Новости за 18.01.2020

(Казан, 18 гыйнвар, "Татар-информ"). «Казан егетләре» төркеме Төмән татарлары каршында чыгыш ясады. Бу турыда Бөтендөнья татар конгрессы сайтында хәбәр ителә.

(Әлмәт, 18 гыйнвар, «Татар-информ», «Әлмәт таңнары»). Әлмәтнең массакүләм мәгълүмат чаралары вәкилләре һәм Журналистлар берлеге әгъзалары «Мирас» спорт комплексына ял итәргә җыелды. Бу турыда район басмасы хәбәр итә.

(Әгерҗе, 18 январь, «Татар-информ», "Әгерҗе хәбәрләре", Миләүшә Ягъфәрова).Әгерҗедә «Ел укытучысы» бәйгесе җиңүчеләрен хөрмәтләделәр. Быел әлеге бәйгедә район мәктәпләреннән 21 педагог катнашты. Бу турыда район басмасы хәбәр итә.

(Казан, 18 гыйнвар, «Татар-информ»). Бүген Татарстан урман хуҗалыгы министры Равил Кузюров Лаеш муниципаль районына эш сәфәре кылды. Очрашу барышында урман хуҗалыгын үстерү, урманнарны торгызу һәм үрчетү буенча эшләр башкару, 2020 елгы янгын чыгу хәтәре янаган чорга әзерлек мәсьәләләре һ.б. каралды. Бу турыда Татарстан Урман хуҗалыгы министрлыгы матбугат хезмәте хәбәр итә.

(Казан, 18 гыйнвар, «Татар- информ», Гөлнар Гарифуллина). Казан циркында «Манзара-2020» спорт-җыр бәйгесенең җиңүчесе билгеле. Батыр исеменә Яр Чаллыдан Рәнис Гыйләҗетдинов лаек булды. Ул көндәше, Әлмәттән Айдар Алтынбаевны 6:0 исәбе белән җиңде.

(Казан, 18 гыйнвар, «Татар- информ», Гөлнар Гарифуллина). «Манзара-2020» бәйгесендә иганәчеләрдән аерым призга көрәштә Раил Нургалиев Муса Галләмовны җиңде.

(Казан, 18 гыйнвар, «Татар-информ»). Артык авырлыктан котылу өчен эчә торган суны дөрес һәм даими куллану кирәк. Япон галимнәре шундый нәтиҗә ясаган. Бу хакта «Известия» хәбәр итә.

(Казан, 18 декабрь, "Татар-информ", Рузилә Мөхәммәтова). Моннан 60 ел элек язылган милли симфония бүген Казанда беренче тапкыр яңгырады. Сәйдәшев исемендәге Дәүләт Зур концертлар залында "Мирас" татар музыкасы фестиваленең икенче концерты бара.

(Казан, 18 гыйнвар, «Татар-информ», Елена Сәләхова). Психолог ТР Балык Бистәсе районында «Акчарлак» приютында тәрбияләнүчеләр белән эшли. Анда кызлар хезмәт укытучысы җенси мөнәсәбәтләр таләп итүгә зарланган иде. Бу хакта ТРда бала хокуклары буенча вәкаләтле вәкил Гүзәл Удачина хәбәр итте.

(Казан, 18 гыйнвар, «Татар-информ», Гөлнар Гарифуллина). Бу минутларда Казан циркында «Манзара-2020» спорт-җыр бәйгесенең ярымфинал көрәше башланды. Барлыгы дүрт көрәшче бил алыша. Икесе финалга чыгачак.

(Казан, 18 гыйнвар, «Татар-информ»). Җиңүнең 75 еллыгы уңаеннан бер тапкыр бирелә торган түләү һәр ветеранга 75 мең сум, тыл хезмәтчәннәренә 50 мең сум тәшкил итәчәк. Бу хакта Россия Президенты Владимир Путин сүзләренә сылтама белән РИА Новости хәбәр итә.

(Казан, 18 гыйнвар, «Татар-информ»). Иртәгә, 18 гыйнварда, Татарстан юлларында һәм Казанда бозлавык булырга мөмкин. Гидрометеорология һәм әйләнә-тирә мохитне күзәтү үзәге хәбәр итә.

(Казан, 18 гыйнвар, «Татар-информ», Елена Сәлахова). Балалар омбудсмены Татарстанның Балык Бистәсе районында «Акчарлак» приютында тәрбияләнүчеләрне икенче приютка күчерергә тырышачак. Алар укытучы бәйләнүдән зарланды. Бу хакта «Татар-информ» мәгълүмат агентлыгына ТРда бала хокуклары буенча вәкаләтле вәкил Гүзәл Удачина сөйләде.

(Казан, 18 гыйнвар, «Татар-информ», Полина Шевчук). Татарстанда яшәүче хатын-кыз, ялган банкирга ышанып, 120 мең сум акчасын югалткан. Бу турыда Татарстан буенча Эчке эшләр министрлыгы матбугат хезмәте хәбәр итә.

(Казан, 18 гыйнвар, «Татар-информ»). 12 гыйнварда Иваново шәһәренең Җәмигъ мәчетендә хатын-кызлар һәм балалар арасында Коръән уку һәм белем алу буенча конкурс узды. Чарага 200 кеше килгән, шуларның иллесе катнашучы. Бу турыда Россия мөселманнары Диния нәзарәте матбугат хезмәте хәбәр итә.

(Казан, 18 гыйнвар, «Татар-информ»). Россия Президенты Владимир Путин «КамАЗ-Мастер» командасын — Андрей Каргинов, Андрей Мокеев һәм Игорь Леоновны «Дакар-2020» ралли-марафонында йөк машиналары арасында җиңүләре белән котлады. Бу хакта Кремль сайтында бастырылган телеграммада әйтелә.

(Истанбул, 18 гыйнвар, “Татар-инфрм”, Рушания Алтай). Чаллы шәһәренең “Этюд” спорт мәктәбе шахматчылары Төркиянең Измир каласында үткән шахмат турнирыннан җиңү белән кайтып киттеләр. Бу хакта Измир татар җәмгыяте рәисе Бәһзат Акташ белдерә.

(Казан, 18 гыйнвар, «Татар-информ», Екатерина Ларионова). Россия Президенты Владимир Путин Федераль Җыенга Юлламасында тәкъдим иткән өстәмә ярдәм чаралары демографик хәлгә уңай йогынты ясаячак. Бу хакта Андрей Кузьминга «Татар-информ» мәгълүмат агентлыгы өчен биргән интервьюсында Татарстан Республикасында бала хокуклары буенча вәкаләтле вәкил Гүзәл Удачина сөйләде.

17 гыйнвар Нью-Йоркның Carnegie Hall залында "Үзгәреш җиле" концерты узды. Нью-Йорк татарлары өчен күптән көтелгән чара үтеп тә китте. Реклам аз булуына карамастан, залдагы күпчелек урыннар алынган иде. Әмма күп кенә тамашачылар бушлай билет таратканга килдек диде.

(Казан, 18 гыйнвар, «Татар-информ», Полина Шевчук). Казанда «БМВ» белән идарә итүче исерек йөртүче туктап торган берничә автомобильне бәрдергән. Бу турыда Татарстан буенча Эчке эшләр министрлыгы матбугат хезмәтендә хәбәр иттеләр.

Неблагоприятные метеорологические явления: 19 января 2020 года местами на территории Республики Татарстан ожидаются: - на дорогах сильная гололедица (и в Казани), - гололед, - ночью и утром туман.

(Казан, 18 гыйнвар, «Татар-информ»). Пенсия фонды башлыгы Антон Дроздов «Россия газетасына» интервьюсында 2022 елга пенсияләрнең артуы турында сөйләде. Бу турыда РИА Новости хәбәр итә.

(Казан, 18 гыйнвар, «Татар-информ», Екатерина Ларионова). Татарстанда Бала хокуклары буенча вәкаләтле вәкилгә мөрәҗәгатьләр саны буенча мәгариф мәсьәләләре өстенлек алып тора. Бу хакта Андрей Кузьминга «Татар-информ» мәгълүмат агентлыгы өчен биргән интервьюсында ТР балалар омбудсмены Гүзәл Удачина сөйләде.

На днях в Самарской области на территории 87 квартала охотничьего хозяйства Кошкинского района был выявлен случай заболевания африканской чумы свиней (АЧС).

(Казан, 18 гыйнвар, «Татар-информ», Полина Шевчук). Татарстанда яшь йөртүче машинасы тәрәзәсендәге тонировкасын салдырмаган өчен өч тәүлеккә кулга алынган. Бу турыда республика Дәүләт автоинспекциясе хәбәр итә.