Prokuror Nazarbaýewiň ýegeniniň aýalyna sekiz ýyl berilmegini soraýar
Ol korrupsiýa, agyr jenaýatçylygy guramak, adam alyp gaçmak, birnäçe kärhananyň paýnamalaryny we emläklerini bikanun ele geçirmek aýyplamalarynda aýyplanýar.
Gulmira Satybaldy adamsy Kaýrat Satybaldy bilen bilelikde geçen ýylyň mart aýynda tussag edildi we olaryň kazyýet işlerine aýry-aýrylykda seredildi. Är-aýalyň garşysyna gozgalan jenaýat derňewleri Nazarbaýewiň garyndaşlaryny we ýaranlaryny nyşana alýan derňewleriň bir bölegi bolup durýar.
Kaýrat Satybaldy sentýabr aýynda, gazak paýtagtyndaky kazyýet ony kezzaplykda we ogurlykda günäkär tapanyndan soň, alty ýyl türme tussaglygyna höküm edildi.
Şeýle-de, Almaty kazyýeti 25-nji aprelde Milli howpsuzlyk komitetiniň (KNB) bu şäherdäki bölüminiň öňki başlygy Nurlan Majilowy, geçen ýylyň ýanwarynda hökümete garşy guralan we zorluga ýazan görlüp-eşidilmedik protestler wagtynda öz ygtyýarlyklaryndan hyýanatçylykly peýdalanmakda aýyplap, alty ýyl azatlykdan mahrum etdi.