Новости за 02.11.2019

Özbek prezidenti Şawkat Mirziýoýew 1-nji noýabrda Türkmenistanyň hökümet başlygynyň orunbasary, daşary işler ministri Reşit Meredowy kabul etdi diýip, özbek mediasy habar berýär, ol Daşkende ŞHG-a agza ýurtlaryň hökümet baştutanlarynyň geňeşiniň mejlisine gatnaşmak üçin, iş sapary bilen bardy.  Özbek lideri myhmany gadyrly garşylap, özbek-türkmen strategiki hyzmatdaşlygyny täze derejelere çykarmak üçin döredilen açyk we ynamdar dialogdan çuňňur kanagatlanýandygyny bildirdi diýip, resmi habarda bellenýär. Читать дальше...

Bagdatdaky anti-hökümet protestleriniň dowam etmegi bilen, ABŞ-nyň döwlet sekretary Maýk Pompeo yrak hökümeti yrak halkynyň “kanuny talaplaryna gulak asmaly diýýär. “Birleşen Ştatlar yrak hökümetiniň yrak jemgyýetinde dowam edýän problemalaryçözmegi üçin edýän islendik çynlakaý tagallasyny gutlaýar” diýip, Pompeo 1-nji noýabrda, Bagdatda bir aýdan bäri dowam edýän protestleriň iň uly ýygnanyşygynyň öňünden aýtdy. Tapgyrlaýyn geçirilen protestler mahalynda 250-den gowrak adam öldi, 12 müň adam bolsa ýaralandy. Читать дальше...

Hökümet başlygynyň orunbasary Goçmyrat Myradow 1-nji noýabrda geçirilen mejlisde prezident Gurbanguly Berdimuhamedowyň garamagyna “Döwlet emläginiň kärendesine berilmeginiň tertibini tassyklamak hakyndaky” kararyň taslamasyny hödürledi. Emma prezident anyklaşdyrmazdan, “wezipe borçlaryny talabalaýyk ýerine ýetirmän, işde goýberen kemçilikleri üçin” diýip, G.Myradowa berk käýinç yglan etdi. Käýinçden başga, ýol beren kemçiliklerini gysga wagtyň içinde düzetmegi üçin, wise-premýere soňky duýduryş hem berildi diýip, TDH habar berýär. Читать дальше...

“Human Rights Watch” (HRW) rus häkimiýetleriniň basylyp alnan Krymdaky erkekleri rus ýaragly güýçlerine gulluk etmekleri üçin çagyrmagy halkara kanunçylygyna ters gelýär diýýär.   “Basyp alyjy güýç hökmünde, Orsýetiň adamlary harby gulluga çagyrmaga-ha bir haky ýok, eýsem şeýle çakylygyň taslamasy hem halkara kanunçylygyny gödek bozmak bolýar” diýip, adam hukuklaryny goraýan guramanyň Ýewropa we Merkezi Aziýa bölüminiň başlygy Hýug (Hugh) Williamson 1-nji noýabrda çap eden beýanatynda aýtdy. “Öz kanun bozmalaryny goşalandyrmak bilen... Читать дальше...

Sowet dissidenti, adam hukuklaryny goraýjy, ýazyjy we tankytçy Wladimir Bukowskiý 27-nji oktýabrda, 77 ýaşynyň içinde Britaniýada aradan çykdy.

Gurbanguly Berdimuhamedowyň ýolbaşçylygyndaky hökümet delegasiýasy 6-7-nji noýabrda Italiýada resmi saparda bolar, resmi media türkmen-italiýan ýarag söwdasyny agzamaýar.

“Türkmenistanda bir erkegiň öz jynsy ugruny jemgyýetçilige aýan edenden soň ýitirim bolmagyndan alada edilýär” diýip, HRW 1-nji noýabrda çap eden beýanatynda aýtdy.

Gazagystanyň prezidenti Kasym-Žomart Tokaýew öz giýewisi Temirtaý Izbastini Bolgariýada ilçi wezipesine belledi. Prezidentiň metbugat gullugy 61 ýaşyndaky Izbastiniň, Tokaýewiň aýal dogany Karlygha Izbastinanyň adamsynyň ilçilige bellenendigini 1-nji noýabrda yglan etdi.  Ol 1994-nji ýyldan bäri Gazagystanyň beýleki ýurtlardaky diplomatik missiýalarynda işleýärdi.  Media habarlarynda aýdylmagyna görä, Tokaýewiň ogly Timur Tokaýew hem-de Izbastiniň ogly Muhamed Gazagystanyň günbataryndaky Atyrau sebitinde işleýän firmanyň... Читать дальше...

Wladimir Bukowskiý "Men çepçi lagerden hem däl, sagçy lagerden hem. Men konslagerden" diýipdi.