. Читать дальше...

آی‌او‌ايم وايي، د اکتوبر له لومړۍ نېټې څخه د اکتوبر تر ۱۵مې نېټې ۱۱زره او ۵۱۳ افغانان بېرته افغانستان ته ستانه شوي دي، چې له ډلې یې ۶۸۸ کسان په جبري ډول ستانه کړل شوي دي. د آی‌او‌ايم د تازه راپور له‌مخې چې د پنج‌شنبې په ورځ (د اکتوبر په ۲۴مه نېټه) خپور شوی راغلي، دا شمېرې د سپتمبر میاشتې د دوو وروستیو اوونیو په پرتله ۸سلنه زیاتوالی ښيي. په راپور کې دغه‌شان زیاته شوې، که څه هم د تېرو راپورونو له‌مخې ډېری افغانان د نیول کېدو له ویرې له پاکستانه وتل، خو اوس د هغه افغانانو په شمېرو کې هم زیاتوالی... Читать дальше...

د لبنان دولتي اژانس خبر ورکړ چې، د هېواد په جنوب کې نن د خبریالانو پر یوه مرکز د بمبارۍ په ترڅ کې د رسنیو درې کارکوونکي وژل شوې دي. په بیروت کې مېشت المیادین تلوېزیون وویل، په وژل شویو کې دوه تنه د دوی همکاران دي. المنار تلوېزیون بیا چې د د حاصبیا په سیمه کې د خپل یوه کمره‌مېن وسام قاسم د وژلو خبر ورکړ، دا تلوېزیون د حزب‌‌الله ډلې دی. اسراییلي ځواکونو تر دې بمبارۍ مخکې د سیمې خلکو ته خبرداری نه و ورکړی.

اوکرایني چارواکو نن وویل چې، د اوکراین په دوو سیمو کې د روسیې په بمباریو کې دوه تنه وژل شوي او پنځه نور ټپيان شوې دي. د اوکراین د ختیځ دونیڅک په سیمه کې روسي پوځیانو پر یوه پوسته‌خانه برید کړی، چې دوه کسان یې وژلي او درېیم یې ټپي کړی دی. د دې سیمې والي وادیم فلاشکین وويل، روسانو یو ځل بیا عمدا ملکي تاسیسات، یوه پوسته‌خانه او اداري ودانۍ زیانمنې کړې دي. د خرسون والي الکساندر پروکودین بیا نن په ټلېګرام کې لیکلي دي، د خرسون په جنوبي سیمه کې د خرسون ښار په ګډون په اووه ویشت سیمو د روسیي ځواکونو... Читать дальше...

د خیبرپښتونخوا په ډیره اسماعیل خان کې د حکومتي ملېشه ځواک پر پوستې په برید کې لږ تر لږه لس ملېشه ځواکونه وژل شوي او ۲ ټپیان دي. پاکستاني رسنیو نن د امنیتي سرچینو په قول وویل، برید تېر ماښام پیل شو او د شپې تر ناوخته پورې یې دوام وکړ. امنیتي چارواکي وايي، د لومړنیو معلوماتو له‌مخې، لس ملېشه ځواکونه وژل شوي او دې ته په کتو چې د ټپیانو حال نازک دی، احتمال شته چې د تلفاتو شمېر ډېر شي. تحریک طالبان پاکستان ډلې د دې برید مسوولیت منلی دی. پرون د پاکستان پوځ ادعا کړې وه چې، د خیبرپښتونخوا په باجوړ... Читать дальше...

د مراکش د بربر یا امازیغ قبیلې وګړي وايي چې پخوا به یې ښځو خالونه وهل خو اوس دا دود په کمېدو دی. د هغو مراکشیو ښځو خالونه تر ډېره د پښتنو خالونو ته ورته دي. د امازیغ ډېری غړي په شمالي افریقا، په تېره په مراکش، کې اوسي. ځینې شنونکي وايي چې د هغه دود کمرنګي کېدو یو لامل دا دی چې ځینې دیني عالمان یې د خالونو له وهلو منع کوي. د اژانس فرانس پرېس له ویډیو جوړ رپورټ.

دا تړون له شمالي کوریا څخه د "پوځي مرستې د ترلاسه کولو" امکان برابروي او د اوکراین په جګړه کې د درېیم هېواد د ګډون احتمال زیاتوي. دا تړون چې د پنج‌شنبې په ورځ (د لړم په درېیمه نېټه) د دوما له‌خوا تصویب شو، د سږکال په جون میاشت کې د شمالي کوریا پلازمېنې پیونګ یانګ ته د ولادیمیر پوتین د سفر پر مهال لاسلیک شو او ټاکل شوې چې د دواړو هېوادونو ترمنځ همکارۍ ته نوی ځواک ورکړي. د دې تړون د یوې مادې له‌مخې، که چېرې له دواړو څخه پر یوه برید وشي او په جګړه کې ښکېل شي، بل هېواد باید په فوري ډول له ټولو امکاناتو څخه په کار اخیستو یې مرسته وکړي. Читать дальше...

د طالبانو یوې مخالفې ډلې چې د افغانستان د ملي مقاومت جبهې په نوم یادیږي، په کابل کې د پروني ماښام د برید مسوولیت منلی دی. دې جبهې تېره شپه ناوخته په یو بیان کې ادعا کړې چې، د کارته نو په نانوايي تم‌ځای کې یې په یو برید کې درې طالبان وژلي دي. وړاندې په بیان کې راغلي، دا برید ماښام مهال د طالبانو پر ګزمې شوی چې، د طالبانو یوشمېر وسلې د جبهې غړو ترلاسه کړي دي. له‌دې وړاندې د افغانستان یوشمېر کورنیو رسنیو د کارته نو په نانوايي تم‌ځای کې د یوې چادونې خبر ورکړی و. بل پلو د طالبانو یوې بلې مخالفې... Читать дальше...

د ملګروملتونو سرمنشي انتوني ګوتېریش پرون پنج‌شنبې د (اکټوبر ۲۴مه) د روسیې ولسمشر ولادیمیر پوتین پر وړاندې په وینا کې په اوکراین کې د عادلانه سولې غوښتنه کړې ده. پر اوکراین د روسیې د غیرموجه یرغل څه باندې دوه کاله کېږي. ګوتېریش د روسیې په کازان ښار کې د برېکس سرمشریزې په وروستۍ ورځ په خپلې وینا کې په غزه کې د اوربند او د حماس وسله‌والې ډلې له بنده د اسراییلي برمته‌و د خوشې کېدو غوښتنه وکړه. امریکا او اروپايي ټولنه حماس وسله‌واله ډله د یوه ترهګریز سازمان په توګه پېژني. د ملګروملتونو سرمنشي په لبنان کې د جګړې د درېدو غوښتنه هم وکړه. Читать дальше...

د فلسطین روغتیایي چارواکي وايي، د غزې په مرکزي سیمه کې پر یوه ښوونځي د اسراییلو په هوايي بریدونو کې ۱۷ کسان وژل شوي دي. د اسوشیټد پریس خبري اژانس د روغتیايي چارواکو په حواله ویلي، بې‌‌ځایه شویو په‌دې ښوونځیو کې پناه اخیستې وه. دا برید په‌‌داسې حال کې کېږي، چې د امریکا د بهرنیو چارو وزیر انتوني بلېنکن ویلي، اسراییلو د حماس د ځپلو لپاره خپل هدف ترلاسه کړی او په راتلونکو ورځو کې به د اوربند او د برمته‌شویو اسراییلو د خلاصون خبرې بیا پیل کړي. امریکا او اروپایي ټولنه حماس وسله‌‌واله ډله د یو ترهګریز سازمان په توګه پېژني. Читать дальше...

د بې پولې خبریالانونو سازمان ار‌‌ايس‌ایف د طالبانو له بنده د افغان خبریال مهدي انصاري د خوشې کېدو غوښتنه وکړه. دې سازمان پرون پنج‌شنبې د (اکټوبر ۲۴مه) په یو بیان کې ویلي، د دوی د معلوماتو بر بنسټ انصاري له دوو اوونیو راهیسې د طالبانو د استخباراتو په بند کې دی. د ار‌‌اس‌‌ایف په خبره، طالبانو په رسمي ډول د انصاري د نیولو په اړه څه نه وايي. په بیان کې راغلي، انصاري په ټولنیزو رسنیو کې د مطالبو د خپرولو په خاطر نیول شوی. ياد سازمان ویلي، د دې خبریال په پټه نیول د منلو وړ نه‌دي او باید ژر تر ژره راخوشې شي. Читать дальше...

نن جمعه د (اکټوبر ۲۵مه) د افغانستان د ۱۷ کلنو کم‌عمره فوټبال ملي لوبډله له کمبودیا سره د سیالۍ ډګر ته ښکته کېږي. دا سیالۍ د اسیا د ملتونو جام د مقدماتي سیالیو په لړ کې د افغانستان په وخت څلورنیمې بجې د کمبودیا د پنوم پن په ښار کې پیليږي. د افغانستان د فوټبال د ۱۷کلنو کم‌عمره ملي لوبغاړو په خپله لومړنۍ سیالۍ کې د تېرې دوشنبې په ورځ فیلپین ته ۸ د صفر او د تېرې چهارشنبې په ورځ ماکایو ته ۹ د صفر پر وړاندې ماتې ورکړه. د اسیا د ملتونو جام مقدماتي سیالۍ د ۴۳ ټیمونو په ګډون په لسو ګروپونو کې د لسو مختلفو ښارونو په کوربه‌توب پیل شوي دي. Читать дальше...

د افغانستان د ابدالیانو یا الف لوبډله به نن جمعه د کرکټ د اسیا د ایمرجنګ جام سیالیو په دوهمه نیمه پایلوبه کې د هند له الف لوبډلې سره مخامخ شي. د دې جام لومړۍ نیمه پایلوبه به د کابل په وخت د ماسپښین په یوه نیمه بجه د پاکستان او سریلانکا د الف لوبډلو ترمنځ وي. د افغانستان او هند د الف لوبډلو مسابقه به د کابل په وخت د ماښام په شپږ بجو پیل شي. د اسیا د ایمرجنګ د جام سیالۍ د عمان په کوربه‌توب ترسره کېږي. افغانستان چې له سریلانکا، بنګله‌‌دېش او هانګ‌کانګ سره په یوه ګروپ کې و، دوې مسابقې وګټلې او یوه وبایلله. Читать дальше...

د افغانانو په ګډون څه باندې ۷۴ زره کسانو د روان کال په جولای میاشت کې په اروپايي ټولنه کې د پناه غوښتنه کړې ده. د هغې راپور پر بنسټ چې پرون پنج‌شنبې د (اکټوبر ۲۴مه) د اې یو ریپورټر پر وېب‌‌پاڼه خپور شوی ویلي شوي، دا شمېر د تېرکال د جولای میاشتې د پناه غوښتنې د غوښتنلیکونو په نسبت اووه نیم سلنه کم دی. د ۲۰۲۳ کال په جولای کې اتیا زره دوه اویا کسانو په اروپايي ټولنه کې د پناه غوښتنه کړې وه. په راپور کې راغلي، لا هم افغانان، سوریایان او د ونزویلا وګړي د پناه غوښتونکو لویه برخه جوړوي. د راپور... Читать дальше...

د طالبانو تر واک لاندې د ترانسپورت او هوايي چلند وزارت د هواپېژندنې ریاست د افغانستان په ۱۳ ولایتونو کې د ورښتونو او سېلونو د راوتو اټکل کړی دی. دې ریاست پرون پنج‌شنبې د (اکټوبر ۲۴مه) په یوې خبرپاڼه کې په هرات، بادغیس، غور، فاریاب، جوزجان، سرپل، بامیان، بلخ، سمنګان، بغلان، کندز، تخار او بدخشان ولایتونو کې نن جمعه او سبا شنبې د نسبتاً شدیدو ورښتونو، تالندې برېښنا او د سېلونو د راوتو اټکل کړی دی. په خبرپاڼه کې په بېلابېلو سیمو کې د باران اندازه د ۵۰ څخه تر ۱۰۰ ملي مټرو پورې اټکل شوې ده. تېره... Читать дальше...

د پاریس په کنفراس کې د لبنان د بشري ناروین د کمېدو او د دې هېواد له پوځ څخه د ملاتړ په موخه د یو میلیارد ډالرو مرستې اعلان شوی دی. پرون پنج‌شنبې د (اکټوبر پر ۲۴مه) د شاوخوا ۷۰ هېوادونو او ۱۵ سازمانونو استازو لبنان سره د مرستو په موخه د فرانسې په پلازمېنه پاریس کې سره وکتل. د رویټرز خبري اژانس د راپور پر بنسټ، امریکا په‌دې کنفرانس کې په ټیټه سطحه ګډون کړی و. د پاریس کنفرانس د لبنان لپاره د مالي مرستې د راټولولو په موخه رابلل شوی و. د فرانسې د بهرنیو چارو وزیر ژان نویل باروت په‌دې کنفرانس کې وویل... Читать дальше...

اروپايي ټولنه وايي، په افغانستان کې د روغتیايي خدمتونو د کمښت له کبله په هرو دوو ساعتونو کې یوه مور خپل ژوند له لاسه ورکوي. اروپايي ټولنې په افغانستان کې د روغتیايي خدمتونو د برابرولو په برخه کې د څه باندې ۳۰ میلیونه یورو مرستې اعلان کړې دی. دې ټولنې پرون پنج‌شنبې د (اکټوبر ۲۴مه) په یوې خبرپاڼه کې ویلي، د دې مرستې ۱۶ میلیونه یورو به د روغتیا نړیوال سازمان او ۱۵ میلیونه به یې د ملګروملتونو د وګړو صندوق له لارې په افغانستان کې د غیرساري ناروغیو، د ماشوم د زېږون او د مور او ماشوم د روغتیا او لویانو... Читать дальше...