انتوني ګوتېريش اوکراين کې د عادلانه سولې غوښتنه وکړه
پر اوکراین د روسیې د غیرموجه یرغل څه باندې دوه کاله کېږي.
ګوتېریش د روسیې په کازان ښار کې د برېکس سرمشریزې په وروستۍ ورځ په خپلې وینا کې په غزه کې د اوربند او د حماس وسلهوالې ډلې له بنده د اسراییلي برمتهو د خوشې کېدو غوښتنه وکړه.
امریکا او اروپايي ټولنه حماس وسلهواله ډله د یوه ترهګریز سازمان په توګه پېژني.
د ملګروملتونو سرمنشي په لبنان کې د جګړې د درېدو غوښتنه هم وکړه.
ګوتېریش وویل، د ملګروملتونو د منشور، د عمومي اسمبلۍ د پرېکړهلیک او د نړیوال قانون پر بنسټ، په اوکراین کې یوې عادلانه سولې ته اړتیا ده.
د هغه په خبره، ټولو هېوادونو ته لازمه ده، چې د نورو هېوادونو سیاسي خپلواکۍ او تمامیت ارضي ته احترام وکړي.
د نړۍ مشرانو پهدې ناسته کې په لبنان او غزه کې د جګړې د ختمېدو غوښتنه وکړه.