نن د افغانستان تر ۱۷ کلونو کمعمره فوټبال لوبډله له کمبوديا سره سيالي لري
دا سیالۍ د اسیا د ملتونو جام د مقدماتي سیالیو په لړ کې د افغانستان په وخت څلورنیمې بجې د کمبودیا د پنوم پن په ښار کې پیليږي.
د افغانستان د فوټبال د ۱۷کلنو کمعمره ملي لوبغاړو په خپله لومړنۍ سیالۍ کې د تېرې دوشنبې په ورځ فیلپین ته ۸ د صفر او د تېرې چهارشنبې په ورځ ماکایو ته ۹ د صفر پر وړاندې ماتې ورکړه.
د اسیا د ملتونو جام مقدماتي سیالۍ د ۴۳ ټیمونو په ګډون په لسو ګروپونو کې د لسو مختلفو ښارونو په کوربهتوب پیل شوي دي.
د افغانستان تر ۱۷ کلنو کمعمره د فوټبال ملي لوبډله په بي ګروپ کې له فیلیپین، کمبودیا، بنګلهدېش او ماکایو سره ده.