Радиои Озодӣ ҳуҷҷатеро ёфт, ки ҳашт ширкату бинои вобаста ба наздикони Бег Сабур, раиси Хадамоти алоқа ва қудои президенти Тоҷикистон, беш аз 2 миллиону 600 ҳазор сомонӣ пули барқро надодаанд. Ин рақам то охири моҳи январи имсолро дар бар мегирад.
Ширкати марбут ба наздикони Бег Сабур, раиси Хадамоти алоқаи Тоҷикистон дар шаҳри Кӯлоб миллионҳо сомонӣ пули барқ ва андозро ба буҷаи давлат насупурдааст. Бег Сабур, қудои Эмомалӣ Раҳмон, президенти Тоҷикистон аст ва мунтақидон бар ин назаранд, ки ӯ аз ин хешутаборӣ сӯистифода мекунад.
Аз 1 апрел даъвати баҳории ҷавонон ба артиши Тоҷикистон оғоз шуд. Бо вуҷуди онки мақомот аз ихтиёрӣ рафтани ҷавонон ба артиш ситоиш мекунанд, хабарҳо дар бораи маҷбурӣ бурдани онҳо ҳам кам нест. Хабарнигорони Озодӣ аз роҳгузарон дар Душанбе пурсиданд, ки чаро сарбозшикор (облава) аз байн намеравад?
Вуруди пулиси Исроил ба масҷиди Ал-Ақсои Байтулмуқаддас ҳангоми намози аср дар рӯзи чаҳоршанбе ва бархӯрди он бо намозгузорон хашму маҳкумияти кишварҳои арабиро барангехт. Муноқиша дар ин зиёратгоҳи муҳим барои мусулмонону яҳудиён дар моҳи Рамазон ва дар остонаи як иди яҳудиён сурат гирифт.
Вазорати дифои Тоҷикистон мегӯяд, солҳои охир теъдоди ҷавононе, ки ихтиёрӣ ба сафи артиш мераванд, афзудааст. Айни замон суҳбат дар кӯчаву бозору масҷидҳо зиёд аст, ки теъдоде аз ҷавонон аз бими сафарбарӣ ба артиш инҷову онҷо пинҳон мешаванд. Чаро ҷавонон ихтиёран ба хидмат намераванд?
Мақомоти Туркманистон дар пасманзари мушкил шудани воридоти оҳан аз хориҷ тасмим гирифтаанд, пули таърихии оҳаниеро, ки аз болои дарёи Ому мегузарад, вайрон кунанд.
Ҳусейн Амир Абдуллоҳиён ва Файсал бин Фарҳон, вазирони корҳои хориҷии Эрон ва Арабистони Саудӣ рӯзи 6-уми апрел дар Пекин, пойтахти Чин, вохӯрданд. Ин мулоқот чанд ҳафта пас аз имзои ёддошти тафоҳум барои азсаргирии робитаҳои дипломатӣ миёни Теҳрон ва Риёз баргузор шуд.
Рӯҳоние, ки дар тӯйи бародарзодааш дар ноҳияи Кушониён монеи рақсу суруд шуда буд, ба “даъват ба ифротгароӣ” муттаҳам шудааст.
Падари наврасе мегӯяд, милисаҳо “шими писарашро кашидаанд”; Муноқиша дар "Ал-Ақсо" кишварҳои арабиро ба хашм овард; Ширкатҳои Бег Сабур чӣ қадар қарздоранд? Ду милисаи қирғиз барои таҷовузи духтари 13-сола зиндонӣ шуданд; Назари мардум: Чаро ҷавонони тоҷик ихтиёрӣ ба артиш намераванд?
Додгоҳе дар Шветсия қарори пулиси ин кишварро, ки баргузории ду гирдиҳамоиро бо сӯзондани Қуръон манъ карда буд, бекор кард.
Амалиёти пулиси Исроил дар масҷиди Ал-Ақсо дар Байтулмуқаддас фаластиниёнро ба хашм овард. Кишварҳои арабӣ ҳам ин амалкарди маъмурони Исроилро танқид карданд. Аз сӯи дигар ҳамлаҳо аз Навори Ғазза ба Исроил нигарониҳоро аз авҷ гирифтани муноқишаҳо барангехт.
Пас аз 7 сол қатъи робитаҳои дипломатӣ, вазирони умури хориҷии Эрону Арабистони Саудӣ, ду рақиб дар Ховари Миёна, дар Чин мулоқот кардаанд.
Муассисаи ҳимоят аз паноҳҷӯёни Созмони Милал мегӯяд, бо вуҷуди ноамниҳои идомадор, ки вазъи мардумро дар саросари Афғонистон бад кардааст, эҳтимоли фирори онҳо ба Тоҷикистон бисёр кам аст.
Волидони як хонандаи мактаб дар Рашт иддао доранд, ки маъмурони милиса ӯро маҷбур кардаанд, "ё ба гуноҳ эътироф кунад" ва "ё шимашро бикашад". Маъмурони милиса даъворо беасос донистанд. Навраси 16-сола ба гумони дуздӣ дар дӯконе дар деҳаи Навобод рӯзи 30-юми марти имсол бозпурсӣ шудааст.
Ширкати амрикоии Cisco, ки ба истеҳсоли нармафзорҳо ва дастгоҳҳои шабакаӣ машғул аст, пеш аз рафтан аз Русия дар моҳи январи соли 2023 дастгоҳҳои истеҳсолиашро ба маблағи 13,5 миллион доллар вайрон кард. Дар ин бора хабаргузориҳои Русия иттилоъ медиҳанд.
Рӯзноманигори мустақил ва коргардони филмҳои ҳуҷҷатӣ Шоҳида Яъқубро, ки аз Лондон ба шаҳри Тошканд парвоз кард, нагузоштанд, вориди Узбекистон шавад.
Дар ҳафтаи гузашта 136 шаҳрванди Қирғизистонро барои риоя накардани қонунгузории муҳоҷират аз Русия ихроҷ карданд. Дар ин бора намояндаи Вазорати меҳнат, ҳифзи иҷтимоӣ ва муҳоҷирати Қирғизистон дар Русия Кубандик Акматбеков иттилоъ дод.
Шӯрои Амният рӯзи 6-уми апрел пушти дарҳои баста манъи фаъолияти кормандони зани Созмони Милалро аз сӯи Толибон ҷаласа доир хоҳад кард. Созмони Милали Муттаҳид рӯзи чаҳоршанбе эълон кард, ки Толибон ба таври расмӣ аз онҳо хостаанд, занон дар Афғонистон иҷозаи кор дар муассисаҳои ин ниҳодро надоранд.
Дастаи мунтахаби миллии занонаи футболи Тоҷикистон дар нахустин бозиаш дар даври аввали марҳилаи интихобии мусобиқоти олимпии Париж-2024 дар гурӯҳи «Е» аз тими Ҳонконг бо ҳисоби 0:3 шикаст хӯрд. Ин бозӣ шоми чоршанбки 5-уми апрел дар Варзишгоҳи марказии шаҳри Ҳисор баргузор шуд.
Вазорати корҳои хориҷии Қазоқистон ба суол дар бораи тасмими Додгоҳи байналхалқии ҷиноӣ посух дод, ки дастури боздошти президенти Русия Владимир Путинро содир кардааст.
