Türkmenistanda üç gün dowam eden Gurban baýramy Lebap welaýatynyň administratiw merkezi bolan Türkmenabat şäherinde Polisiýanyň ýol gözegçiligi gullugynyň (PÝGG) güýçlendirilen gözegçiligi astynda bellenip geçildi.
Lebap welaýatynyň Saýat etrabynyň Yslam geňeşliginiň ýaşaýjysy, 72 ýaşly Şaniýazguly Asdanow, iň soňky çykalga hökmünde öz sesini, obalardaky ýaramaz ýaşaýyş-durmuş şertleri bilen bagly arz-şikaýatlaryny, köpçülikleýin habar beriş serişdeleriniň üsti bilen häkimiýetlere eşitdirmäge çalyşýar.
Türkmenistanyň orta mekdeplerinde tomusky dynç alyş möwsüminiň dowam edýän mahaly, Mary welaýatynyň Baýramaly etrabynda zähmet çekýän çagalary has köp görse bolýar. Howanyň temperaturasy gündizlerine 40 gradusdan aşýan şu günlerde çagalaryň gazanç gözleginde köçelere çykmagyna ýurtda barha agyrlaşýan sosial-ykdysady kynçylyklar sebäp bolýar. “Çagalaryň köpüsi bazarlaryň, uly edara-kärhanalaryň öňünde suw, çal we çilim satýar. Olar her boklaşka suwdan ýa-da çaldan özlerine 1 manat peýda galýandygyny aýtdylar” diýip... Читать дальше...
Adam hukuklaryny goraýan türkmen we türk aktiwistleri Türkmenistanyň hökümetinden Türkiýede bikanun ýagdaýda ýaşaýan müňlerçe türkmen raýatynyň bu ýurtda kanuny esasda ýaşamak meselesini çözmegini talap edýärler. Olar bu barada Stambulda geçirilen metbugat ýygnagynda mälim etdiler. Türkmenistanyň Türkiýede ýaşaýan raýatlary biometriki pasportlaryny alyp ýa-da olaryň möhletini uzaldyp bilmeýärler. Şol sebäpli olar bu ýurtda bikanun esasda ýaşamaga mejbur bolýarlar.
Türkmenistanda milliardlarça dollarlyk Arkadag şäheriniň açylyş dabarasy mejbury çäreler, raýatlaryň adaty durmuşynyň togtamagy bilen utgaşdy. Ozalky prezident Gurbanguly Berdimuhamedowyň 29-njy iýundaky doglan gününe gabat geçirilen bu mejbury dabaralara ýüzlerçe býujet işgäri, dynç alyşdaky studentler dagy çekildi. Emma dabarada şäheriň adyna lakamy dakylan uly Berdimuhamedow görünmedi.
Halkara welosipedçiler birleşiginiň (UCL) prezidenti Deýwid Lappartient fransuz Le Monde neşirine beren interwýusynda, Türkmenistanyň öňki awtoritar prezidenti Gurbanguly Berdimuhamedowa 2020-nji ýylda gowşuran 'iň ýokary' medalynyň, aslynda, iň ýokary medal bolmandygyny aýtdy.
Türkmen paýtagtynyň merkezi böleginden akyp geçýän Aşgabat kanalynyň suwunyň derejesi, geçen ýyllaryň häzirki döwri bilen deňeşdirilende, ymykly peseldi. Paýtagtlylar muňa alada bildirýän mahaly, türkmen hünärmenleriniň birnäçesi muny howanyň aşa gyzmagy, gurakçylyk we Amyderýanyň suwunyň azalmagy bilen baglanyşdyrýarlar.
Russiýada “Wagner” hakyna tutma toparynyň ýatyrylan gozgalaňynyň yz ýany, türkmen häkimiýetleri bu ýurtda, hususan-da Moskwada işleýän we okaýan türkmenistanlylaryň dogan-garyndaşlary bilen ýygnaklary geçirip başladylar. Döwlet Migrasiýa gullugynyň Balkan we Daşoguz welaýatlaryndaky edaralarynyň resmileri ýygnaga gatnaşan raýatlara "Moskwada ýagdaýyň gün-günden çylşyrymlaşýandygyny" aýdyp, olara Russiýadaky dogan-garyndaşlaryndan Türkmenistana dolanmagy soramagy maslahat berýärler. Bellesek bu, türkmen... Читать дальше...
Türkmenistanda üç gün dowam eden Gurban baýramy Lebap welaýatynyň administratiw merkezi bolan Türkmenabat şäherinde Polisiýanyň ýol gözegçiligi gullugynyň (PÝGG) güýçlendirilen gözegçiligi astynda bellenip geçildi. Döwlet telewideniýesinde ýurduň ähli sebitlerinde şowhunly baýramçylyk dabaralarynyň geçirilendigi habar berildi. Türkmenabatda baýramçylyk güni geçirilendigi habar berlen köpçülik çäreleri üç gün öňünden guramalaşdyrylyp, döwlet telewideniýesi üçin wideo ýazgy edilipdir. Azatlyk... Читать дальше...
Fransiýanyň prezidenti Emmanuel Makron 30-njy iýunda, polisiýanyň bir ýetginjegi atyp öldürmegi netijesinde başlanan gozgalaňyň iň ýykgynçylykly gijesinden soň, hökümetiň iki günüň içindäki ikinji krizis ýygnagyny geçirýär. Fransiýanyň dürli şäherlerinde we şäherçelerinde polisiýa işgärleri bilen çaknyşan pitneçileriň binalara we ulaglara ot bermegi, dükanlara zyýan ýetirmekleri we awtobuslary agdarmaklary bilen, öten agşam ýüzlerçe polisiýa ofiseri ýaralandy we ýüzlerçe adam tussag edildi diýip, häkimiýetler aýtdy. Читать дальше...
Özbegistanda 9-njy iýulda geçiriljek irki prezident saýlawlarynda öňünden ses berişlik başlandy diýip, Özbegistanyň Merkezi saýlaw komissiýasynyň metbugat gullugy habar berdi. Respublikada we daşary ýurtlarda öňünden ses bermek üçin guralan saýlaw uçastoklary 28-nji iýunda, ýerli wagt bilen sagat 11.00-da açyldy. Saýlaw kodeksine laýyklykda, saýlaw güni ýaşaýan ýerinde bolmaga mümkinçiligi bolmadyk raýatyň ir, saýlaw gününden has öň ses bermek hukugy bar. Munuň üçin saýlawçylar saýlaw güni... Читать дальше...
Täjigistanda 1-nji awgustdan başlap, döwlet tölegleri diňe nagt däl görnüşde amala aşyrylar. Bu baradaky permana ýurduň prezidenti Emomali Rahmon 22-nji iýunda gol çekdi. Täjigistanyň ilaty 1-nji awgustdan başlap, kommunal-hojalyk hyzmatlaryny, salgytlary, rugsatnamalary we ygtyýarnamalary almakda döwlet paçlaryny, gümrük haklaryny, jerimeleri we jemgyýetçilik hyzmatlarynyň beýleki görnüşleri üçin tölegleri diňe bank kartlary ýa-da mobil gapjyklary ulanmak bilen tölemeli bolarlar. Häzirki wagtda... Читать дальше...
