د افغانستان په ۱۳ ولايتونو کې د ورښتونو او سېلابونو د راوتو اټکل شوی
دې ریاست پرون پنجشنبې د (اکټوبر ۲۴مه) په یوې خبرپاڼه کې په هرات، بادغیس، غور، فاریاب، جوزجان، سرپل، بامیان، بلخ، سمنګان، بغلان، کندز، تخار او بدخشان ولایتونو کې نن جمعه او سبا شنبې د نسبتاً شدیدو ورښتونو، تالندې برېښنا او د سېلونو د راوتو اټکل کړی دی.
په خبرپاڼه کې په بېلابېلو سیمو کې د باران اندازه د ۵۰ څخه تر ۱۰۰ ملي مټرو پورې اټکل شوې ده.
تېره میاشت، د شدیدو ورښتونو او سېلابونو له کبله په ننګرهار او کونړ ولایتونو کې درې تنه مړه شوي او ۲۰ نور ټپیان شوي وو.
دغو سېلابونو خلکو ته مالي زیانونه هم اړولي وو.