Новости за 21.01.2022

Aşgabatda täze kaşaň binalaryň gurluşygy soňky günlerde ýurt baştutanynyň üns merkezinde boldy. Prezident Berdimuhamedow Ahal welaýatynyň täze administratiw merkeziniň we "Aşgabat-siti" toplumynyň gurluşygy bilen gyzyklandy. Döwlet metbugaty prezidentiň gurluşyklaryň jemgyýet üçin ähmiýetini nygtap, daşky gurşaw, ösen tehnologiýa meselelerini göz öňnde tutmagy buýrandygyny habar beren bolsa, bu ýagdaýdan habarly çeşmeler bolsa, prezidentiň gurluşygyň öňe süýşmändigini görendigini habar berip, suw... Читать дальше...

Şu günler Mary welaýatynyň Ýolöten etrabynda Polisiýanyň ýol gözegçiligi gullugy motosikl sürüjilerine garşy reýd geçirýär. Bu barada Azatlyk Radiosynyň sebitdäki habarçysy 21-nji ýanwarda habar berdi.

Lebap welaýatynyň Farap, Çärjew we Dänew etraplarynda döwlete degişli çörek kärhanalary öz işgärleriniň tas ählisini bir aýlyk tölegsiz zähmet rugsadyna ugratdy. Farapda un paýoklaryny alyp bilmeýän raýatlaryň yzygiderli eden talaplaryndan soň, ýerli häkimiýetler un paýlarynyň üç aýyň dowamynda paýlanjakdygyny wada berdi. Sebitiň döwlet dükanlarynda un we çörek üpjünçiligi bilen bagly problemalar barada Azatlyk Radiosynyň sebitdäki habarçysy habar berýär.

Gazak prezidenti ýurtda bolan ganly protestlere "Baýlar bilen garyplaryň arasyndaky uly tapawudyň" sebäp bolandygyny aýdýar. Gazagystanyň prezidenti Kasym-Žomart Tokaýew ýanwar aýynyň başynda hökümete garşy gurnalan we Merkezi Aziýa ýurduny sarsdyran ganly çaknyşyklara alyp gelen protestlere baýlaryň we garyplaryň arasyndaky "kabul ederliksiz uly tapawudyň" sebäp bolandygyny aýtdy. Tokaýew 21-nji ýanwarda nebite baý ýurduň öňdebaryjy kärhanalarynyň wekilleri bilen duşuşyp, demonstrantlaryň käbiriniň... Читать дальше...

Türkmen häkimiýetleriniň şu ýylyň başynda sebitlerde ýaşaýjylary gatnadýan hususy awtobus sürüjilerine Ulag we kommunikasiýalar agentligi tarapyndan degişli ygtyýarlygy almaly edeninden soň, şeýle-de munuň bilen baglylykda goşmaça salgyt töleglerini girizenden soň, ýurduň iri şäherleriniň ençemesinde jemgyýetçilik transport bökdençlikleri döredi. “Şu günler [Lebabyň administratiw merkezi] Türkmenabadyň köçelerinden hususy awtobuslar tas ýitdi diýen ýaly. Döwletiň bar bolan transporty ilaty ozalky tertipde gatnadyp bilmeýär. Читать дальше...

ABŞ-nyň häkimiýetleri "Ryanair" uçarynyň geçen ýylyň maýynda Minsk howa menzilinde mejbury gondurylmagy bilen baglylykda Belarusyň dört resmisine garşy dildüwşük gurmak bilen garakçylyk etmek aýyplamalaryny bildirdi. ABŞ-nyň Adalat departamentiniň web sahypasynda habar berilmegine görä, “Belaeronawigtsiýanyň” baş müdiri Leonid Çuro, onuň orunbasary Oleg Kazýuçitsa, şeýle-de belarus KGB-siniň iki işgärine garşy aýyplama bildirildi. Döwlet howpsuzlyk komitetiniň işgärleriniň ady aýdylmady, emma... Читать дальше...

ABŞ-nyň döwlet sekretary Entoni Blinken, berk gaýtawul beriljegi baradaky duýduryşlara garamazdan, Orsýetiň Ukraina goşun sürmek ähtimallygy baradaky aladalaryň arasynda, dartgynlygy gowşatmak tagallalarynyň çäginde, 21-nji ýanwarda Ženewada rus kärdeşi Sergeý Lawrow bilen duşuşýar. Şweýsar şäherinde iki ýurduň baş diplomatlarynyň arasynda geçiriljek gepleşikler soňky hepdelerde Günbatar paýtagtlary bilen Moskwanyň arasynda Gündogar Ýewropadaky howpsuzlyk meseleleri boýunça geçirilen şowsuz duşuşyklaryň yz ýanyna gabat gelýär. Читать дальше...

Rus oppozisiýa lideri Alekseý Nawalnynyň topary öz geçiren iň meşhur derňewiniň birinji ýyl dönümine gabat Gelenjigiň golaýyndaky köşgüň içinde düşürilen suratlaryň uly toplumyny çap etdi. Olar bu köşgüň rus prezidenti Wladimir Putine berlen sowgatdygyny öňe sürýärler. “YouTube” kanalynda 100 milliondan gowrak adamyň tomaşa eden derňew-filminde Putiniňki diýilýän binanyň içki görnüşleri 3D-wizual şekilinde görkezilipdi. Bu ýagdaý kommentatorlaryň käbiriniň köşgüň içiniň hakykatdanam derňewçileriň... Читать дальше...

Gazak resmileri ýanwar aýynyň başynda hökümete garşy guralan köpçülikleýin protestleriň arasynda bolan ganly çaknyşyklardan soň, Merkezi Aziýa ýurdunyň iň uly şäheri Almatyda "gizlin mazarlaryň" tapylandygyny aýdýarlar. Almaty şäher polisiýa bölüminiň metbugat sekretary Saltanat Azirbek 20-nji ýanwarda şeýle mazarlaryň tapylandygyny tassyklady we olaryň “protestlere gatnaşan adamlaryň şahsyýetlerini anyklamak işini kynlaşdyrmak maksady bilen”, näbelli bir topar tarapyndan jaýlanan adamlaryň mazarlarydygyny öňe sürdi. Читать дальше...