Новости за 22.04.2020

Ukrainanyň prezidenti Wolodymyr Zelenskiý Gürjüstanyň ozalky prezidenti Mihaýil Saakaşwilä ukrain hökümetiniň reformarlar boýunça wise-premýeri wezipesini hödürledi. Bu barada çarşenbe güni Saakaşwiliniň özi Facebook hasabynda ýazgy galdyrdy.   Saakaşwiliniň sözlerine görä, ol bu meseläni eýýäm premýer-ministr Denis Şmygal bilen maslahatlaşypdyr. Saakaşwili bu teklibi “uly hormat” atlandyryp, saýlawlar döwri Zelenskiýi goldandygyny hem belläp geçdi. Ol “Ukrainanyň gelejegi üçin Zelenskiýiň toparyna uly umyt baglaýandygyny” hem nygtady. Читать дальше...

Lebap welaýatynyň häkimiýetleri Amyderýanyň suwuny ulanmagy we balygyny tutmagy gadagan etdiler. Üstesine, regionyň saglyk edaralarynda okuw jaýlary üçin arassaçylyk serişdelerine işgärlerden pul toplamak ýola goýuldy.

Mary welaýatynda raýatlaryň bank kartlaryndaky puly nagtlaşdyrmak ýa-da ondan nagt däl söwdada peýdalanmak bilen bagly kynçylyklary gowulaşman, gaýtam gün-günden ýaramazlaşýar diýip, Azatlyk Radiosynyň habarçylarynyň biri bu sebitden habar berýär.

Esasy bazar güýçleri bolan talap we isleg sebäpli, söwdagärler indi maý ýa-da iýun aýlarynda çig nebit ýerlemek üçin geljekki şertnamalary satyn almak isleýän alyjylary tapyp bilmän kösenýärler.

Türkmenistanda dowam edýän ykdysady kynçylyklaryň arasynda Beýik Britaniýadan £1 milliona satyn alnan çäge Lebap atçylyk-sport toplumynyň çapuw ýodalaryna ýazyldy.

Il içinde "tros" diýlip atlandyrylýan altyn zynjyrlar, aýdylmagyna görä, türkmen aýal-gyzlarynyň esasy baýramçylyk bezegleriniň biri bolup, köçe garakçylarynyň iň arzyly oljasyna öwrülýär.

Şu günler Türkmenistanda nobatdaky oba hojalyk möwsümi dowam edýär – gowaça ekişi bilen bir hatarda güýzlük bugdaýa ideg etmek hem-de gök-bakja ekinlerini ekmek işleri alnyp barylýar.

Bütindünýä Saglyk Guramasy (BSG) Belarus hökümetine ýüzlenip, ýurtdaky koronawirusyň ýaýramagyny gowşatmak maksady bilen, köpçülikleýin çärelerini ýatyrmaga, şeýle-de sosial aralyk boýunça çäreleri geçirmäge çagyrdy. Bu rekommendasiýalar şu aýyň başynda Belarusyň pandemiýa garşy görýän tagallalaryny seljermäge gelen BSG-nyň ekspertleriniň topary tarapyndan 21-nji aprelde edildi. Beýanatda koronawirus bilen bagly ýüze çykarylan ýagdaýlaryň “çalt depginler bilýän ösýändigi” bellenilýär. Saglyk... Читать дальше...

Eýranyň Yslam Rewolýusiýa Sakçylary Korpusy (YRSK), ençeme aýa çeken şowsuz synanyşyklardan soň, harby satellitini orbita üstünlikli uçurmagy başarandygyny aýtdy. Döwlet telewideniýesi we YRSK bilen ilteşikli Tansim habarlar gullugy satelletiň 22-nji aprelde “şowly” uçurylandygyny aýtdylar. Eýranyň satelleti uçurandygyny bada-bat garaşsyz çeşmelere tassyklatmak başartmady. Emma, ekspertler munda ulanylan tehnologiýalaryň Eýranyň kontinentara ballistik raketalaryny özleşdirmegi üçin ulanylyp bilinjekdigine alada bildirdiler. Читать дальше...

BMG-niň hukuk ekspertleri Eýranda kämillik ýaşyna ýetmedik ýene bir tussagyň jezalandyrylyp öldürilmegine “şok bolandyklaryny” aýdyp, munuň halkara kanunçylygyna çapraz gelýändigini bellediler. Adamy pyçaklap öldürmekde günäli tapylan Şaýan Saidpuryň hökümi çykarylan mahaly, ol 17 ýaşyndady. Saidpur 21-nji aprelde dardan asyldy. Bu barada BMG-niň ýörite reportýorlary Jawaid Rehman we Agnes Kallamard hasabat berdiler. Olar Eýranda, ýakynda türmelerdäki bolan bidüzgünçilikler bilen baglylykda, ýene-de... Читать дальше...

Dünýäde koronawirusa ýoluganlaryň sany 2,5 million adamdan aşan, şeýle-de ol sebäpli ölenleriň sany 171 müň adamdan geçen pursady, Täjigistandaky graždan aktiwistleri ýurtda wirusyň ýaýramagy bilen bagly ýagdaýlaryň ýaşyrylýan bolmagynyň mümkindigine alada bildirdiler. Täjik häkimiýetleri COVID-19 wirusy bilen bagly ýurtda ýeke ýagdaýyň hem hasaba alynmandygyny aýdýarlar. Emma, ekspertler ýurtda garaşsyz medianyň we hökümetdäki aýdyňlygyň pesdigine ünsi çekip, bu öňe sürmeleri sorag astyna alýarlar. Читать дальше...