Daşoguz welaýatynda adamlaryň işikde saklaýan iri şahly mallarynyň näbelli keselçilikden köpçülikleýin gyrylmagy giň gerime eýe boldy, sebitiň weterinar lukmanlary ilaty öljek bolýan mallaryny halallap öldürip, etini iýmekden saklanmaga çagyrýar diýip, Azatlygyň ýerli habarçysy habar berýär. Mal doktorlary mallaryň gyrylmagyny ekologiýa ýagdaýy bilen baglanyşdyrýarlar. Ýurt maglumat üçin doly ýapyk bolansoň, Azatlyk mal keselleri we olaryň mümkin bolan sebäpleri hakynda resmi düşündiriş alyp bilmeýär. Читать дальше...
Geçen hepde Russiýanyň Ýekaterinburg şäherinde geçirilen polisiýa reýdinde iki azerbaýjanlynyň gynamalar sebäpli ölendigi baradaky aýyplamalaryň arasynda dörän diplomatik gapma-garşylyk Russiýanyň beýleki öňki sowet respublikalary bilen gatnaşyklaryndaky kynçylyklary görkezdi.
Ahaldaky habarçymyz Azatlygyň etraplardaky ýaşaýyş infrastrukturasy, işsizlik we barha ulalýan içerki migrasiýa barada çap eden habarlarynyň, ýaşaýjylaryň daşary ýurt neşiri arkaly eden tankydy bellikleriniň, hökümetiň alyp barýan içerki syýasatyndan eden şikaýatlarynyň belli bir derejede netije berýändigini habar berýär. Azatlyk ýurduň etraplaryndaky ýollaryň, köprüleriň gözgyny ýagdaýy, barha ulalýan içerki we daşarky migrasiýa sebäp bolýan işsizlik barada yzygiderli habar berýär. Emma Aşgabatdaky... Читать дальше...
Türkmenistanda töleg terminallarynyň näsazlyklary dowam edýär. Dürli tölegleri geçirmek işini aňsatlaşdyrmak üçin niýetlenen gurallar sandan çykýar, işleýän terminallar pul kabul etmeýär. Bu ýagdaý ýaşaýjylar üçin kynçylyk döredýär. Aşgabadyň we Türkmenabadyň ýaşaýjylary mobil telefon hasaplaryny doldurmak we beýleki gündelik hyzmatlar üçin ulanylýan töleg terminallarynyň ençemesiniň kadaly işlemeýändigi sebäpli kösenýändigini Azatlyk Radiosyna gürrüň berdiler. “Töleg terminallary nagt pullary kabul etmeýär. Читать дальше...
Russiýanyň Ýekaterinburg şäherinde “Azerbaýjan-Ural” guramasynyň ýolbaşçysy Şahin Şihlinsi saklandy. Bu barada “URALLIVE” telegram-kanaly, azerbaýjan diasporasynyň ýolbaşçysynyň ogly, aklawçy Mutwaly Şihlinskä salgylanyp habar berýär. Onuň aýtmagyna görä, kakasy tussag edilmezden ozal, ony aýnalary garaldylan ulag bilen yzarlapdyrlar. “Baza” telegram-kanalynyň ýazmagyna görä, Şihlinski ogly bilen bilelikde tussag edildi, emma soňra ogly boşadyldy. Bu Baku bilen Moskwanyň arasyndaky gatnaşyklaryň dartgynlaşan döwründe bolup geçýär. Читать дальше...
2-nji iýulda Türkmenistanyň Ahal welaýatynyň Bäherden etrabynyň golaýynda 4.6 bal derejesinde ýer titreme boldy. Bu barada Volcano Discovery saýty habar berýär. Ýerli wagt bilen gije-ýaryndan soň sagat 12:16-da bolan ýer sarsgynynyň 10 km çuňlukda ýüze çykandygy bellenilýär. Türkmen mediasy bu tebigy hadysa we onuň netijeleri barada habar bermeýär. Ýerli habarçylarymyz Bäherdende ýaşaýjylaryň ýer sarsygynyndan soň, gyssagly ýagdaýda öýlerinden daşary çykandyklaryny, käbirleriniň howsala edip, gijäni daşarda geçirendiklerini hem aýdýarlar. Читать дальше...
27-nji iýunda Şwesiýanyň “Svea” şikaýat kazyýeti Russiýanyň MTS mobil operatorynyň Türkmenistana bildirýän ähli şikaýatlaryny ret edip, Aşgabadyň haýryna höküm çykardy. Şol bir wagtyň özünde, kazyýet MTS-i Türkmenistanyň kazyýet işi bilen bagly çykdajylarynyň öwezini dolmaga borçly etdi. Bu çykdajylar jemi 589 müň ýewro deň bolup, bu tribunal tarapyndan öňki çözgüt bilen bellenilen 11 million dollardan başga, goşmaça töleg hökmünde tölenmelidir. Türkmenistanyň Daşary işler ministrliginiň 1-nji iýulda beren habaryna görä... Читать дальше...
Türkmenistanda sosial ulgamlar arkaly azyk harytlarynyň reklamasy köpelýär, şol sanda "örän arzan nyrhly" harytlary hödürleýän dükanlar barada wideolar peýda bolýar. Azatlygyň habarçylary şeýle wideolar bilen gyzyklanyp, "arzan" harytlar bilen bagly ýagdaýy öwrendiler. Häzir internet platformalarynda ýerleşdirilýän we azyk, gök-bakça önümleriniň bahalaryny gaty arzan görkezýän wideolary özlerini bloger diýip, atlandyrýan şahslar çekýärler diýip, Azatlygyň Aşgabatdaky habarçysy aýdýar. "Islendik azyk önüminiň nyrhynyň arzandygyny görkezip... Читать дальше...