Häzirki wagtda Türkmenistanyň Lebap welaýatynyň ýaşaýjylary koronawirusa garşy waksina etdirmek üçin elektron saglyk kitapçalaryny edinmäge howlugýarlar. Bu ýurt öz çäginde koronawirus keseliniň ýokdugyny resmi taýdan yglan edýän hem bolsa, ýaňy-ýakynda COVID-19 garşy rus sanjymlaryny hasaba aldy we ilata waksinasiýa etmäge taýýarlanyp başlady.
Türkmenistanyň Kaspi deňziniň kenarlaryna ýüzlerçe düwleniň we müňlerçe balygyň maslygy akyp çykdy. Deňiz serhet gullugynyň bir işgäriniň anonimlik şertinde gürrüň bermegine görä, türkmen häkimiýetleri bu ýagdaýlary gizlinlikde saklap, häzir suw jandarlarynyň köpçülikleýin ölüminiň sebäplerini anyklamaga synanyşýarlar. Geçen ýylyň aýagynda Kaspiniň günbatar ýakasynda, ýagny Russiýanyň Dagystan respublikasynyň kenarlarynda hem ýüzlerçe düwleniň maslygy tapylypdy.
ABŞ senatorlarynyň ikipartiýaly topary rus oppozisiýa lideri Alekseý Nawalnynyň zäherlenmegine gatnaşan rus resmilerine garşy täze we ýörite maksatly sanksiýalary girizýän kanun taslamasyny hödürleýär. 2-nji fewralda Moskwanyň kazyýeti Nawalny nerw agenti bilen zäherlenip, Germaniýada bejergi alýan wagty oňa garşy ozal çykarylan hökümiň şertlerini bozany üçin, ony üç ýyl töweregi möhlet bilen türme tussaglygyna höküm etdi. Kanun taslamasy şondan bir gün soň, 3-nji fewralda hödürlendi. Nawalny we... Читать дальше...
Eýranda köpýyllyk türme tussaglygy bilen ýüzbe-ýüz bolan asly eýranly britan antropology Britaniýa gaýdyp gelmek üçin, özüniň daglyk serhediň üsti bilen pyýadalap, Eýrandan gaçyp gaýdandygyny aýdýar. Kamil Ahmadi 3-nji fewralda britan metbugatyna beren gürrüňinde özüniň türme hökümine garşy beren arzasynyň netijesine girew astynda garaşýan wagty gaçyp gaýdandygyny aýtdy. “Men ýanyma päkili sumkamy, birnäçe kitap we noutbugymy aldym-da gaýdyberdim” diýip, Ahmadi BBC bilen söhbetdeşlikde aýtdy... Читать дальше...
Russiýa we Eýran sürgünçileri nyşana almak üçin repressiýa tejribelerini daşary ýurtlara çenli giňeldýän iň awtoritar ýurtlaryň hataryndadyr diýip, “Freedom House” – Azatlyk öýi täze hasabatynda aýdýar. 4-nji fewralda çap edilen hasabata görä, rus hökümeti öňki insaýderleri we wehim hasaplanýan beýleki adamlary nyşana almagyň guraly hökmünde esasan jana kast edişlikden peýdalanyp, daşary ýurtlarda “örän agressiw” transmilli repressiýa çärelerini alyp barýar. Düýbi ABŞ-da ýerleşýän hökümete degişli bolmadyk gurama 2014 ... Читать дальше...
Oppozisiýa syýasatçysy Alekseý Nawalnynyň tussag edilmegi hem-de protestçileriň basylyp ýatyrylmagy boýunça Günbatar ýurtlarynyň edýän berk tankydynyň arasynda Ýewropa Bileleşiginiň daşary syýasat başlygy Josep Borrell üç günlük sapar bilen 4-nji fewralda Moskwa barýar. Borrelliň rus resmileri bilen geçirýän gepleşikleriniň baş temasy Russiýanyň Nawalna çemeleşigi hem-de demonstrantlary basyp ýatyrmagy bolar. Nawalnynyň tussag edilmegi we türmä basylmagy ýurt boýunça müňlerçe adamlyk demonstrasiýalary tutaşdyrdy. Читать дальше...
