Новости за 23.02.2021

“Türkmenistanyň demokratik saýlawy” (DWT) oppozisiýa hereketiniň egindeş başlygy Myrat Gurbanowyň YouTube ulgamyndaky tankydy çykyşlary türkmen häkimiýetlerini ynjalykdan gaçyrýar. Azatlyk Radiosynyň habarçysy türkmen oppozisiýaçysynyň çykyşlaryny diňlemekde aýyplanýan onlarça raýatyň bir hepde bäri Lebap welaýatynyň merkezi polisiýa bölüminde tussaglykda saklanýandyklaryny habar berýär. Saklananlaryň oppozisiýa wideolaryny halaýandyklary üçin, döwlete dönüklik etmekde aýyplanýandyklary aýdylýar. Читать дальше...

Gürjüstanyň polisiýasy oppozisiýa lideri Nika Meliýanyň partiýasynyň edaralaryna reýd geçirdi, şeýle-de 23-nji fewral güni ir bilen gazaply kürsäp girmäniň we göz ýaşardyjy gazyň ulanmagy netijesinde syýasatçynyň özüni tussag etdi. Mundan birnäçe gün öň, premýer-ministr Giorgi Gakhariýa belli syýasatçyny gözenegiň aňyrsyna ugradyp-ugratmazlyk baradaky ylalaşmazlyklaryň netijesinde wezipesinden çekilipdi. Milli Birlik Hereketi (ENM) oppozisiýa partiýasynyň başlygy Meliýa 2019-njy ýylyň iýunynda... Читать дальше...

Türkmenistanyň gündogaryndaky Lebap welaýatynda merhumlaryň jaýlanmagy üçin täze talaplar girizilenden soň, ilat zerur resminamalary almakda kynçylyk çekýär. Şol bir wagtyň özünde, ýapyk ýurduň daşyna gitmäge synanyşýan ýaşaýjylar hem resminamalary almak zerurlygy bilen ýüzbe-ýüz boldular.

22-nji fewralda Türkmenistanyň daşary işler ministri Raşid Meredow Aşgabada iş sapary bilen baran Owganystanyň Milli Yslam Hereketi partiýasynyň ýolbaşçysy Abdul Raşid Dostum bilen duşuşdy. Bu barada Türkmenistanyň Daşary işler ministrligi habar berýär. Duşuşygyň dowamynda “taraplar energetika, kommunikasiýa, ulag we beýleki ugurly taslamalaryň dessin durmuşa geçirilmegi babatynda bilelikdäki tagallalaryň utgaşdyrylmagyna ygrarlydyklaryny nygtadylar” diýip, maglumatda aýdylýar. Türkmen daşary... Читать дальше...

Katarda “Talyban” we owgan hökümetiniň wekilleriniň arasynda, bir aýa çeken arakesmeden soňra, parahatçylyk gepleşikleri ýaňadandan başlady. Bu gepleşikler uruşdan ejir çekýan Owganystanda gazaplylygyň geriminiň artmagynyň arasynda geçirilýär. Birleşen Milletler Guramasy parahat ilatyň arasyndan adam pidalarynyň öňüni almak üçin, ok atyşyklary dessine togtatmaga çagyrdy. 22-nji fewralda giçlik “Talybanyň” metbugat wekili gepleşikleriň täzeden başlanandygy barada özüniň Twitter hasabynda ýazgy galdyrdy. Читать дальше...

Belarus oppozisiýa lideri Swetlana Tihanowskaýa belaruslara ýüzlenip, 26-njy martda ýene köçelere çykyp, ýurdy 1994-nji ýyldan bäri dolandyryp gelýän Aleksandr Lukaşenka garşy protestlere çykmaga çagyrdy. 22-nji fewralda özüniň Telegram kanalynda ýerleşdiren beýanatynda Tihanowskaýa Lukaşenkanyň soňky aýlaryň dowamynda “Belarusda aýylganç krizise sebäp bolmak bilen birlikde, ýurduň garaşsyzlygyna hem uly wehim salýandygyny” belledi. “[Lukaşenka] karzlaryň we goldawyň öwezine, Belarusy bölek-bölek satmak isleýär” diýip... Читать дальше...

ABŞ 22-nji fewralda Birmadaky harby agdarylyşyk bilen ilteşikli ýene iki generala garşy sanksiýalary girizýändigini yglan etdi, şeýle-de protestçilere garşy gazaplylyga jogapkärlere garşy ýene çäre görjekdigini duýdurdy. Soňky gadagançylyklaryň çäginde iki generala ABŞ girmek gadagan edilýär we olaryň Birleşen Ştatlardaky emläkleri doňdurylýar. Birleşen Ştatlar häzire çenli Birmanyň iş başyndaky we ozalky generallarynyň 10 sanysyna garşy gadagançylyklary girizipdi. Döwlet sekretary Antoni Blinken aýratyn beýanat bilen çykyş edip... Читать дальше...

Bütindünýä saglyk guramasy dünýäde koronawirusa garşy sanjym edilenleriň sanynyň pandemiýa başlanandaky näsaglaryň sanyna deň bolandygyny habar berdi. Munuň özi ýüz milliondan gowrak adam. Emma dürli ýurtlardaky sanlar biri-birinden ep-esli tapawutlanýar. Sanjym boýunça dünýäde öňdeligi Ysraýyl eýeleýär. Hut şol ýurtda ilata edilýän sanjym dünýäde iň çalt derejede barýar. Soňky maglumatlara görä, ýurduň ilatynyň uly ýaşly böleginiň deň ýarysyndan gowragy sanjymyň ilkinji dozasyny eýýäm alypdyr. Читать дальше...