د سالنګ لویه لاره د باروړونکو موټرو پر مخ وتړل شوه
هغه زیاته کړه چې په سالنګ کې د واورې اورښت دوام لري او تر اوسه دغلته له ۴۰ تر ۵۰ سانتيمترو پورې رسېدلی دی.
د حقشناس په وینا، د میدان وردګو ولایت د کوتل اوني په سیمه کې هم د واورې ورېدو له امله د کابل – بامیانو لویه لار د ترافیکو پر مخ تړل شوې ده.
د سالنګ لویه لار یو له مهمو ترانزیتي لارو څخه ده چې د افغانستان ۹ شمالي او شمالختیځ ولایتونه له کابل او ختیځ او سویلي ولایتونو سره نښلوي، او هره ورځ له دې لویې لارې سلګونه موټر تګ راتګ کوي.