Новости за 26.04.2023

Balkan welaýatynyň Türkmenbaşy şäherinde durmuş we ýaşaýyş maksatly binalara akdyrylýan agyz suw üpjünçiligi kesildi. Bu ýagdaý, esasanam köp gatly jaýlaryň ýaşaýjylaryna ýaramaz täsir edip, olaryň gündelik suw üpjünçiliginde dürli kynçylyklary döretdi. "25-nji aprelde kesilen agyz suw üpjünçiligi 26-njy aprelde günortana çenli hem dikeldilmedi. Häkimiýetler diňe 25-nji aprelde agşam sagat 6:00-6:30 aralygynda 30 minut suw akdyrdylar. Bu ätiýaçdaky suw gorundan goýberildi" diýip, Azatlyk Radiosynyň sebitdäki habarçysy 26-njy aprelde aýtdy. Читать дальше...

Türkmenistanyň çäginde ýene-de tozanly tupanlar turdy. 25-nji aprelde Aşgabatda bir hepdäniň içinde ikinji gezek tozan we gum bölejiklerini öz içine alýan güýçli ýel boldy. Tozan tupanlary ýurduň dürli ýerlerinde aprel aýynyň başyndan bäri ýüze çykýar. "Tozan tupany ýene-de Aşgabady örtdi. Penjireler ýapyk bolsa-da jaýlaryň içine tozan ysy syzdy" - diýip Azatlygyň habarçysy 26-njy aprelde irden gürrüň berdi. Bir gün öň şäheriň daşynda güýçli tozan tupany turdy, paýtagtda şemalyň güýji biraz gowşady. Читать дальше...

Türkmenistanda ene-atalaryň ýüzlerçesi daşary ýurtlaryň ýokary okuw jaýlarynda bilim alýan çagalaryna pul iberip bilmän kösenýär. Muňa türkmen banklarynyň çagalaryna pul geçirmek isleýän ene-atalardan edýän täze talaby sebäp bolýar. Ýatlatsak, aprel aýynyň başyndan bäri ýurduň banklary daşary ýurtlarda bilim alýan raýatlara pul ibermek üçin olaryň ýanlaryndaky asyl resminamalarynyň, şol sanda pasportlarynyň we dogluş hakyndaky şahadatnamalarynyň banka getirilmegini talap edýärler. Bank işgärleri buýrugyň ýokardan gelýändigini dilden aýdyp... Читать дальше...

Eýranyň täsirli ruhanysy, ýurduň ýokary liderini saýlaýan Bilermenler Assambleýasynyň agzasy, ýaragly hüjüm netijesinde öldürildi diýip, döwlet habar beriş serişdeleri 26-njy aprelde habar berdi. "Aýatolla Abbas Ali Soleýmani şu gün irden edilen ýaragly hüjümde öldürildi ... hüjümçi tussag edildi" diýip, IRNA bir resmä salgylanyp ýazdy. Bu hüjüm Eýranyň demirgazygynda boldy.

Türkiýäniň prezidenti Taýyp Erdogan, 14-nji maýda geçiriljek möhüm saýlawlaryň öňüsyrasynda, saglyk ýagdaýy sebäpli 26-njy aprele bellenen kampaniýa duşuşygyny ýatyrandygyny aýtdy. "Şu gün men, lukmanlarymyň maslahaty boýunça, öýde dynç alaryn" diýip, Erdogan öz twitter hasabynda ýazdy. Erdogan 25-nji aprel güni giçlik göni ýaýlymda geçirilen TW söhbetdeşligini gysgaltdy we aşgazan agyrysy sebäpli özüni halsyz duýýandygyny aýtdy.

Täjik howpsuzlyk güýçleri owgan serhediniň golaýynda "halkara terror guramasyna" degişli iki adamy öldürdi diýip, Täjigistanyň Milli howpsuzlyk komiteti 26-njy aprelde habar berdi. Bu waka serhet ýakasyndaky Wanj şäherinde boldy diýip, beýanatda ol adamlaryň şahsyýetleri ýa-da haýsy topara degişlidigi anyklaşdyrylmazdan aýdylýar. Beýanatda ol adamlaryň ýurda "terrorçylykly hereket etmek niýeti bilen girendigi we terrorçylyga garşy operasiýa wagtynda hukuk goraýjy guramalar tarapyndan öldürilendigi" aýdylýar. Читать дальше...

Türkmenistanda raýatlaryň biometriki pasport almakda çekýän kynçylyklarynyň arasynda Migrasiýa gulluklarynda käte barlag geçirilýär. Şu günler Marynyň migrasiýa gullugynyň işi barlanýar.

Özbegistanyň Energetika ministrligi Russiýanyň “Gazpromneft” kompaniýasy bilen 2023-nji ýylda 300 müň tonna nebit importy barada ylalaşyk baglaşdy diýip, Gazeta.uz habar berýär. Energetika ministrliginiň bölüm müdiri Adhamhamon Ubaýdullaýew bu habary 25-nji aprelde geçirilen üç günlük “Innoprom” sergisinde yglan etdi. “Innoprom. Merkezi Aziýa” sergisine Russiýadan, Özbegistandan we GDA-nyň beýleki ýurtlaryndan 300-den gowrak kompaniýa gatnaşdy. Ýatlatsak, Özbegistan we Gazagystan 2023-nji ýylda 300 müň tonna gazak nebitiniň iberilmegi... Читать дальше...

Türkmenistan ýüpek gurçugyna ideg etmek boýunça nobatdaky möwsümiň ahyryna golaýlaýan mahaly, lebaply pileçi-kärendeçiler bu oba hojalyk önümçiligi üçin zerur bolan tut ýapraklarynyň ýiti ýetmezçiligi bilen gaýtadan ýüzbe-ýüz bolýarlar. Käbir daýhanlar göz öňünde tutulan hasyly almak üçin gijelerine tut agaçlarynyň şahalarynyň "awyna" çykýarlar we oba adamlarynyň tut agaçlarynyň şahalaryny rugsatsyz çapýarlar.

Swerdlowsk sebitindäki Soswa obasynda turan uly ýangyn bir adamyň ölmegine we 90 binanyň weýran bolmagyna sebäp boldy diýip, Russiýanyň Adatdan daşary ýagdaýlar ministrligi 26-njy aprelde habar berdi. Ministrlik ýangyna nämäniň sebäp bolandygyny aýtmady. Emma habarlarda onuň ýerli agaç kärhanasynda döräp, güýçli ýel esasynda tiz ýaýrandygy aýdylýar.  Sebitde adatdan daşary ýagdaý yglan edildi we sülçüler geleňsizlik we biperwaýlyk sebäpli  adam ölümine sebäp bolmak ähtimallygyny derňemek üçin jenaýat işlerini açdylar. Читать дальше...

Hytaýyň demirgazyk-günbataryndaky Sinszýan uýgur awtonom sebitindäki Urumçy bilen Türkmenistanyň paýtagty Aşgabat arasyndaky uçar gatnawy üç ýyllyk arakesmeden soň, ikinji gün agşam dikeldildi diýip, “Global Times” neşiri habar berýär. Bu Hytaý bilen bäş Merkezi Aziýa ýurdunyň arasyndaky uçar gatnawlarynyň doly dikeldilendigini görkezýär. CZ6015/6 uçar gatnawlary hepdäniň ikinji günlerinde amala aşyrylýar we Hytaý Günorta howaýollary tarapyndan dolandyrylýar. Şeýlelikde, Hytaý Günorta howaýollary häzirki wagtda bu sebitiň dokuz ýurduna... Читать дальше...

Türkmenistanda raýatlary çagyryş boýunça harby gulluga almak we gulluk möhletini tamamlan esgerleri öýlerine ugratmak möwsümi dowam edýär. Bu aralykda, Azatlyk Radiosynyň habarçysy harby gullukda para möwsüminiň hem başlanandygyny aýdýar. Ene-atalar şu günler esger ogullaryny wagtyndan öň gullukdan boşatmaga çalyşýandyklaryny, munuň üçin müňlerçe manat möçberinde para berýändiklerini gürrüň berdiler. "5-nji maýda 'Kelete' okuw-türgenleşik merkezinde harby-taktiki okuwyň geçirilmegine garaşylýar. Читать дальше...

Prezident Jo Baýden saýlawçylardan “işini tamamlamak” üçin has kän wagt berilmegini sorap, 2024-nji ýylda gaýtadan saýlanmak üçin bäsleşige gatnaşjakdygyny resmi taýdan yglan etdi. “Her bir nesliň özüniň demokratiýany goramaly pursatlary bolýar. Öz esasy azatlyklaryny goramak pursady. Men munuň biziňkidigine ynanýaryn. Şu sebäpden Amerikanyň Birleşen Ştatlarynyň prezidentligine dalaş etmekçi bolýaryn. Goşulyň. Geliň, işi tamamlalyň” diýip, Baýden twitterde ýazdy. ABŞ-nyň wise-prezidenti Kamala Harris hem... Читать дальше...

Gazagystanyň prokurory 25-nji aprelde Astananyň kazyýetinden Merkezi Aziýa döwletiniň öňki prezidenti Nursoltan Nazarbaýewiň tussag edilen ýegeniniň aýalyna sekiz ýyl iş kesilmegini sorady. Ol korrupsiýa, agyr jenaýatçylygy guramak, adam alyp gaçmak, birnäçe kärhananyň paýnamalaryny we emläklerini bikanun ele geçirmek aýyplamalarynda aýyplanýar. Gulmira Satybaldy adamsy Kaýrat Satybaldy bilen bilelikde geçen ýylyň mart aýynda tussag edildi we olaryň kazyýet işlerine aýry-aýrylykda seredildi.... Читать дальше...