Новости за 18.06.2020

Soňky bir aý çemesi wagtda birnäçe ýurtda, şol sanda müňlerçe türkmenistanlynyň ýaşaýan ýeri Demirgazyk Kiprde, türkmen raýatlarynyň prezident Gurbanguly Berdimuhamedowyň awtoritar režimine garşy protest çykyşlary yzly-yzyna geçirilýär. Türkmenistanlylar öz halkynyň problemlary barada dymýan we kynçylyklara göz ýumýan hökümete nägileligini bildirýärler. Azatlyk Radiosynyň şu günki söhbetdeşi Demirgazyk Kiprde türkmenistanlylaryň geçirýän çykyşlarynyň guramaçylaryndan Leýla Kamalowa.

Hökümetiň 18-nji iýunda çykaran buýrugyna laýyklykda, şu dynç güni paýtagt Nur-Soltanda, ýurduň iň uly şäheri Almatyda we ýene dört şäherde (Garaganda, Şymkent, Pawlodar we Ekibastuz) goşmaça çäklendirmeler giriziler.

Türkmenistanyň hassahanalarynda ýokanç keselden gorag çäreler güýçlendirilýär. Paýtagtyň keselhanalarynyň işgärleri  gorag geýimlerinde işleýärler. Gorag geýimleri ulanmak düzgüni welaýatlarda hem girizilýär. Bu aralykda Azatlyk Radiosynyň habarçylary, Türkmenistanda COVID-19 keseli bilen kesellänlere degişli täze ýagdaýlaryň jikme-jikliklerini, şol sanda adamlaryň ýogalmagyna degişli ýagdaýlary anyklady.  "Çoganlynyň ýokanç keseller hassahanasynda ozal ýokaşan we şol bir keselhanada izolýasiýada... Читать дальше...

Metbugat habarlaryna görä, Kreml prezident Wladimir Putine koronawirus ýokaşmagynyň öňüni almak tagallalarynyň çäginde ýörite dezinfeksiýa tunellerini gurdy. 16-njy iýunda “RIA-Nowosti” döwlet habarlar agentligi Penzada bir kärhana tarapyndan öndürilýän enjamlaryň Putiniň Moskwanyň çetinde, Nowa-Ogarýowada ýerleşýän rezidensiýasyna gurnalandygyny habar berdi. Bu aralykda, “Associated Press” Putiniň metbugat wekili Dmitriý Peskowa salgylanyp, şeýle enjamlaryň biriniň prezidentiň öýüne, ýene-de ikisiniň Kremle oturdylandygyny habar berdi. Читать дальше...

Geçen ýyl duýdansyz wezipeden çekileni bäri bu Merkezi Aziýa ýurduna gözegçilik etmegi dowam etdirýän gazak prezidenti Nursultan Nazarbaýewiň koronawirus saglyk barlagy “oňyn” netije berdi. 18-nji iýunda Nazarbaýewiň metbugat gullugy öňki prezidentiň häzirki wagtda öz-özüni çetleşdirendigini hem-de uzak aralykdan işlemäge dowam edýändigini aýtdy. 79 ýaşly Nazarbaýew nebite baý ozalky sowet respublikasyny 30 ýyl töweregi dolandyryp, geçen ýylyň mart aýynda wezipeden çekilýändigini mälim etdi.... Читать дальше...

Hytaýyň Türkmenistanda iş alyp barýan CNPC ('China National Petroleum Corporation', ýagny 'Hytaýyň Milli Nebit-gaz Korporasiýasy') kompaniýasy öz işgärleriniň soňky iki aý üçin çeken zähmet haklaryny töledi. Azatlyk Radiosynyň bu barada habar berýän aşgabatly habarçysy bu gijikmä kompaniýanyň öz işgärleriniň walýuta bank hasaplaryny "Senagat" bankdan "Türkmen-türk" bankyna geçirmek prosesiniň sebäp bolandygyny aýtdy. "Türkmenistan daşary ýurt walýutasynda aýlyk alýan işgärleriň zähmet haklaryny... Читать дальше...

TDH-nyň ýazmagyna görä, balkanly kärendeçi Tagandurdy Baýramgulyýew 40 ýyla golaý ekin ekýär we bu ýyl 17 gektar ýeriniň her gektardan 40-45 sentner hasyl almakçy. Emma radio bu kärendeçiniň anyk näçe girdeji aljakdygyny anyklap bilmedi.

Lebap welaýatynyň merkezi Türkmenabat şäherinde ilatyň eýýäm ençeme ýyldan bäri ýüzbe-ýüz bolup gelýän azyk gytçylyk meseleleri, bank kartlaryndaky pullaryny nagtlaşdyrmakdaky kynçylyklary prezident Gurbanguly Berdimuhamedowyň sebite eden saparynyň dowamynda az-owlak hem bolsa, gowşan ýaly bolup görünse-de, saparyň yzýany bu ýagdaýlar ýaňadandan möwjäp başlady. Ýatlatsak, 8-nji iýunda Berdimuhamedow iş sapary bilen Lebap welaýatyna baryp, galla oragynyň alnyp barlyşy bilen tanyş bolupdy. Bu Berdimuhamedowyň... Читать дальше...

ABŞ-nyň Döwlet departamentiniň Kanun goraýyş işi we neşe serişdeleriniň halkara dolanyşygyna garşy göreş boýunça býurosy (INL) “Türkmenistanda kazyýet lukmançylygyny kämilleşdirmek” taslamasynyň ikinji tapgyryny goldamak maksady bilen Birleşen Milletler Guramasynyň Neşe serişdeleri we jenaýatçylyk baradaky müdiriýetine (UNODC) 200 müň dollar bölüp berýändigini mälim edýär diýip, Wenadaky Halkara guramalary boýunça ABŞ wekilhanasy 12-nji iýunda ýaýradan beýanatynda aýtdy. “Bu BMG-niň Neşe serişdeleri... Читать дальше...

Türkmenistan bilen Sierra-Lione respublikasynyň arasynda diplomatik gatnaşyklary ýola goýmak baradaky resminama 15-nji iýunda Türkmenistanyň Eýrandaky ilçihanasynda gol çekildi. Bu barada Turkmenportal.com neşiri habar berýär. Resminama Türkmenistanyň Eýrandaky ilçisi Ahmet Gurbanow hem-de Sierra-Lionyň Eýrandaky ilçisi Kamara Ali Baradar gol çekdi. Taraplar oba hojalygy, geologiýa we inwestisiýa ýaly ugurlarda hyzmatdaşlyk etmegi, şeýle-de lukmançylyk hyzmatlary boýunça hyzmatdaşlygy ara alyp maslahatlaşypdyrlar. Читать дальше...

Gyrgyzystanyň prokurorlary tanymal jenaýat ýolbaşçysy Aziz Batukaýewiň 2013-nji ýylda bikanun boşadylmagy sebäpli geçirilen kazyýet işinde öňki prezident Almazbek Atambaýewiň 15 ýyl möhlet bilen azatlykdan mahrum edilmegini soradylar. Şeýle-de, prokurorlar 16-njy iýunda Birinji Maý etrap kazyýetinden Atambaýewiň ähli döwlet baýraklaryndan mahrum edilmegini hem-de onuň emläginiň konfiskasiýa edilmegini soradylar. Atambaýewiň aklawçysy Zamir Jooşew Azatlyk Radiosyna beren interwýusynda suduň höküminiň... Читать дальше...

Türkmenistanda barha ýitileşý​ä​n ykdysady kynç​ylyklaryň​, iş​sizligiň​ fonunda, ý​urduň​ dü​rli sebitlerinden Ahal welaý​atyna gelip iş​leýä​n ýüzlerç​e raý​at agyr şertlerde iş​lemä​ge, kanalda ý​uwunmaga we onuň​ bulanyk suwundan içmäge mejbur bolý​ar.   Azatlyk Radiosynyň bu barada habar berýän aşgabatly habarçysynyň tassyklamagyna görä, bu raýatlar Ahalyň Bäherden we Baharly etraplarynyň arasyndaky Mürçe we Sünçe obalarynda ýerleşýän "Arkaç" meýdanyndaky, Garagum kanalynyň jülgesindäki oba hojalyk ekinlerinde işleýärler. Читать дальше...