Дар Тоҷикистон соли нави хониш оғоз мешавад. Даҳҳо ҳазор нафар бори аввал ба остонаҳои муассисаи таълимӣ қадам мемонанд. Вазорати маориф мегӯяд 1-уми сентябр мактабу кӯдакистонҳои нав ифтитоҳ меёбанд. Аммо нигарониҳое вуҷуд дорад, ки мактабҳои нав камбуди 3500 муаллимро сахттар хоҳад кард.
Бар асари сӯхтор дар калонтарин бозори масолеҳи бинокорӣ ва сохтмонии шаҳри Ҳисор то 10 мағоза ба коми оташ рафтааст. Бозор соати 4-и субҳи имрӯз, 31-уми август оташ гирифт.
Қирғизистон имрӯз, 31 август 32-юмин солгарди истиқлоли давлатии худро таҷлил мекунад.
Субҳи имрӯз дар калонтарин бозори масолеҳи сохтмонии шаҳри Ҳисор сӯхтор ба амал омад. Оташсӯзӣ талафоти ҷонӣ надошт, вале тоҷирони бозор зиёни молӣ дидаанд. Мақомот мегӯянд, барои муайян кардани сабаб ва ҳаҷми зарари сӯхтор таҳқиқро шурӯъ намудаанд.
Хонаҳоеро, ки дар садамаи маргбори 6-уми август дар шаҳри Кӯлоб осеб дидаанд, аз нав месозанд. Дар ҳоле, ки чор манзили сокинон дар пайи бархӯрди мошини як ширкати воридкунанда осеб дид, мақомот барои ҷуброни зарар аз масҷидҳо маблағ ҷамъ мекунанд.
Ҳукумати Хатлон эълон кард, ки то шурӯъи сардиҳо чаҳор оилаи зарадида дар садамаи пурқурбонӣ дар Кӯлоб соҳиби манзили нав мешаванд. Гуфтанд, ки хонаҳоро ҳукумати вилояти Хатлону шаҳри Кӯлоб бунёд мекунанд, аммо тавре маълум мешавад мақомот аз имомхатибон барои бунёди ин хонаҳо кӯмак хостаанд.
Дастаи мунтахаби Тоҷикистон дар Фестивал ё Ҷашнвораи байналмилалии донишҷӯёни варзишгар, ки дар шаҳри Екатеринбурги Русия ҷараён дорад, баъди натиҷагирии дувоздаҳ рӯзи мусобиқот бо касби 11 медал (4 тилло, 1 нуқра ва 6 биринҷӣ) дар ҳисоби медалҳо бо дарназардошти сифати онҳо мақоми ҳаштумро соҳиб шудааст.
Александр Лукашенко, раисҷумҳури Беларус, талаби берун кардани зархаридони гурӯҳи “Вагнер”-ро “беасос ва аблаҳона” хондааст. Дар ин бора Хабаргузории давлатии Беларусия иттилоъ дод.
Ҳунарманди ва наттоқи рус, Максим Галкин аз он нигаронӣ кардааст, чанд моҳ боз наметавонад дар Қазоқистон барномаҳои консертии худро баргузор кунад.
Як муҳоҷири тоҷик дар Маскав аз ошёнаи 25-уми сохтмоне ба замин афтода, ҷон бохтааст
Тоҷикистон ба нишасти сарони кишварҳои Осиёи Марказӣ ва Иёлоти Муттаҳидаи Амрико даъватнома дарёфт карда, аммо дар ин замина ба хулосае наомадааст. Дар ин бора муовини вазири умури хориҷаи Тоҷикистон Содиқ Имомӣ хабар додааст. Имомӣ гуфтааст, масъала дар ҳоли баррасӣ аст.
Мақомоти Туркманистон барои шаҳрвандоне, ки мехоҳанд ба хориҷ сафар кунанд, талаботи нав ҷорӣ кардаанд. Акнун туркманистониҳо пеш аз сафар бояд анкетаеро пур карда, аз санҷиш гузаранд ва забонхат нависанд, ки баъди ба поён расидани муҳлати раводид ба ватан бармегарданд.
Бозии дӯстона миёни дастаҳои футболи «Ситораҳои «Барселона» ва «Ситораҳои Осиё», ки шоми чоршанбеи 30-юми август дар пойтахти Қирғизистон – шаҳри Бишкек – баргузор шуд, бо пирӯзии испаниҳо бо ҳисоби 3:0 хотима ёфт. Голҳоро Ривалдо, Хуан Пабло Сорин и Хавйер Савиола ба самар расонданд.
Сухангӯи президенти Русия Дмитрий Песков гуфт, яке аз фарзияҳои суқути ҳавопаймое, ки раҳбари ширкати хусусии ҳарбии "Вагнер” Евгений Пригожин дар дохили он буд, метавонад "ҷинояти барқасдона" бошад. "Ба далели он ки ҳанӯз хулосае дар даст нест, наметавонам ба шумо дақиқ гӯям, ки чи шудааст. Аммо фарзияҳои гуногунанд. Яке аз онҳо метавонад "ҷинояти барқасдона" бошад. Биёед мунтазири натиҷаи санҷиши Кумитаи тафтишотии Русия бимонем", - иқтибос овардааст РБК аз суханони Песков. Хабаргузории Reuters қаблан иттилоъ дода буд... Читать дальше...
Нахустин қатораи борбар рӯзи сешанбе аз шаҳри Чжантсзякоуи вилояти Ҳебейи Чин ба самти Осиёи Марказӣ ҳаракат кардааст. Дар ин бора Хабаргузории чинии Синхуа иттилоъ додааст. Қатораи боркаш, ки ҳомили қисмҳои эҳтиётии мошин, таҷҳизоти маишӣ ва маҳсулоти нассоҷӣ аст, аз истгоҳи роҳи оҳани Сяхуайюан озими Тошканд шудааст. Ширкати "China Railway Beijing Group" гуфтааст, қатора тавассути бандари Хоргос, воқеъ дар шимолу ғарби вилояти худмухтори Шинҷони Чин убур карда, дар давоми 15 рӯз ба Узбекистон хоҳад расид.
Роҳбарони шаҳру ноҳияҳои наздимарзӣ бо Қирғизистон дигар мисли солҳои гузашта дар бораи аломатгузории марз ҷавоби мушаххас намедиҳанд. Он ҳам дар ҳоле, ки дар нишастҳои қаблӣ ин роҳбарон дар бораи нишонагузории марз бо Қирғизистон ҷузъиёти бештар медоданд.
