Hepdäniň esasy temalaryna gysgaça synymyzda Türkmenistanda saklanýan aýazly howanyň ilata ýetirýän täsiri, Awazada energiýa serişdelerine baý ýurduň gaz eksporty üçin mümkinçilikleriň maslahat edilmegi we Türkmenistan-Azerbaýjan-Türkiýe liderleriniň Hazar kenarynda geçiren ýokary derejeli duşuşygynyň ýerli ilata ýetiren täsiri barada maglumatlary diňläp bilersiňiz.
Türkmenistanyň raýaty Stambulda ýol hadysasynda heläk boldy. Şol günüň özünde, betbagtçylygyň öňýany ýigit köp ýyllap garaşan türkmen pasportyny aldy.
Türkmenistanyň, Azerbaýjanyň we Türkiýäniň döwlet baştutanlarynyň Awazada geçiren sammitine görlen taýýarlyklar ilatyň gündelik durmuşyna ýaramaz täsir ýetirdi. Türkmenbaşy şäherinde azyndan dört günläp hereket çäklendirildi, adaty durmuş doly diýen ýaly togtady.
Lebap welaýatynyň Türkmenabat şäherinde bir maşgaladan dört agzanyň gazdan zäherlenip ölmegi barada Azatlyk Radiosyna goşmaça maglumatlar gelip gowuşdy. Bu aralykda, betbagtçylygyň yzysüre sebit häkimiýetleri ýaşaýyş jaýlaryndaky gaz enjamlaryny barlamak işlerini güýçlendirdiler.
Azat Ýewropa/Azatlyk Radiosynyň Gyrgyz gullugy, ýagny Radio Azattyk, Gyrgyzystanda öz websaýtynyň petiklenmegine garşy administratiw şikaýaty tabşyrdy. Sud 15-nji dekabrda seljermek üçin tabşyrylan bu işi entek tassyklamaly. Gyrgyz hökümeti 26-nji oktýabrda Radio Azattykyň hem gyrgyz, hem-de rus dillerindäki websaýtyny petikledi. Mundan öň, Azattyk häkimiýetleriň gyrgyz-täjik serhedindäki dawalaryň dowamynda ýüze çykan çaknyşyklar baradaky wideony aýyrmak talabyndan ýüz öwürdi. Resmiler Azat... Читать дальше...
15-nji dekabrda Ermenistany Daglyk-Garabag bilen birleşdirýän Laçyn geçelgesiniň petiklenmegi bilen, Azerbaýjan bilen Ermenistanyň arasyndaky dartgynlylyklar hasam ýitileşdi. Bu ugur, Azerbaýjanyň territoriýasynyň üstünden geçýän, Ermenistany we Daglyk-Garabagy birleşdirýän ýeke-täk gury ýer geçelgesidir. Bu ýoluň dört gün bäri petiklenmeginiň täsirini Ýerewandaky we Stepankertdäki dükanlar we telekeçiler eýýäm duýup başladylar. Ermenistan Azerbaýjany protestçileri öjükdirmekde aýyplaýar. Baku ýoly petiklemändigini aýdýar. Читать дальше...
Eýranda soňky döwürde 11 adam ölüm jezasyna höküm edildi, ýene-de tussaglykdaky 24 raýata bu agyr jezanyň berilmek ähtimallygy bar. Bu ýagdaý golaýda tutuş ýurda tutaşan protestlere gatnaşyjylaryň ikisiniň jezalandyrylyp öldürilmegi bilen, ölüm hökümleriniň artmagynyň mümkindigi baradaky howatyrlanmalary artdyrdy. “Özüni sud atlandyrýan eden-etdilikli komitetler protestçileriň arasynda dowul döretmek, şeýle-de ýurtdaky azatlyk ugrundaky hereketi basyp ýatyrmak maksady bilen adamlary ölüm jezasy bilen gorkuzýarlar” diýip... Читать дальше...
