Дар ҳоле ки ҳукумати Қирғизистон бахши қирғизии Радиои Озодиро ба додгоҳ кашида, онро бастан мехоҳад, президенти Радиои Аврупои Озод/Радиои Озодӣ ба ин кишвар рафт ва бо раиси ҷумҳур Содир Ҷабборов (Жапаров) мулоқот кард.
Сардори Оҷонси рушди шабакаи дорухонаҳои Узбекистон К. С. дастгир шудааст. Оҷонси мубориза бо коррупсияи узбекистон хабар додааст, ки боздошти К. С. дар доираи тафтиши парвандаи фавти кудакон баъди истеъмоли шарбати "Doc-1 Max" ва" Ambronol" сурат гирифтааст.
Раҳбари Кумитаи кор бо занон аз пахши навори “истинтоқ”-и келин аз сӯи хушдоман дар Интернет, ки боиси сарусадои зиёд шуд, норозигӣ кард. Ӯ иддао дорад, ки пахши чунин наворҳо роҳи ҳалли масъала нест, вале фаъолони ҷамъиятӣ баръакси инро мегӯянд.
Раҳбари Кумитаи занон аз нашри навори келини ситамдида дар Исфара, ки сарусадоҳои зиёдеро барангехт изҳори норозигӣ кард.Ӯ иддао дорад, ки нашри чунин наворҳо роҳи ҳалли масъала нест, вале фаъолони ҷамъиятӣ баръакси инро мегӯянд.
Теъдоди қурбониёни заминларзаҳои вайронгар дар Туркияву Сурия аз 21 ҳазор нафар гузаштааст. Дар Сурия теъдоди қурбониён ба марзи 4 ҳазор нафар наздик шудааст. Дар миёни ин ҳама хабарҳои ғамангез аз ҳарду кишвар достонҳои умедворкунанда ҳам ба гӯш мерасанд.
Консулгарии Узбекистон дар Туркия хабар додааст, ки наҷотдиҳандагон се шаҳрванди кишварашро аз зери харобаҳо зинда берун оварданд. Тибқи иттилои манбаъ, аз зери харобаҳо Бойбеков Рашид, Акрамҷон Ҳошимов ва Шотирбекова Асал берун оварда шудааст.
Олег Панфилов, хабарнигору нависандаи зодаи Тоҷикистон ва аз интиқодгарони сиёсатҳои ҳукумати Русия рӯзи 10-уми феврал дар синни 65, дар шаҳри Тифлиси Гурҷистон даргузашт.
Эмомалӣ Раҳмон, раиси ҷумҳури Тоҷикистон, бо имзои як фармон музди кормандони муассисаҳои давлатӣ, маъмурони милиса, афсарон, додситонҳо ва дигар кормандони мақомоти интизомиро аз 20 то 25 дар сад боло бурдааст.
Одинашоҳ Қурбонов, яке аз камтарин пайравони оини қадимии зардуштӣ дар Тоҷикистон, дар синни 92- солагӣ, дар ноҳияи Шамсиддин Шоҳин, Шӯроободи пешин, даргузашт.Ӯро рӯзи 9-уми феврал дар деҳаи Навободи ин ноҳия ба хок супурданд.
Вазири тандурустӣ ва ҳифзи иҷтимоии Тоҷикистон, Ҷамолиддин Абдуллозода сабаби марги шашгоникро дар таваллудхонаи вилоятии Суғд шарҳ дод.
Сон Ҳин Мин, ҳамлагари 30-солаи бошгоҳи "Тоттенҳэм Хотспур"-и Англия ва мунтахаби Кореяи Ҷанубӣ, беҳтарин футболбози Осиё дар соли 2022, ки онро нашрияи варзишии интернетии "Fox Sports Asia» таъсис додааст, эълон гардид. Сон Ҳин Мин дар раъйдиҳӣ 256 имтиёз гирифт. Ӯ бори шашум пайиҳам ин ҷоизаро ба даст овард. Вай, умуман, ҳашт бор ин ҷоизаро гирифтааст, хабар медиҳад VnExpress. Дар мавсими ҷорӣ Сон Ҳин Мин 28 бозӣ карда, 8 гол задааст. Ҷойи дуюмро дар раъйдиҳӣ миёни коршиносону шореҳони футболи осиёӣ Меҳдӣ Торимӣ... Читать дальше...
Дар Тоҷикистон ҳолатҳои гирифторӣ ба бемории гузарандаи сурхакон якбора афзоиш ёфта, танҳо дар соли 2022, 425 нафар ба ин беморӣ сироят ёфтаанд. Дар ин бора вазири тандурустӣ ва ҳифзи иҷтимоии Тоҷикистон, Ҷамолиддин Абдуллозода дар нишасти хабарии рӯзи 10-уми феврал хабар дод. Гирифтории садҳо кӯдак ба бемории сурхакон дар як сол, дар ҳолест, ки ба гуфтаи мақомоти тандурустии Тоҷикистон, соли 2021 дар кишвар ҳамагӣ 10 ҳолати сироятёбӣ сабт шуда буд. Ба гуфтаи вазир, таҳқиқи мутахассисон нишон дод... Читать дальше...
Шумори қурбониёни заминларза дар Туркия ва Сурия ба беш аз 21 ҳазор нафар расидааст. Дар пайи заминларзаи рӯзи 6-уми феврал дар Туркия зиёда аз 18 ҳазор нафар ҷон дода, беш аз 74 ҳазор кас осеб дидааст. Дар ин бора Фуат Октай ноиб-президенти Туркия, рӯзи 10-уми феврал хабар додааст. Ба иттилои ӯ дар заминларзаи шадид дар Туркия 6444 бино фурӯ рехтааст. Дар ҳамсоякишвари Туркия, Сурия 3480 кас ҷон дода, 298 ҳазор нафар бехонумон шудаанд. Тибқи иттилои Созмони Ҷаҳонии Тандурустӣ, эҳтимол заминларза шадид ба 23 млн нафар... Читать дальше...
Дастаи мунтахаби наврасони футболи Тоҷикистон (U-17) бо роҳбарии сармураббӣ Раҳматулло Фузайлов дар бозии сеюмаш дар мусобиқаи байналмилалии "Ҷоми рушд-2023" дар Мински Беларус бар тими Эрон (U-17) бо ҳисоби 3:1 пирӯз шуд.
Зери харобаҳои биное дар вилояти Хатайи Туркия ҷасади шаҳрванди Қазоқистон Адил Қодирбеков пайдо шуд. Наҷотдиҳандагони қазоқистониву туркӣ шаҳрвандони Қазоқистон Адил Қодирбеков ва Мирболат Курмашевро меҷустанд. Ҷасади Қодирбеков пайдо, аммо дар бораи Курмашев ҳанӯз иттилое нест. Эҳтимол меравад, вай низ зери харобаҳои биное бошад, ки ҷасади Қодирбеков онҷо пайдо шуд. "Вазорати корҳои хориҷӣ талош мекунад, ки ҷасади Қодирбеков ба ватан оварда шавад", - гуфт Ойбек Смадияров, намояндаи расмии Вазорати корҳои хориҷии Қазоқистон. Читать дальше...
Дар панҷумин нишасти мушовирони амнияти миллии кишварҳои минтақа дар бораи Афғонистон гуфта шудааст, ки Афғонистонро набояд "раҳо" кунанд. Ин нишаст, ки бо номи "Формати Маскав" шинохта мешавад, рӯзи чаҳоршанбеи 8-уми феврал дар пойтахти Русия баргузор шуд.
Вазорати умури хориҷии Узбекистон хабар дод, ки бо дастури раисҷумҳур Шавкат Мирзиёев ба Туркия як гуруҳи иловагии наҷотдиҳандагон фиристода шудааст. Ба иттилои вазорат, ин гуруҳ аз 71 кас иборат буда, дар бартарафсозии оқибатҳои заминларза дар Ғозиёнтеппаи Туркия кумак хоҳанд кард. Ҳамчунин тавассути ҳавопаймое, ки наҷотдиҳандагон ба Туркия сафар карданд, кумаки башардӯстона фиристода шудааст. Қаблан хабар доданд, ки Узбекистон тавассути ду ҳавопаймо ба Туркия 100 корманди наҷот ва кумаки башардӯстона фиристодааст.
