Новости за 16.06.2020

"Amerikanyň sesiniň" direktory Amanda Bennet we onuň orunbasary Sandra Sugawara birinji gün işlerinden çekilýändigini habar berdi. Olar ABŞ-nyň Kongresi tarapyndan maliýeleşdirilýän iň uly halkara habar guramasyna dört ýyla golaý ýolbaşçylyk etdiler. "Amerikanyň sesiniň" habar bermegine görä, bu döwürde onuň umumy diňleýjileri iki esse artdy - hepdede 109-milliondan 280 million adama çenli köpeldi. Bennet Maýkl Pek ABŞ-nyň Halkara teleradiogepleşikler agentliginiň  täze başlygy wezipesine tassyklanandan... Читать дальше...

Global koronawirus pandemiýasy bilen baglylykda "Türkmenhowaýollary" halkara uçar gatnawlaryny täzeden ýola goýmagy 20-nji iýula çenli yza süýşürýändigini mälim etdi.

Azatlyk Radiosynyň Aşgabatdaky habarçysy paýtagtyň iýmit önümleri satylýan döwlet dükanlarynyň öňünde döreýän nobatlaryň aradan aýrylandygyny, şeýle-de harytlaryň hem nagt, hem-de nagt däl görnüşde elýeterlidigini 16-njy iýunda habar berdi.

Kiýewiň sudy, bir adamyň öldürilmeginde bikanun ýarag saklamakda we bilkastlaýyn adam öldürmekde güman edilýän aşa sagçy ýarym-harby toparyň jedelli öňki ýolbaşçysyny öý tussaglygynda saklamak barada karar çykardy. Serhiy Sternenko munuň özüni goramak maksady bilen bolandygyny öňe sürýär. Sternenkonyň tarapdarlary tarapyndan geçirilen ýowuz protestlerden soň, 15-nji iýunda giçlik Şewçenko etrap kazyýeti bu iş bilen bagly derňewleriň dowam edýändigi sebäpli Sternenkonyň 60 günläp öý tussaglygynda saklanjakdygy barada karar çykardy. Читать дальше...

Türkmenistanda güýçli pnewmoniýanyň ýaýramagy dowam edýärkä Azatlygyň Türkmenistandaky habarçylarynyň we garaşsyz neşirleriň habar bermegine görä, ýurduň hassahanalary dem alyş problemalary bolan näsaglaryň görlüp-eşidilmedik derejede köpelmegini başdan geçirýär we lukmanlar izolýasiýa edilýär. Lukmançylyk işgärleriniň we hassalaryň arasynda ölüm bar. Tiz kömek gulluklary ýetişiksiz ýagdaýda işleýär. Häkimiýetler ýurtda koronawirusyň ýokdugyny öňe sürýärler, lukmanlar bolsa munuň COVID-19 keselidigine ynanýarlar. Читать дальше...

Türkmenistanyň prezidenti Gurbanguly Berdimuhamedow Daşoguz welaýatyna sapar edýär. Welaýata edýän iş saparynyň dowamynda prezidentiň daýhanlar we telekeçiler bilen duşuşmagyna garaşylýar. Bu barada Azatlyk Radiosynyň habarçysy sebitden habar berdi.

Bütindünýä saglyk guramasynyň (BSG) başlygy ýewropa ýurtlary gaýtadan açylýan we Hytaýyň paýtagty Pekiniň koronawirus epidemiýasy täzeden ýüzbe-ýüz bolýan mahaly, wirusyň “gaýtadan dikelmek ähtimallygy sebäpli" dünýä döwletleriniň "seresaply bolmalydygyny” aýtdy. Dünýäde tassyklanan koronawirus näsaglarynyň sany 8 milliondan aşyp, bu wirusdan ölenleriň sany 436000-e ýeten mahaly, Tedros Adhanom Ghebreyesus wirus ýokuşan 100000 adama ýetmek üçin iki aýyň gerek bolandygyny we häzirki wagtda bu sanyň gündelik derejedigini belläp... Читать дальше...

Maryda zähmet haklarynyň plastik kartlaryna geçirileninden bäri iki hepdeden gowrak wagtyň geçendigine hem garamazdan, ýaşaýjylaryň köpüsi häzirki güne çenli pullaryny nagtlaşdyryp bilmän kösenýärler. Munuň netijesinde pullary nagtlaşdyrmak boýunça ilat arasynda näresmi hyzmatlar hem hödürlenip başlandy. “Bu günler adamlar işleýän bankomat gözleginde welaýatyň dürli künjeklerinden Mary şäherine gelýärler. Olar tomsuň 40 gradusdan hem aşýan jokrama yssysynda banklara, söwda merkezlerine aýlanýarlar. Читать дальше...

Hindistanyň armiýasy hytaý esgerleri bilen jedelli Gimalaý serhedinde bolan “gazaply gapma-garşylykda” üç esgeriň, şol sanda ýokary derejeli ofiseriň öldürilendigini aýdýar. Bu aralykda, Hytaý Hindistany jedelli serhet böleginden geçmekde aýyplady. Iýun wakasy – köp ýyllaryň dowamyndaky iň çynlakaý hadysa bolup, ol 15-nji iýunda Ladakhyň Galwan jülgesinde boldy. Bu ýerde soňky birnäçe hepdäniň dowamynda iki tarapyň biri-birine garşy hüjüm edendigi we çaknyşyklaryň bolandygy habar berildi. Hindistanyň harbylarynyň beýanatyna görä... Читать дальше...

Aşgabadyň köçelerinde Polisiýanyň ýol gözegçiligi gullugy (PÝGG) dürli bahanalar bilen zenan sürüjileriň resminamalaryny ellerinden alyp, olara jerime salmak çärelerini gaýtadan güýçlendirdiler.

16-njy iýunda Demirgazyk Koreýa serhetýaka Kaesong şäherinde ýerleşýän Günorta bilen aragatnaşyk edarasyny partlatdy diýip, Seulyň Bileleşik ministrligi aýtdy. Bu waka Phenýan tarapyndan barha möwç alýan çykyşlaryň yzýanyna gabat geldi. “Demirgazyk Koreýa sagat 14:49-da Kaesong aragatnaşyk edarasyny partladýar” diýip, koreýara gatnaşyklary dolandyrýan ministrligiň metbugat wekili žurnalistlere iberen bir setirden ybarat maglumatynda aýtdy. Seulyň bu beýany, partlama eşidilenden we aragatnaşyk edarasynyň ýerleşýän ýerinden... Читать дальше...

Demirgazyk Makedoniýanyň syýasy partiýalary, ýurtda koronawirus ýokuşanlaryň sanynyň üýtgewsiz galýandygyna garamazdan, parlament saýlawlaryny 15-nji iýulda geçirmek barada ylalaşdylar. Bu saýlawlar ýurduň Ýewropa Bileleşigine agza bolmagy ugrunda möhüm ädim hökmünde görülýär. NATO-nyň iň täze agzasynda geçiriljek saýlawlar öňki premýer-ministr Zoran Zaewiň “Sosial demokratlarynyň” Ýewropa Bileleşigine tarapdar syýasatlaryny goldamak babatda-da synag bolar. Zaew şu ýylyň ýanwar aýynda wezipesinden çekildi. Читать дальше...