Чойхонаи тоҷикиро дар Истанбул дидаед?
Як чойхона дар шаҳри Истанбули Туркия ба мизоҷон аз тамоми ҷаҳон хӯрокҳои тоҷикӣ пешниҳод мекунад. Ин чойхона ки «Тоҷикона» ном дорад, бо нақшу нигори миллӣ ороиш ёфта ва онҷо мусиқии тоҷикӣ ҳам садо медиҳад.
Як чойхона дар шаҳри Истанбули Туркия ба мизоҷон аз тамоми ҷаҳон хӯрокҳои тоҷикӣ пешниҳод мекунад. Ин чойхона ки «Тоҷикона» ном дорад, бо нақшу нигори миллӣ ороиш ёфта ва онҷо мусиқии тоҷикӣ ҳам садо медиҳад.
Мақомоти тафтишотии Додситонии кулли Тоҷикистон нависанда ва муҳаққиқ, масъули шӯъбаи кадрҳои Бемористони байнулмилии "Ибни Сино" Абдуқодири Рустамро шоми 31-уми август ҳангоми баромаданаш аз коргоҳ дастгир кардаанд, вале на ӯ ва на мақомот ба хонаводааш аз боздошт хабар надодаанд.
Дар давоми ду моҳи гузашта боронҳои пайдарпай боиси обхезиву лағжидани замин дар минтақаи кӯҳии Ҳимолойи Ҳиндустон шудаанд. Пажӯҳишгарон мегӯянд, яке аз сабабҳои ин ҳол тағйири иқлим аст. Ба гуфтаи онҳо дар ин гӯшаи кӯҳии олам борон нисбат ба барф бештар борида, хавфи офатҳои табииро афзоиш медиҳад.
Нархи гази моеъ як моҳи ахир дар Тоҷикистон ба таври назаррас боло рафтааст. Агар аввали моҳи август як литр гази моеъ аз 4 сомонӣ камтар буд, пас 1 сентябр нархи он ба 6 сомону 10 дирам расидааст.
Нархи гази моеъ дар Тоҷикистон тай се ҳафтаи ахир пай ҳам боло рафта, арзиши он то ҳудуди 30 дарсад афзоиш ёфт. Баъзе дӯконҳо чанд рӯз аст, гази моеъ надоранд. Мақомот далели чунин тағйиротро дар бозори сӯзишворӣ ба афзоши арзиши он дар кишвари содиркунанда рабт медиҳанд.
Дар чорабинии варзишии Рӯзи истиқлоли Қирғизистон занозанӣ шудааст.
Владимир Путин ва Раҷаб Тайиб Эрдуғон, рӯзи 4-уми сентябр дар Русия дидору мулоқот хоҳанд кард. Дар ин бора Дафтари матбуоти Кремл хабар додааст. “Мулоқот нимаи рӯзи душанбе дар Сочӣ баргузор мешавад.”- гуфтааст Дмитрий Песков, сухангӯи Путин.
Додгоҳи олии Тоҷикистон тасдиқ кард, ки амри боздошти Абдухалил Холиқзода, бунёдгузор ва молики беморхонаи маъруфи "Ибни Сино" дар Душанберо содир кардааст ва ӯ ба ҷинояти сахте муттаҳам мешавад.
Ширкати қазоқистонии "Казмунайгаз" ба хариди "танкер"- киштиҳои махсус барои интиқол додани нафт шуруъ кардааст, ки тавассути онҳо нафтро берун аз ҳудуди Русия интиқол диҳад.
Умеда Турсунова, мудири мактаби №28-ро дар ноҳияи Сариосиёи Узбекистон латту кӯб кардаанд. Вай баъди баҳс бо ҳокими вилояти Сурхандарёи он кишвар маъруф шуд.
Дар бетартибиҳое, ки баъди мусобиқаи Ҷоми президент оид ба кок-бору ё бузкашӣ дар шаҳри Уши Қирғизистон сар зад, наздики 100 кас маҷрӯҳ шудааст. Як нафарро ба бемористон интиқол додаанд.
Русия тасмим дорад, дар саросари Қирғизистон 9 мактаб бино кунад. Дар ин бора сухангӯи президенти Қирғизистон Эрбол Султонбоев тавассути шабакаҳои иҷтимоӣ хабар дод.
Дар як рейд дар бозорҳои шаҳри Красноярск ба 18 муҳоҷир барои ҳозир шудан ба комиссариати ҳарбӣ даъватнома супурдаанд.
"Орзуи гурҷӣ" - ҳизби ҳокими Гурҷистон гуфт, раванди эъломи раъйи беэътимодиро нисбати президенти он кишвар Саломе Зурабишвилӣ шуруъ кардааст. Чунин тасмим баъди сафари Зурабишвилӣ ба Аврупо гирифта шудааст. Дар ин бора раиси ҳизб Ираклий Кобахидзе хабар дод.
Раиси ҷумҳури Тоҷикистон кам шудани хоҳишмандон барои таҳсил дар донишгоҳҳои кишварро "як масъалаи нигаронкунанда" хонд. Эмомалӣ Раҳмон 1-уми сентябр дар Донишгоҳи тиббии Хатлон дар ноҳияи Данғара гуфт, аз 106 ҳазор хатмкунанда ҳамагӣ 35 ҳазори онҳо ба мактабҳои олӣ дохил шудаанд.
Ҳукумати Толибон хабар дод, ки ҳафт қарордоди нав бо арзиши 6,5 миллиард доллар барои сармоягузорӣ дар саноати маъдан, имзо кардааст. Инҳо гаронарзиштарин қарордодҳои саноатӣ ва тиҷоратии ҳукумати Толибон аз замони бозгашт ба қудрат дар ду соли қабл аст.
Дар Фестивал ё Ҷашнвораи байналмилалии донишҷӯёни варзишгар, ки рӯзҳои 19-31-уми август дар шаҳри Екатеринбурги Русия доир гардид, мунтахаби Тоҷикистон бо касби 11 медал (4 тилло, 1 нуқра ва 6 биринҷӣ) дар ҳисоби медалҳо бо дарназардошти сифати онҳо мақоми ҳаштумро соҳиб шуд.
Дастаи мунтахаби Тоҷикистон дар ҳайати 11 варзишгар (7 мард ва 4 зан) дар мусобиқоти ҷудо аз рӯи барномаи Бозиҳои XIX Осиё, ки рӯзҳои 24-27-уми сентябр дар шаҳри Ҳангжоуи Чин баргузор мешавад, ширкат хоҳад кард.
Мақомоти ҳавопаймоии Қазоқистон баъди хабари ҳамлаи бесарнишинҳо ба фазои ҳавоии Русия аз хатар ба амнияти парвозҳо ба Русия ҳушдор доданд. Дар ин бора мақомоти Қазоқистон рӯзи 31 август хабар доданд. "Дар робита ба нашри хабарҳо дар бораи ҳамлаи пайи ҳами бесарнишинҳо ба иншооти осоишта ва зерсохтори нақлиёт дар минтақаҳои бо Қазоқистон ҳаммарз мақомоти ҳавопаймоии Қазоқистон дараҷаи хатарро ба амнияти парвозҳо баҳогузорӣ кардаанд. Дар пайи ин баҳогузорӣ муайян шуд, ки ба амнияти парвози ҳавопаймоҳо хатар вуҷуд дорад"... Читать дальше...
Президенти Узбекистон Шавкат Мирзиёев фармони афви 286 шаҳрвандро имзо кардааст. Аз ин шумор 30 тан шаҳрванди хориҷӣ, аз ҷумла 3 тан онҳое ҳастанд, ки дар фаъолияти созмонҳои мамнуъ иштирок кардаанд. Афви мазкур ба 32-солагии истиқлоли Узбекистон бахшида шудааст. Миёни афвшудаҳо 39 зан, 22 марди аз 60-сола боло низ ҳаст.
Паноҳҷӯи туркманистонӣ Ашӯрбой Бекиев, ки дар ватанаш бино ба ангезаҳои мазҳабӣ таъқиб мешавад, шоми 30 август аз Москва ба Ишқобод ихроҷ шудааст. Бекиев дар ҳашт соли охир талош дошт, ки қарори мақомоти Русияро дар мавриди ихроҷаш бекор созад. Ҳомиёни ҳуқуқ аз сарнавишти минбаъдаи Бекиев дар Туркманистон нигаронанд. Бекиев нисфирӯзии рӯзи чаҳоршанбе ба яке аз дӯстонаш тамос гирифта, хабар додааст, ки ӯро ихроҷ мекунанд. Бекиевро баҳори имсол боздошт карда буданд ва аз он замон то кунун... Читать дальше...
1 сентябр дар Тоҷикистон соли нави таҳсил оғоз шуд. Имсол беш аз ду миллион хонанда ба мактаб мераванд.